بەلگىلى باسپادان شىققان كىتاپتىڭ اۆتورلارى – ماتەماتيكا جانە كومپيۋتەرلىك مودەلدەۋ كافەدراسىنىڭ اعا وقىتۋشىسى بەرىك تولەۋوۆ جانە اقپاراتتىق قاۋىپسىزدىك جۇيەلەرى كافەدراسى دوتسەنتىنىڭ مىندەتىن اتقارۋشى ادەمى وسپانوۆا. ەۇۋ عالىمدارىنىڭ ەڭبەگىندە الەمدىك تەحنيكالىق ادەبيەتتەردە بۇعان دەيىن ايتىلماعان بىرەگەي جاڭا مالىمەتتەر كەلتىرىلگەن. جاڭا باسىلىم Windows جۇيەسىندە C/C++ كومپيلياتورلارىن جىلدام جانە ءتيىمدى ورناتۋ جولدارىن سيپاتتايدى.
«C/C++ كومپيلياتورلارىن ورناتۋ ادەتتە كوپ ۋاقىتتى الادى, ويتكەنى ادامداردىڭ باسىم كوپشىلىگى Microsoft Visual Studio باعدارلاماسىن پايدالانادى. Visual Studio باعدارلاماسىن ورناتۋ ادەتتە شامامەن 40 گب ديسكىلىك كەڭىستىكتى جانە كوپ جەدەل جادتى قاجەت ەتەدى. سوندىقتان ونى ونىمدىلىگى تومەن دەڭگەيلى جابدىقتا ىسكە قوسۋ مۇمكىن ەمەس. ەندى ءبىز Microsoft C/C++ كومپيلياتورىن قولدانۋدىڭ قاراپايىم ءادىسىن ۇسىنامىز. ونىڭ بارىسىندا ديسكىلىك كەڭىستىكپەن ماسەلە تۋىندامايدى, سونداي-اق, اپپاراتتىق رەسۋرستاردىڭ جەتىسپەۋشىلىگى بولمايدى. بۇل ءادىس ۋاقىتتى ايتارلىقتاي ۇنەمدەيدى, ويتكەنى باعدارلامالىق جاساقتامانى, ءتىپتى فلەش-ديسكىلەر سياقتى الىنبالى قۇرىلعىلاردا وڭاي جانە ءپورتاتيۆتى تۇردە ورنالاستىرۋعا بولادى», دەيدءى ەۇۋ ماتەماتيكالىق جانە كومپيۋتەرلىك مودەلدەۋ كافەدراسىنىڭ اعا وقىتۋشىسى بەرىك تولەۋوۆ.
ەۇۋ ەڭبەگى C++ ءتىلىن مەڭگەرۋگە ۋاقىتى مەن كۇش-جىگەرىن ۇنەمدەگىسى كەلەتىن جانە باعدارلامالىق جاساقتامانى ورناتۋمەن تانىسۋعا قىزىعۋشىلىق تانىتاتىن بارلىق پايدالانۋشىلارعا ارنالعان. قازىر كىتاپتى ستۋدەنتتەر دە, وقىتۋشىلار دا پايدالانادى.
اتاپ وتكەن ءجون, Springer – جاراتىلىستانۋ عىلىمدارى بويىنشا اكادەميالىق جۋرنالدار مەن كىتاپتار شىعارۋعا ماماندانعان حالىقارالىق باسپا كومپانياسى. قازىر كومپانيادا بۇكىل الەم بويىنشا 2900 جۋرنال جانە 300 000 كىتاپ بار.
