فوتو: ۇلتتىق ۇلاننىڭ ءباسپاسوز قىزمەتى
فوتوكونكۋرس ايەلدەردىڭ تابيعي سۇلۋلىعىن, زياتكەرلىك جانە شىعارماشىلىق دامۋىن, قوعامدىق قىزمەتكە بەلسەندى ارالاسۋىن بايقاتۋ جانە قۇقىقتىق ءتارتىپ اسكەرلەرى ايەلدەرىنىڭ ءيميدجىن قالىپتاستىرۋ ماقساتىندا ۇيىمداستىرىلدى.
كونكۋرسقا ۇلتتىق ۇلاندا قىزمەت ەتەتىن 18 جاستان 40 جاسقا دەيىنگى ايەل اسكەري قىزمەتشىلەر قاتىسادى. بايقاۋعا قاتىسۋشىلار 3 فوتوسۋرەت ۇسىنا الادى:
- ۇلتتىق ۇلاننىڭ نىساندى كيىم-كەشەگىندە;
- ۇلتتىق كيىمدە;
- سۇيىكتى ىسىمەن (حوببيىمەن) اينالىسۋ ساتىندەگى فوتوسۋرەت.
داۋىس بەرۋ ۇلتتىق ۇلاننىڭ Instagram national_guard_kaz رەسمي پاراقشاسىندا وتەدى.
جەڭىمپازدار ۇناتۋ بەلگىسىنىڭ سانى بويىنشا انىقتالادى. سونىمەن قاتار قر ىشكى ىستەر ءمينيسترىنىڭ ورىنباسارى – ۇلتتىق ۇلان باس قولباسشىسىنىڭ ديپلومدارىمەن جانە سىيلىقتارىمەن ماراپاتتالادى.
