ورتالىقتاعى زاماناۋي دياگنوستيكالىق قۇرالدار AYALA قايىرىمدىلىق قورىنىڭ «الەمدى كورەمىن» جوباسىن جۇزەگە اسىرۋدىڭ جانە الماتى قالالىق قوعامدىق دەنساۋلىق ساقتاۋ باسقارماسىمەن ىنتىماقتاستىق تۋرالى مامىلەنىڭ ارقاسىندا الىنىپ جاتىر.
بۇل – AYALA قايىرىمدىلىق قورىنىڭ قازاقستاننىڭ مەديتسينالىق ورتالىقتارىنا الىپ بەرگەن جەتىنشى رەتينالدى كامەراسى. قور بيىل, ياعني 2024 جىلى وسىنداي دياگنوستيكالىق قۇرىلعىلاردى اقتوبە مەن اتىراۋداعى پەريناتالدىق ورتالىقتارعا الىپ بەرۋدى جوسپارلاپ وتىر.
ءۇندىستاندا جاسالعان FORUS NEO رەتينالدى كامەراسى وفتالمولوگ دارىگەرگە ءتىپتى رەانيماتسيا جاعدايىنداعى, ءتىپتى جاڭا تۋعان نارەستە ءوجج اپپاراتىنا قوسۋلى بولعان كەزدە دە بالانى دياگنوستيكالاۋعا مۇمكىندىك بەرەدى – مۇنداي مۇمكىندىك باسقا اپپاراتتاردا جوق. كامەرانى پايدالانۋ ءادىسى قاراپايىم ءارى نوۋتبۋكپەن ۇيلەسەدى, وندا كىشكەنتاي پاتسيەنتتەر تۋرالى بارلىق اقپارات, رەتينوپاتيانى دياگنوستيكالاۋدىڭ فوتوسۋرەتتەرى مەن بەينەقۇجاتتارى تۇگەل ساقتالادى. دارىگەرلەرگە دياگنوستيكا كەزىندە, ەمدەلگەنگە دەيىن جانە ەمدەلگەننەن كەيىن اتا-انالارعا كوز تورىنداعى وزگەرىستەردى كورسەتىپ وتىرۋعا كومەكتەسەدى.
AYALA قايىرىمدىلىق قورى «الەمدى كورەمىن» جوباسىن ءۇش جىل ۇزبەي جۇزەگە اسىرىپ كەلەدى. ءتيىمدى قايىرىمدىلىق تاسىلدەرى ارقىلى قور وتاندىق وفتالمولوگ دارىگەرلەرگە قازاقستاننىڭ 17 پەريناتالدىق جانە عىلىمي ورتالىقتارىندا 4,5 مىڭنان استام جاڭا تۋعان نارەستەنى دياگنوستيكالاپ جانە وسى ورتالىقتاردى 26 دانا دياگنوستيكالىق جانە لازەرلىك جابدىقتارمەن قامتاماسىز ەتۋگە كومەكتەستى. قور ساتىپ اپەرگەن جابدىقتاردىڭ ارقاسىندا رەتينوپاتيا بويىنشا تاۋەكەل ساناتىنداعى شالا تۋعان بالالارعا 100% سكرينينگ جاسالدى
«الماتى قالاسىنىڭ پەريناتولوگيا جانە بالالار كارديوحيرۋرگياسى ورتالىعىندا جىل سايىن 8,2 مىڭنان استام نارەستە دۇنيەگە كەلەدى, ونىڭ ىشىندە دەنە سالماعى وتە تومەن 800 شاقتى ءسابي بار. رەتينالدى كامەرا بۇل ورتالىقتىڭ وفتالمولوگتارىنا جەدەل دە ءدال دياگنوز قويۋعا جانە قاجەتتى ەمدى ۋاقتىلى ۇسىنۋعا كومەكتەسەدى, سونىڭ ارقاسىندا جۇزدەگەن بالا سوقىرلىققا دۋشار بولۋدان قۇتىلا الادى», دەيدى AYALA قايىرىمدىلىق قورىنىڭ نەگىزىن قالاۋشى ءارى پرەزيدەنتى ايدان سۇلەيمەنوۆا.
AYALA قايىرىمدىلىق قورى 2021 جىلدىڭ مامىرىنان باستاپ دەنساۋلىق ساقتاۋ مينيسترلىگىمەن مەموراندۋمعا سايكەس «الەمدى كورەمىن» جوباسىن جۇزەگە اسىرىپ كەلەدى. 2023 جىلدىڭ قازان ايىندا قور الماتى قالاسى قدسب پەريناتولوگيا جانە بالالار كارديوحيرۋرگياسى ورتالىعىمەن دە ىنتىماقتاستىق تۋرالى مەموراندۋمعا قول قويدى. جوبانى ىسكە اسىرۋ بارىسىندا رەتينوپاتياعا بايلانىستى قازاقستاندا شالا تۋعان بالالاردىڭ كورۋ قابىلەتى بويىنشا مۇگەدەكتىگى 0,6 پايىزعا دەيىن ازايدى.
