فوتو:ult.kz
بولجام بويىنشا, قازاقستان اۋماعىنا سولتۇستىك-باتىستان اركتيكالىق انتيتسيكلون جىلجيدى. تسيكلون بىرتە-بىرتە رەسپۋبليكانىڭ باسىم بولىگىنە ىقپال ەتىپ, اۋا رايى ايازدى بولادى. 15 اقپاندا رەسپۋبليكانىڭ شىعىسىندا, 16 اقپاندا وڭتۇستىك-شىعىستا اتموسفەرالىق فرونتتار اسەرىنەن جاڭبىر مەن قار تۇرىندەگى جاۋىن-شاشىن بولادى, كەي جەرلەردە قاتتى جاۋىن-شاشىن, كوكتايعاق, بۇرقاسىن بولادى دەپ بولجانىپ وتىر.
«باتىستا اۋا تەمپەراتۋراسى تۇندە 12-30, سولتۇستىك-باتىستا, سولتۇستىكتە جانە ورتالىقتا 30-38 گرادۋس اياز, 16 اقپاندا شىعىستا 18-35 گرادۋس اياز, وڭتۇستىكتە 10-30 گرادۋس اياز, 17 اقپاندا وڭتۇستىك-شىعىستا 15-28 گرادۋس اياز بولادى», دەلىنگەن حابارلامادا.
