قازاقستان 2024 جىلعى 1 قاڭتاردان باستاپ ۇقشۇ-عا توراعالىق ەتىپ كەلەدى. مەملەكەت باسشىسى قاسىم-جومارت توقاەۆ وتكەن جىلدىڭ قاراشا ايىندا مينسكىدە وتكەن ۇقشۇ ۇجىمدىق قاۋىپسىزدىك كەڭەسىنىڭ وتىرىسىندا قازاقستاننىڭ توراعالىق ەتۋىندەگى باسىمدىقتاردى تانىستىرعان بولاتىن. سەناتور لۋكين بۇگىنگى كەڭەس بارىسىندا وسى باسىمدىقتار تۋرالى جان-جاقتى ايتىپ بەردى.
«قازاقستان بۇۇ-مەن ىنتىماقتاستىقتى نىعايتۋدى جانە تاۋەلسىز مەملەكەتتەر دوستاستىعىمەن جانە شانحاي ىنتىماقتاستىق ۇيىمىمەن ىنتىماقتاستىقتى تەرەڭدەتۋدى جوسپارلاپ وتىر. تابيعي جانە تەحنوگەندىك سيپاتتاعى توتەنشە جاعدايلاردىڭ الدىن الۋ جانە ولاردىڭ سالدارىن جويۋ سالاسىنداعى ءوزارا ءىس-قيمىلدى دامىتۋعا ەرەكشە نازار اۋدارىلاتىن بولادى. قارۋ-جاراقتىڭ زاڭسىز اينالىمىنا جانە ۇيىمداسقان ترانسۇلتتىق قىلمىسقا قارسى كۇرەستە بىرلەسكەن كۇش-جىگەردى ارتتىرۋ ماڭىزدى دەپ سانايمىز. جالپى, قازاقستاننىڭ توراعالىق ەتۋدەگى باسىمدىقتارى ۇقشۇ-نى ودان ءارى قارقىندى دامىتۋعا باعىتتالعان», دەدى دەپۋتات.
اندرەي لۋكين سونىمەن قاتار ارىپتەستەرىن قازاقستاننىڭ توراعالىق ەتۋ كەزەڭىندەگى ۇقشۇ-نىڭ نەگىزگى ءىس-شارالارىنىڭ كەستەسىمەن تانىستىردى.
