فوتو: gov.kz
«بۇل قۇجاتتار حالىقارالىق قاۋىپسىزدىكتى قامتاماسىز ەتۋگە, سونداي-اق قىلمىسقا, ونىڭ ىشىندە ونىڭ ترانسۇلتتىق تۇرلەرىنە قارسى كۇرەسكە باعىتتالعان.
اتاپ ايتقاندا, ۇستاپ بەرۋ تۋرالى كەلىسىم تاراپتارعا ءبىر ەلدە قىلمىس جاساعان جانە باسقا ەلدە جاسىرىنعان ادامداردى قىلمىستىق جاۋاپكەرشىلىككە تارتۋ ءۇشىن ەكستراديتسيالاۋعا مۇمكىندىك بەرەدى.
قىلمىستىق ىستەر بويىنشا ءوزارا قۇقىقتىق كومەك تۋرالى كەلىسىم قىلمىس جاساعان ادامداردىڭ كىناسىن دالەلدەۋ بويىنشا ەكى ەلدىڭ قۇقىق قورعاۋ ورگاندارىنىڭ ءوزارا ءىس-قيمىلىنا باعىتتالعان.
قازاقستان تاراپىنان ولاردى ىسكە اسىرۋ بويىنشا ۋاكىلەتتى مەملەكەتتىك ورگان باس پروكۋراتۋرا بولىپ تابىلادى.
ايتا كەتۋ كەرەك, بۇعان دەيىن قازاقستان ساۋد ارابياسىمەن, يوردانيامەن جانە بىرىككەن اراب امىرلىكتەرىمەن وسىنداي اراب الەمى ەلدەرىمەن حالىقارالىق شارتتار جاساسقانى» جازىلعان اقپاراتتا.
قاتار قازاقستان رەسپۋبليكاسىنىڭ قىلمىسقا قارسى ءىس-قيمىل سالاسىندا قاجەتتى حالىقارالىق-قۇقىقتىق بازانى قالىپتاستىرعان پارسى شىعاناعىنداعى تاعى ءبىر مەملەكەت بولدى.
