فوتو: ۆيدەودان سكرينشوت
بۇگىن ساعات 10:40-تا ءورت سوندىرۋشىلەر جەتىسۋ اۋدانىنداعى كوكمايسا-27 ىقشاماۋدانى مەكەنجايىنا ءورتتىڭ جوعارى دەڭگەيى تۋرالى حابارلاماعا شىقتى.
اشىق جالىنمەن قويمانىڭ شاتىرى ورتەنىپ جاتىر. جاقىن ماڭداعى اكىمشىلىك عيماراتتى ءسوندىرۋ جانە قورعاۋ ءۇشىن ءورت وقپاندارى تارتىلدى.
«جاعداي قالا بويىنشا بەينەباقىلاۋ كامەرالارىنىڭ جانە ءتۇتىن مەن ءورتتى انىقتاۋدىڭ كومەگىمەن توتەنشە جاعدايلار باقىلاۋىندا. جەدەل شتاب جۇمىلدىرىلدى, ەكى ءورت ءسوندىرۋ ايماعى قۇرىلدى. جەكە كولىكتەر كەدەرگى جاساپ جاتىر, ءوزارا ارەكەتتەسۋ قىزمەتتەرى نىساندى توكتان اجىراتىپ جاتىر», دەلىنگەن تجد حابارلاماسىندا.
ساعات 11.31-دە جانىپ جاتقان قويمادان 1 گاز باللونى (كولەمى 25 ل) ەۆاكۋاتسيالاندى. ءورتتى ءسوندىرۋ جارىلىس قاۋپى بار زاتتاردىڭ (گاز باللوندارى, اەروزولدى گاز باللوندارى, لاك-بوياۋ بۇيىمدارى) بولۋىمەن كۇردەلەنە ءتۇستى.
وقيعا ورنىندا تجد جەكە قۇرامىنىڭ 104 ادامى جانە 29 تەحنيكاسى جۇمىس ىستەپ جاتىر.
ساعات 12.28-دە قابىلدانعان شارالاردىڭ ارقاسىندا ءورت وقشاۋلاندى.
