فوتو: gov.kz
«ەلگە جەتكىزىلگەن شەتەل ازاماتى 2020 جىلدىڭ شىلدەسى مەن تامىزى ارالىعىندا ترانسۇلتتىق ۇيىمداسقان توپ قۇرامىندا قازاقستاننان 24 كەلىدەن استام التىندى كونتراباندالىق جولمەن اكەتۋگە قاتىسقان. ناتيجەسىندە مەملەكەتكە 633 ميلليون تەڭگەدەن استام شىعىن كەلتىرىلگەن. قىلمىس جاساعاننان كەيىن قاتىسۋشىلار تەرگەۋدەن جاسىرىنىپ, حالىقارالىق ىزدەۋگە جاريالانعان. 2023 جىلدىڭ شىلدەسىندە كۇدىكتى ازەربايجان اۋماعىندا ۇستالدى. قازىرگى ۋاقىتتا ول استانا قالاسىنىڭ ۋاقىتشا ۇستاۋ يزولياتورىنا قامالدى. اتالعان قىلمىستى جاساعانى ءۇشىن مۇلكىن تاركىلەپ, 8 جىلدان 12 جىلعا دەيىنگى مەرزىمگە باس بوستاندىعىنان ايىرۋ جازاسى قاراستىرىلادى», دەپ جازىلعان اقپاراتتا.
ەسكە سالايىق, 2022 جىلى استانا قالاسىنىڭ سوتى اتالعان ترانسۇلتتىق ۇيىمداسقان توپتىڭ قىزمەتىنە قاتىسى بار 14 ادامعا ءتۇرلى جازا كەسىپ, سوتتالۋشىلاردان مەملەكەت پايداسىنا 5 ميلليارد تەڭگەگە جۋىق اقشا ءوندىرىپ العان ەدى.
