فوتو: قۇرىلىس جانە تۇرعىن ءۇي-كوممۋنالدىق شارۋاشىلىق ىستەرى كوميتەتى
ونىڭ ايتۋىنشا, سوڭعى جىلدارداعى زەرتتەۋلەر قورىتىندىسى بويىنشا قازاقستان اۋماعىنىڭ شامامەن 45 پايىزى سەيسميكالىق قاۋىپتى ايماقتارعا جاتقىزىلعان. وسىعان بايلانىستى, سەيسميكالىق ايماقتارداعى جوبالاۋ جانە قۇرىلىس نورمالارى ەلىمىز ءۇشىن وتە ماڭىزدى.
قۇرىلىس وبەكتىلەرىنىڭ ساپاسىن ارتتىرۋ ماقساتىندا قۇرىلىس ۇيىمدارىمەن سەيسميكالىق وقشاۋلاۋ جۇيەلەرىن قولدانۋ بويىنشا كەشەندى شارالاردى قابىلداۋ جوسپارلانىپ جاتىر. سونىڭ ىشىندە: سەيسميكالىق قاۋىپتى ەرتە باعالاۋ, قۇرىلىس الاڭىن تاڭداۋ, سىناۋ جانە ت.ب.
سونىمەن قاتار كودەكس جوباسىندا توزۋدى انىقتاۋعا, كونسترۋكتسيالاردىڭ ساپاسىن تەكسەرۋگە, وبەكتىنى توزعان دەپ تانۋعا, قايتا جاڭارتۋ مۇمكىندىگىنە باعىتتالعان قولدانىستاعى وبەكتىلەردى پاسپورتتاۋ جونىندەگى نورمالار كوزدەلگەن.
بۇل رەتتە, جەرگىلىكتى اتقارۋشى ورگاندار قۇرىلىس وبەكتىلەرىنىڭ سەيسميكالىق قاۋىپتىلىگى مەن سەيسميكالىق توزىمدىلىگىن باعالاۋ ءۇشىن سەيسميكالىق قاۋىپتى وڭىرلەردە پاسپورتتاۋدى جۇرگىزۋدى قامتاماسىز ەتۋگە ءتيىس.
