– ءبىزدىڭ وقۋ ورنىنان 2001 جىلدان بەرى 2 300-دەن استام جوعارى بىلىكتى مامان تۇلەپ ۇشتى. سوندىقتان ءبىز قازاقستان تاريحى مەن قازاق ءتىلىن وقىپ-ۇيرەنۋ مەن وقىتۋ ادىستەمەسىن جەتىلدىرۋگە ەرەكشە كوڭىل بولەمىز. قازاق ءتىلىن ءبىلۋ دەڭگەيىن ارتتىرۋ ماقساتىندا فيليالدا ونى جەتىلدىرۋ باعدارلاماسى ازىرلەندى, – دەدى فيليال ديرەكتورى الەكساندر سيدوروۆيچ.
قازاق ءتىلىن وقىتۋدى جەتىلدىرۋ ءۇشىن قازتەست جۇيەسى نەگىزىندە مەملەكەتتىك ءتىلدى مەڭگەرۋ دەڭگەيىن وبەكتيۆتى باعالاپ, بولاشاق تۇلەكتەرگە ودان ءارى مەملەكەتتىك قىزمەتكە ورنالاسۋى جانە ەلىمىزدەگى جوعارى وقۋ ورىندارىنداعى ماگيستراتۋرا مەن دوكتورانتۋرادا ءبىلىم الۋىنا مۇمكىندىك تۋعىزاتىن ادىستەمەنى ەنگىزۋ ماسەلەسى جولعا قويىلدى. تالاپقا سايكەس, ولاردىڭ قازاق ءتىلى بويىنشا بىلىمىنە اعىمداعى باقىلاۋدى رەتتىلىكپەن قاداعالايتىن قازتەست جۇيەسى ەنگىزىلەدى.
باقىلاۋ تىڭدالىم, لەكسيكالىق جانە گرامماتيكالىق قۇرىلىم, وقىلىم, جازىلىم بلوكتارى بويىنشا جۇرگىزىلەدى. بۇگىندە بارلىق وقۋ باعىتىندا ءبىرىنشى جانە ەكىنشى كۋرس ستۋدەنتتەرى ءۇشىن باقىلاۋدى ورىنداۋ جۇيەسىن ەنگىزۋدىڭ العاشقى ناتيجەسى بار. ستۋدەنتتەردىڭ دەنى مەملەكەتتىك ءتىلدى مەڭگەرۋدىڭ نەگىزگى جانە ورتا دەڭگەيىن كورسەتتى.
عىلىمي كەڭەستە وقۋ ۇدەرىسىنىڭ تاجىريبەلىك باعىتىن كۇشەيتۋ ماقساتىندا ارالىق باقىلاۋ ەمتيحانىمەن بىردەي دەڭگەيدەگى قازتەست سەرتيفيكاتى بولۋىن ەسەپكە الۋدى ەنگىزۋ كەرەك دەگەن شەشىم قابىلداندى. سونىمەن بىرگە فيليالدىڭ كىتاپحانا قورىن قازاق تىلىندەگى كوركەم جانە وقۋ ادەبيەتتەرىمەن تولىقتىرۋ, «ىسكەرلىك قازاق ءتىلى» جانە «اكادەميالىق جازۋ» باعدارلاماسى بويىنشا فاكۋلتاتيۆتىك ساباق ۇيىمداستىرۋ, سونداي-اق وقىتۋ ۇدەرىسىندە پايدالانۋ ءۇشىن يننوۆاتسيالىق ەلەكتروندىق وقۋلىقتى ازىرلەۋ جانە دايىنداۋ قولعا الىنادى.
قازاق ءتىلىنىڭ وقۋ-ادىستەمەلىك بازاسىن قالىپتاستىرۋ, جەتىلدىرۋ جانە ستۋدەنتتەردىڭ مەملەكەتتىك ءتىلدى وقىپ-ۇيرەنۋگە ىنتاسىن ارتتىرۋ ءۇشىن رەسپۋبليكالىق, وبلىستىق, قالالىق قازاق ءتىلىن وقىتۋ جانە قازاق ءتىلى وقىتۋشىلارىن قايتا دايارلاۋ ورتالىقتارىمەن, ايتالىق, قازتەست, ۇلتتىق تەستىلەۋ ورتالىعى, ء«تىل-قازىنا» ۇلتتىق عىلىمي-پراكتيكالىق ورتالىعى جانە ى.التىنسارين اتىنداعى ۇلتتىق ءبىلىم اكادەمياسىمەن ىنتىماقتاستىقتى كەڭەيتۋدى جوسپارلاپ وتىر.
