فوتو: dknews.kz
وسى ورايدا تۇركىستان وبلىسى بويىنشا مەملەكەتتىك كىرىستەر دەپارتامەنتى بيۋدجەت كىرىستەرىنە تالداۋ جۇرگىزىپ, كىرىستەردى ۇلعايتۋعا مۇمكىندىكتەر بارىن انىقتاعانىن ايتا كەتەلىك. ونىڭ ىشىندە الەۋمەتتىك جانە جەكە كاسىپكەرلەردىڭ جەكە تابىس سالىعى بار. بيىلدان باستاپ شاعىن جانە ميكرو ساناتتاعى جەكە كاسىپكەرلەر تابىس سالىقتارىن تولىعىمەن تولەيتىن بولادى. وتكەن جىلدىڭ قورىتىندىسى بويىنشا جەرگىلىكتى بيۋدجەت تۇسىمدەرىنىڭ ءوسۋ قارقىنى – 113%, ونىڭ ىشىندە سالىقتىق تۇسىمدەر 132%-دى قۇراعان. ونىڭ 9,6 ملرد تەڭگەسى – ءبىر رەتتىك تۇسىمدەر. بيىل وزىندىك كىرىستەردى 200 ملرد تەڭگەگە جەتكىزۋ جوسپارلانىپ وتىر. ونىڭ ىشىنە سالىقتىق تۇسىمدەر مەن نەگىزگى كاپيتالدى ساتۋدان تۇسەتىن ءتۇسىم كىرەدى.
دەگەنمەن سالىقتىق تۇسىمدەردى ارتتىرۋ باعىتىندا جۇمىستى جەتىلدىرە ءتۇسۋدى قاجەت ەتەتىن تۇستار دا بار. مىسالى, وبلىستىڭ اۋىل شارۋاشىلىعى سالاسىندا تىركەلگەن 80 مىڭنان استام شارۋا قوجالىعىنىڭ 81,3 پايىزى سالىق ورگاندارىنا ەككەن ونىمدەرىن جەكە ءوزىنىڭ قاجەتتىلىگى ءۇشىن پايدالاناتىنىن كورسەتكەن. 13 مىڭ شارۋا قوجالىعى عانا ەڭبەك باعىتىن تابىس كوزى رەتىندە كورسەتىپ, سالىق دەكلاراتسياسىن ۇسىنعان. بىلتىر مەملەكەت تاراپىنان 30 ملرد تەڭگەدەن استام سۋبسيديا العان شارۋالاردان تۇسكەن سالىق كولەمى 2 ملرد تەڭگەدەن اسپاعان. وڭىردەگى 90-عا جۋىق بازاردان تۇسەتىن سالىق كولەمى دە ماردىمسىز.
ۇكىمەتتىڭ كەڭەيتىلگەن وتىرىسىندا پرەزيدەنت سالىق جانە بيۋدجەت سالاسىنا تۇبەگەيلى رەفورما قاجەتتىگىن اتاپ كورسەتتى. «سونىڭ ارقاسىندا مەملەكەت پەن بيزنەستىڭ اراسىندا جاڭا قوعامدىق شارت جاسالماق. وسىلايشا, ۇلتتىق تابىستى ءادىل ءبولۋدىڭ پاراساتتى جولى قالىپتاسادى. بۇل – ۇكىمەتتىڭ الدىندا تۇرعان نەگىزگى باسىمدىق. جاڭارعان سالىق جانە بيۋدجەت زاڭناماسى مەن جاريالاعان جاڭا ەكونوميكالىق ساياساتتىڭ بەرىك تۇعىرىنا اينالۋى كەرەك», دەدى پرەزيدەنت.
جالپى, تۇركىستان وبلىسىندا بيۋدجەت كىرىستەرىن ۇلعايتۋعا بارلىق اۋدان, قالادا رەزەرۆتەر بار. بىرىنشىدەن, وبلىس بويىنشا 4 529 سالىق سالۋ نىسانىنىڭ (تويحانا, ءدامحانا, مەيرامحانا, بازار جانە ت.ب.) باعالاۋ قۇنىن نارىقتىق باعاعا رەتكە كەلتىرىپ, م ۇلىك سالىعى مەن جۇمىسشىلارىنىڭ جەكە تابىس سالىعىنىڭ تولىق ءوندىرىلۋىن قامتاماسىز ەتۋ قاجەت. ەكىنشىدەن, بيۋدجەتتەن قارجىلاندىرىلعان «اۋىل اماناتى», «اۋىل – ەل بەسىگى» جوبالارى ارقىلى جانە وزگە دە باعدارلامالارمەن جەڭىلدەتىلگەن نەسيە العان جەكە كاسىپكەرلەر مەن سۋبسيديا العان شارۋا قوجالىقتارىنا تالداۋ جۇرگىزىپ, سالىقتارىن ءوندىرۋ كەرەك. ۇشىنشىدەن, سالىق بازاسىن ارتتىرۋ ماقساتىندا جاڭا ينۆەستيتسيالىق جوبالاردى قامتاماسىز ەتۋ قاجەت. ياعني دەپارتامەنت قىزمەتكەرلەرى قوسىمشا ءتۇسىمدى قامتاماسىز ەتۋ جانە بيۋدجەتتەن بولىنگەن قارجىلاردىڭ تيىمدىلىگىنە تالداۋ جۇرگىزۋ ماقساتىندا جاڭا ءىس-شارالار جۇرگىزۋگە مۇددەلى.
ماقسات نۇراحاەۆ,
مەملەكەتتىك كىرىستەر دەپارتامەنتىنىڭ باسشىسى
تۇركىستان وبلىسى
