ايتۋلى باسپادان شىققان كىتاپ اۆتورلارى – ماتەماتيكا جانە كومپيۋتەرلىك مودەلدەۋ كافەدراسىنىڭ اعا وقىتۋشىسى بەرىك تولەۋوۆ پەن اقپاراتتىق قاۋىپسىزدىك جۇيەلەرى كافەدراسى دوتسەنتىنىڭ مىندەتىن اتقارۋشى ادەمى وسپانوۆا. ولاردىڭ بۇل ەڭبەگىندە الەمدىك تەحنيكالىق ادەبيەتتەردە بۇعان دەيىن ايتىلماعان تىڭ مالىمەتتەر كەلتىرىلگەن. جاڭا باسىلىم Windows جۇيەسىندە C/C++ كومپيلياتورلارىن جىلدام جانە ءتيىمدى ورناتۋ جولدارىن سيپاتتايدى.
«C/C++ كومپيلياتورلارىن ورناتۋ ادەتتە كوپ ۋاقىتتى الادى, ويتكەنى ادامداردىڭ باسىم كوپشىلىگى Microsoft Visual Studio باعدارلاماسىن پايدالانادى. Visual Studio باعدارلاماسىن ورناتۋ ادەتتە شامامەن 40 گب ديسكىلىك كەڭىستىكتى جانە كوپ جەدەل جادتى قاجەت ەتەدى. سوندىقتان ونى ونىمدىلىگى تومەن دەڭگەيلى جابدىقتا ىسكە قوسۋ مۇمكىن ەمەس. ەندى ءبىز Microsoft C/C++ كومپيلياتورىن قولدانۋدىڭ قاراپايىم ءادىسىن ۇسىنامىز. ونىڭ بارىسىندا ديسكىلىك كەڭىستىكپەن ماسەلە تۋىندامايدى نەمەسە اپپاراتتىق رەسۋرستاردىڭ جەتىسپەۋشىلىگى ورىن المايتىن. بۇل ءادىس ۋاقىتتى ايتارلىقتاي ۇنەمدەيدى, ويتكەنى باعدارلامالىق جاساقتامانى, ءتىپتى فلەش-ديسكىلەر سياقتى الىنبالى قۇرىلعىلاردا وڭاي جانە ءپورتاتيۆتى تۇردە ورنالاستىرۋعا بولادى», دەيدى بەرىك تولەۋوۆ.
بۇل جيناق C++ ءتىلىن مەڭگەرۋگە ۋاقىتىن ۇنەمدەيتىن جانە باعدارلامالىق جاساقتامانى ورناتۋمەن تانىسۋعا قىزىعاتىن بارلىق پايدالانۋشىعا ارنالعان. قازىر كىتاپتى وقىتۋشىلار مەن ستۋدەنتتەر دە پايدالانادى.
ايتا كەتەيىك, «Springer» – جاراتىلىستانۋ عىلىمى باعىتىندا اكادەميالىق جۋرنال مەن كىتاپ شىعارۋعا ماماندانعان حالىقارالىق باسپا كومپانياسى. قازىر كومپانيادا الەم بويىنشا
2 900 جۋرنال مەن 300 000 كىتاپ بار.
