تىنىسىمىزدى كەڭەيتكەن ترانزيتتىك الەۋەت

ء«بىرىنشىسى – ينفراقۇرىلىم جاساۋ, ەكىنشىسى – تاسىمالداۋ. ينفرا­قۇ­رىلىم جاساۋ بويىنشا قىتايدىڭ ليانيۋنگان پورتىندا قازاقستان تەرمينالى اشىلعان. ونىڭ قۋاتى – 220 مىڭ توننا. بۇدان بولەك, بيىل ءبىرىنشى كەزەڭ اياسىندا سيان پورتىندا تاعى ءبىر جاڭا قازاقستان تەرمينالى اشىلدى. ونىڭ قۋاتى – 66 مىڭ توننا. ليانيۋنگان پورتىمەن بىرگە قورعاستا ارناۋلى قۇرعاق جۇكتەرگە ارنالعان تەرمينال سالىندى. ودان كەيىن ال­ماتىدا سيان پورتىمەن بىرگە قۇر­عاق جۇكتەرگە ارنالعان ارنايى تەر­مينال قۇرىلىسىن بيىل باستايمىز. سونىمەن قاتار ليانيۋنگانمەن تاعى ءبىر جوبانى قولعا الىپ, اقتاۋدا ارناۋلى تەرمينال سالامىز», دەدى م.قاراباەۆ سەناتتا سويلەگەن سوزىندە.

ايتۋىنشا, ەل ىشىندەگى جۇكتەردى سىرتقا شىعارۋ باعىتىندا ازەرباي­جاننىڭ اليات پورتىندا «Abu Dhabi Ports» كومپانياسىمەن بىرگە تەرمينال سالۋ كەلەسى جىلعا جوسپارلانعان. ال گرۋزيانىڭ پوتي قالاسىندا وتاندىق جەكە كاسىپكەر قۋاتى 480 مىڭ توننالىق تەرمينال سالعان. وعان قتج كونسورتسيۋم رەتىندە كىردى. قىتايدان ەۋروپاعا دەيىن ينفرا­قۇرىلىم سالۋ باعىتىنداعى جوس­پار جانە اتقارىلعان جۇمىس وسى. ياعني قىتاي اۋماعىندا 1 تەرمينال سالىندى. بيىل 2 تەرمينال قۇرىلىسى باستالادى. كەلەسى جىلى تاعى 2 تەرمينال سالۋ جوسپارلانعان.

مينيستر جۇك تاسىمالداۋ باعىتىنا دا توقتالىپ, قتج-نىڭ سينگاپۋرلىق «PSA International Pte Ltd» كومپانياسىمەن بىرلەسىپ, ترانسكاسپي كولىك ءدالىزى بو­­يىنشا جۇكتەردى تاسىمالدايتىن بىرىڭ­عاي كومپانيا قۇرعانىن مالىمدەدى. وسى كومپانيا ەۋروپا مەن قىتاي اراسىندا جۇكتەردى تاسىمالداۋمەن اي­نا­لىسپاق. رەسەيدەن يران مەن پاكىستانعا شىعاتىن جول بويىنشا «Abu Dhabi Ports» كومپانياسىمەن ەكىجاقتى كەلىسىمشارتقا قول قويىلىپ, ەنشىلەس كومپانيا اشىلدى. بىراق جۇك تاسىمالداۋ ءالى باستالماعان.

«قتج» ۇك باسقارما توراعاسى نۇرلان ساۋرانباەۆ جولاۋشىلار تاسى­ما­لى جانە جول ساپاسىنا قاتىستى ساۋال­دار­عا جاۋاپ بەردى.

«قازاقستاندا بۇگىندە 16 مىڭ كم تەمىرجول بار. 2,5 مىڭ كم جولدىڭ پايدالانۋ مەرزىمى وتكەن. پرەزيدەنت تاپسىرماسىمەن 2030 جىلعا دەيىن 11 مىڭ كم جولعا جوندەۋ جۇرگىزۋ جوسپارلانىپ وتىر. بىلتىر تەمىرجولداعى جوندەۋ جۇمىستارى ەكى ەسە كوبەيدى», دەدى ول.

وتكەن جىلى لوكوموتيۆتەردىڭ كۇرت جە­تىسپەۋ قاۋپى ورىن العان. دەگەنمەن الدىن الا تاپسىرىستىڭ ارقاسىندا 119 لو­كوموتيۆ ساتىپ الىنىپتى. بيىل – 194, 2025 جىلى 245 لوكوموتيۆ ساتىپ الىن­باق. وسىلايشا, بۇل تۇرعىداعى قا­جەت­تىلىك تولىعىمەن شەشىلۋگە ءتيىس. سپي­كەرلەردىڭ مالىمەتىنشە, تەمىرجولدا جىلدان-جىلعا جۇك كولەمى دە, اينالىم دا ارتىپ كەلەدى. مىسالى, بىلتىر جۇك كولەمى 297 ملن توننا رەكوردتىق كور­سەت­­كىشكە جەتسە, جۇك اينالىمى 7 پا­يىز­عا وسكەن.