چەمپيوناتتىڭ ماقساتى — اسكەري قىزمەتشىلەردىڭ دەنە شىنىقتىرۋ دايىندىعى مەن سپورتتىق شەبەرلىگىن ارتتىرۋ, سالاۋاتتى ءومىر سالتىن ناسيحاتتاۋ.
جارىستىڭ اشىلۋ سالتاناتىندا ۇلتتىق ۇلان باس قولباسشىلىعىنىڭ دەنە دايارلىعى جانە سپورت ءبولىمىنىڭ باستىعى پولكوۆنيك ءساتجان ءابىشوۆ سايىسقا بارلىعى جەتى كوماندا جينالعانىن مالىمدەدى.
«ىشكى ىستەر ءمينيسترىنىڭ ورىنباسارى – ۇلتتىق ۇلاننىڭ باس قولباسشىسى گەنەرال-لەيتەنانت ەركىن بوتاقانوۆتىڭ اتىنان ۆولەيبول جارىسىنا قاتىسۋشىلارعا ساتتىلىك تىلەيمىن. سايىستا تەك قانا مىقتى كوماندا جەڭىسكە جەتسىن. سونداي-اق جارىستى وتكىزۋگە قولداۋ بىلدىرگەن الماتى وبلىستىق تۋريزم جانە سپورت باسقارماسىنا جانە ەڭبەكشىقازاق اۋدانىنىڭ اكىمدىگىنە العىس بىلدىرەمىز», دەدى پولكوۆنيك ءساتجان ءابىشوۆ.
سونىمەن قاتار سالتاناتتى شارادا الماتى وبلىسىنىڭ دەنە شىنىقتىرۋ جانە سپورت باسقارماسىنىڭ باستىعى ەربولات سارابەكوۆكە «ۇلتتىق ۇلان ۇزدىگى» كەۋدە بەلگىسى تابىستالدى.
«قۇرمەتتى سپورتشىلار, قادىرلى قوناقتار, «التىن ادام» تابىلعان ەسىك قالاسىنا قوش كەلدىڭىزدەر! جارىسقا قاتىسىپ جاتقان سپورتشىلارىمىزعا ساتتىلىك تىلەيمىن. تەك ۇزدىك كوماندا جەڭىسكە جەتسىن. سول مىقتىلار الداعى ۋاقىتتا حالىقارالىق دارەجەدەگى دودالاردا ەل قورجىنىنا ولجا سالسىن. باستىسى ەلىمىز امان بولسىن», دەدى ەربولات سارابەكوۆ.
الماتى وبلىسىنىڭ پد ارنايى جانە جۇمىلدىرۋ دايارلىعى باسقارماسىنىڭ باستىعى پوليتسيا پودپولكوۆنيگى بەرىك نۇرعاليەۆ تە جارىس قاتىسۋشىلارىنا ساتتىلىك تىلەدى.
«سپورتشى جاۋىنگەرلەر, ۇلتتىق ۇلان پاتريوتتارى, وتان قورعاۋشىلار, الماتى وبلىسىنىڭ پوليتسيا دەپارتامەنتى باسشىلىعى اتىنان سىزدەرگە ساتتىلىك تىلەيمىن. الا دوپتى بيىكتە اۋەلەتكەن ارقايسىڭىز جەڭىسكە لايىق جانسىزدار. وزدەرىڭىزدەي سپورتتى ناسيحاتتاپ جۇرگەن اسكەري قىزمەتشىلەر كوپ بولسىن», دەدى پوليتسيا پودپولكوۆنيگى بەرىك الشىنباي ۇلى.
بيىلعى جارىستىڭ باستى ءفاۆوريتى – بىلتىرعى چەمپيوناتتىڭ جەڭىمپازدارى, ياعني, «باتىس» وڭىرلىك قولباسشىلىعى. بۇل جولى ۇزدىك ۆولەيبولشىلاردى «باتىس» وڭق وكىلى رەتىندە 5546 اسكەري ءبولىمىنىڭ دەنە دايىندىعى جانە سپورت باستىعى سەرجانت بەردىبەك ابدىكەرەي باستاپ اكەلدى.
ء«بىز بيىل دا مىقتى دايىندىقپەن كەلدىك. جىگىتتەر الدىمەن ءوزىمىزدىڭ وڭىرلىك قولباسشىلىقتاعى وتكەن جارىستا ىرىكتەلدى. 15 كۇن وقۋ-جاتتىعۋ جيىنىن جاساپ, تاكتيكالىق دايىندىقتارىمىزدى پىسىقتاپ الدىق. ءبىز ءۇشىن بۇگىنگى جارىستا وسال قارسىلاس جوق. بارلىعىنا دا قۇرمەتپەن قاراپ وتىرمىز. ماقساتىمىز – جەڭىمپاز اتانۋ. بۇل ءۇشىن بىزگە بارلىق جاعداي جاسالعان. ۇيىمداستىرۋشىلار دا جوعارى دەڭگەيدە دايىندالعان. سپورتشىلاردى كۇتىپ الۋدان باستاپ, ورنالاستىرۋعا دەيىنگى شارۋالار جۇيەلى جۇرگىزىلگەن. سپورتتىق كەشەن – تاماشا», دەدى ول.
جارىس اينالمالى جۇيە بويىنشا وتكىزىلەدى. ءار كەزدەسۋ ەكى پارتيادان تۇرادى. كوماندالار تەڭ تۇسكەن جاعدايدا 15 ۇپايعا دەيىن قوسىمشا پارتيا وينالادى. پارتياداعى جەڭىسى ءۇشىن كومانداعا – 1 بالل, ۇتىلعانى ءۇشىن – 0 بالل بەرىلەدى. چەمپيونات جەڭىمپازى كەزدەسۋلەردەگى جەڭىس سانىنىڭ كوپتىگىمەن انىقتالادى. كورسەتكىش تەڭ بولعان كەزدە قوس ۇمىتكەر كوماندا بەتپە-بەت كەزدەسۋدىڭ ناتيجەسى بويىنشا انىقتالادى.
اتالمىش دوداعا قۇقىقتىق ءتارتىپ اسكەرىنىڭ «وڭتۇستىك» (الماتى ق.), «ورتالىق» (قاراعاندى ق.), «باتىس» (ورال ق.) جانە «شىعىس» (وسكەمەن ق.) وڭىرلىك قولباسشىلىقتارى مەن ۇلتتىق ۇلان اكادەمياسىنىڭ (پەتروپاۆل ق.), 5573 (استانا ق.) جانە 6654 (قاراكەمەر كەنتى) اسكەري بولىمدەرىنىڭ كوماندالارى قاتىسىپ جاتىر.
ايتا كەتەيىك, چەمپيونات جەڭىمپازى 9 اقپان كۇنى انىقتالادى. تۋرنير جەڭىمپازدارىنا كۋبوك, مەدالدار جانە باعالى سىيلىقتار بەرىلەدى. جۇلدەگەرلەر مەن قاتىسۋشىلار دا ماراپاتتالادى. سونىمەن قاتار, «ۇزدىك امبەباپ ويىنشى», «ۇزدىك بۇعاتتاۋشى», «ۇزدىك بايلانىستىرۋشى», «ۇزدىك ليبەرو», ء«تۋرنيردىڭ ەڭ ۇزدىك ويىنشىسى» نوميناتسيالارى بويىنشا جەڭىمپازدار انىقتالادى.
