فوتو: turkystan.kz
ءمينيستردىڭ ايتۋىنشا, اقىلى جولداردىڭ تاريفتەرىن 2-3 ەسەگە كوتەرۋ ۇسىنىلدى.
«بۇعان دەيىن تاريفتەردىڭ باعاسىن 2-3 ەسە كوتەرۋ ۇسىنىلعان ەدى. ءبىزدىڭ ماماندار جولعا قاجەت تەحنيكانى ساتىپ الۋدان بولەك, جولداردى كۇتىپ ۇستاۋعا قانشا قاراجات كەتەتىنىن ەسەپتەۋى كەرەك», دەدى مارات قاراباەۆ.
وسى تۇستا ۆەدومستۆو باسشىسى اقىلى جولداردىڭ تاريفتەرى حالىقپەن تالقىلاناتىنىن العا تارتتى. اتالعان تالقىلاۋلار وسى جىلدىڭ ناۋرىز ايىندا باستالادى دەپ جوسپارلانىپ وتىر.
مارات قاراباەۆتىڭ ايتۋىنشا, جولداردىڭ ءتاريفى 11 جىل بويى وزگەرمەگەن.
ء«تاريفتى كوتەرۋدى جوسپارلاپ وتىرمىز. نەگە ەكەنىن ءتۇسىندىرىپ كەتەيىن. 2013 جىلدان بەرى تاريف 11 جىل بويى وزگەرمەگەن, بىلتىر 20 پايىزعا وسكەن. ماسەلەن, ءبىزدىڭ تاريفتەرىمىزدى رەسەيمەن سالىستىرىپ كورەيىك, ەگەر قازاقستاندا تاريف 1 تەڭگە 20 تيىن بولسا, رەسەيدە ۇلتتىق ۆاليۋتامىزعا اۋدارعاندا - 7 تەڭگە. جولدار ساپالى بولۋى ءۇشىن ارنايى تەحنيكالىق قىزمەت كورسەتۋ, جوندەۋ كەرەك. حالىق بۇل شىعىندار سالىق تولەۋشىلەر ەسەبىنەن بولعانىن قالامايدى. جالعىز نۇسقا - تاريفتەردى كوتەرۋ», دەپ ءتۇسىندىردى مينيستر.
