فوتو: gov.kz
«بۇل تسيكل ءبىلىم بەرۋ جۇيەسىنىڭ قازىرگى ماسەلەلەرى تۋرالى جاڭا سۇراقتاردىڭ قوسىلۋىمەن ەرەكشەلەنەدى. زەرتتەۋگە ى. التىنسارين اتىنداعى ۇلتتىق ءبىلىم اكادەمياسىنىڭ, رەسپۋبليكالىق ءبىلىم مازمۇنىن ساراپتاۋ عىلىمي-پراكتيكالىق ورتالىعىنىڭ, «ورلەۋ» باۇو ساراپشىلارى جانە ل.گۋميلەۆ اتىنداعى ەۇۋ وقىتۋشىلارى بىرلەسىپ ازىرلەگەن ۇلتتىق ماسەلەلەر ەنگىزىلەدى», دەدى ءبىلىم بەرۋ سالاسىنداعى ساپانى قامتاماسىز ەتۋ كوميتەتىنىڭ توراعاسى ەرنۇر داۋەنوۆ.
TALIS-2024 بويىنشا قازاقستان پەداگوگتەرى ناتيجەلەرىنىڭ ەگجەي-تەگجەيلى تالداۋلارى قامتىلعان ۇلتتىق ەسەپ 2026 جىلى جاريالانادى. ناتيجەلەر رەسپۋبليكانىڭ سەگىز ماكرووڭىرى بويىنشا ۇسىنىلادى.
ۆەدومستۆونىڭ ءباسپاسوز قىزمەتىنىڭ ءمالىم ەتۋىنشە قازاقستان TALIS زەرتتەۋىنە 2018 جىلدان بەرى قاتىسىپ كەلەدى. ونىڭ ناتيجەلەرى «پەداگوگ مارتەبەسى تۋرالى» زاڭدى ازىرلەۋ كەزىندە ەسكەرىلدى. TALIS (Teaching and Learning International Survey) ءار التى جىل سايىن ەكونوميكالىق ىنتىماقتاستىق جانە دامۋ ۇيىمىنىڭ قولداۋىمەن وتكىزىلىپ كەلەدى. ول ەڭ اۋقىمدى حالىقارالىق زەرتتەۋلەردىڭ بىرىنە اينالعان. زەرتتەۋ ەلىمىزدىڭ پەداگوگيكالىق كورپۋسىنىڭ كۇشتى جانە ءالسىز تۇستارىن انىقتاۋعا جانە مەكتەپتەردەگى پەداگوگتەر مەن ءبىلىم بەرۋ ورتاسىنىڭ جۇمىس جاعدايلارىن تاۋەلسىز باعالاۋعا مۇمكىندىك بەرەدى.
