ءبىز وسى ونەر ۇجىمىنىڭ ديرەكتورى بوتاگوز اقماعامبەتوۆاعا جولىعىپ اڭگىمەلەسكەن ەدىك. ونىڭ ايتۋىنا قاراعاندا, گاسترولدىك ساپاردىڭ ۇيىمداستىرىلۋىنا ءۇندىستاننىڭ قازاقستانداعى ەلشىسى دوكتور ناگەندرا پراسات مىرزا ۇيىتقى بولعان. ول پەتروپاۆلعا كەلگەن ساپارىندا استاناداعى ءۇندى مادەني ورتالىعىمەن بايلانىسىپ, فيلارمونيادا ولاردىڭ بيلەرىن, يوگاسىن ۇيرەنىپ جۇرگەن قىزىلجارلىق جاستارعا ريزا بولىپ, ولاردىڭ ۇندىستانعا دا بارىپ, ونەرلەرىن كورسەتۋى تۋرالى ۇسىنىس جاساپتى. جاڭا جىلدان كەيىن استانانىڭ 35 ادامدىق كامەرالىق حورى دا ۇندىستانعا بارا جاتقانىن بىلگەن سوڭ, ءبىزدىڭ فيلارمونيا ۇجىمى دا سولارمەن بىرگە گاسترولدىك ساپارعا شىعادى. ءۇندىستان ەلىندە ولاردىڭ جول, تاماق شىعىندارىن قارسى الۋشى جاق كوتەرگەن. «35 ادامدىق وركەستردىڭ جولساپارىنا جەتەتىن قاراجاتتى ءوزىمىز تاپتىق. ديريجەرىمىز الماس ءمۇحيتدينوۆتى توپتىڭ جەتەكشىلىگىنە تاعايىندادىق. ءار قالادا ءبىر كونتسەرت قويدىق. ونى دومبىراشىمىز اسحات عاليەۆ اشىپ وتىردى. ەكى شەكتى دومبىرادان وسىنشالىق كەرەمەت اۋەن توگىلگەنى ۇندىلىكتەردى تاڭعالدىرعانىن كورىپ, شاتتانىپ وتىردىق. فلەيتاشى قىزىمىز تامارا پورفيرەۆانىڭ شەبەرلىگىنە كورەرمەندەر بارىنشا ريزا بولدى. باسقا دا ءان-كۇيلەرىمىز, مۋزىكالىق ورىنداۋلارىمىز كورەرمەندەردى ابدەن ريزا قىلدى. ۇندىلەر ءبىزدىڭ ونەرپازداردان مۇندايدى كۇتپەگەن سياقتى, بارىنشا تاڭعالىپ, قول سوقتى. مۋمباي قالاسىندا وسىنداعى ۇلكەن سيمفونيالىق وركەسترگە جەتەكشىلىك ەتىپ جۇرگەن جەرلەسىمىز مارات بەيسەنعاليەۆپەن دە كەزدەستىك. ءبىزدىڭ كونتسەرتتەرىمىزگە ۇندىلىك انشىلەر مەن بيشىلەر دە قوسىلىپ وتىردى. مۋمباي قالاسىندا لاكشميناريان اتتى وزدەرىنىڭ مۋزىكالىق فەستيۆالىنە ءبىزدىڭ ونەرپازدارىمىز قوناق رەتىندە قاتىسىپ, ونەرلەرىن كورسەتتى. گازەتتەر ءبىزدىڭ ونەرپازدارىمىز تۋرالى «الەمدىك دارەجەدەگى وركەستر» دەپ ماقتاپ جازعاندارىنا قاتتى قۋاندىق», دەدى ول.
قازاقستاندىق ونەرپازدار قازاق, ورىس, ەۋروپا ەلدەرى جانە ءۇندىنىڭ كەڭ تاراعان كومپوزيتورلارىنىڭ شىعارمالارىن ورىندادى. ءسويتىپ, ءۇندى حالقىنىڭ ونەرسۇيەر قاۋىمى قازاقستان ونەرىمەن كەڭىنەن تانىسىپ, ونىڭ جەتىستىكتەرىن كورىپ, مۋزىكانتتاردىڭ ۇلتتىق جانە الەمدىك اسپاپتارمەن شەبەر وينايتىندىعىنا ءتانتى بولعان. شىن مانىندە, «ونەردە شەكارا جوق» دەگەن وسى شىعار.
پەتروپاۆل
