«سىزدەر جۇمىسقا سەلقوس قاراماساڭىزدار, جاڭا جىلدا 180 وتباسى باسپانالى بولار ەدى. بەكىتىلگەن مەرزىمنەن 2 ايعا كەشىگىپ جاتىرسىزدار. قۇرىلىس ءبولىمى ولقىلىقتاردىڭ ورنىن تولتىرۋ باعىتىندا 5 حات جولداعان, ەندى كومپانيانى جاۋاپسىز دەپ تانۋ ءۇشىن سوتقا بەردى. ەڭ باستىسى, سىزدەر تۇسىنۋلەرىڭىز كەرەك, ءۇي كەزەگىندە تۇرعاندار پاتەر كىلتىن اسىعا كۇتىپ وتىر. ونىڭ ىشىندە كوپبالالى وتباسىلار, مۇگەدەكتەر جانە باسقا دا الەۋمەتتىك وسال توپتاعى جاندار بار», دەگەن نۇرلان قۇماتاەۆ «SHEBERBUILD» جشس-ءىن سىنعا الدى.
ءۇي قۇرىلىسىنان بولەك, اۋلالاردى اباتتاندىرۋ دا باستالماعان. شاھار باسشىسى مەردىگەر كومپانيامەن بىرگە تاپسىرىس بەرۋشى تۇرعىن ءۇي كوممۋنالدىق شارۋاشىلىق پەن قۇرىلىس ءبولىمى دە جاۋاپقا تارتىلاتىنىن العا تارتتى.
«سونداي-اق ول, «SHEBERBUILD» جشس قوناەۆتا قۇرىلىسى ءجۇرىپ جاتقان باسقا نىسانداردا مەردىگەر ەكەنىن اتاپ ءوتتى. ولاردىڭ دا جۇمىسى مەرزىمىنەن كەش قالعان. سوندىقتان اكىمدىك كومپانيانى جاۋاپسىز دەپ تانۋ ءۇشىن سوتقا جۇگىنبەك», دەيدى قوناەۆ قالاسى اكىمدىگىنىڭ وكىلدەرى.
