فوتو: almaty-marathon.kz
«الماتىدا 25 اقپاندا Winter Run 2024 قالالىق قىسقى جارىستى وتكىزۋگە بايلانىستى ءال-فارابي داڭعىلىنىڭ سولتۇستىك جاعىمەن مەڭدىقۇلوۆ بۋلۆارىنان Esentai Mall-عا دەيىن 07:50-دەن 10:45-كە دەيىن, 08:30-دان 10:30-عا دەيىن ءال-فارابي داڭعىلىمەن Esentai Mall-دان گاگارين داڭعىلىنا دەيىن قوزعالىس جابىلادى», دەپ حابارلادى الماتى قالالىق اكىمدىگى.
جارىس كەزىندە ءال-فارابي داڭعىلىنىڭ وڭتۇستىك بولىگى كولىك قوزعالىسى ءۇشىن اشىق بولادى. بالاما جول شىعىس باعىتتا تيميريازەۆ كوشەسى ارقىلى ۇيىمداستىرىلادى.
سونىمەن قاتار ءال-فارابي داڭعىلىنان گاندي كوشەسىنە دەيىنگى باتىس جەلتوقسان كوشەسىنىڭ ۋچاسكەسى ساعات 04:00-دەن 12:00-گە دەيىن جابىلادى.
اكىمدىك جارىس كۇنى بىرقاتار قوعامدىق كولىكتىڭ دە قوزعالىسى ساعات 6:00-دەن 11:00-گە دەيىن ۋاقىتشا وزگەرتىلەتىنىن مالىمدەدى.
