ساپالى جول مۇراتقا جەتكىزەدى

قازاقستان جول عىلىمي-زەرتتەۋ ينس­تيتۋتى سالانىڭ نورماتيۆتىك قۇجات­تىق بازاسىن رەفورمالاۋ, جا­ڭالاۋ جانە وزەكتەندىرۋ جۇمىس­تارىن جۇزەگە اسىرىپ جاتىر. قازىر سالالىق 1 200-دەن اسا نورماتيۆتىك قۇجاتتاما بار. الايدا اراسىندا ءبىر-بىرىنە قايشى كەلەتىنى, دەر كەزىندە وزەكتەندىرىلمەگەن قۇجاتتار دا كەزدەسەدى. ءبىر جىلدا قۇجاتتامالاردىڭ 48%-ى قايتا قارالىپ, وڭتايلاندىرۋ نەمەسە جويۋ تۋرالى ۇسىنىستار بە­رىلدى. بۇل باعىتتاعى جۇمىس 2026 جىلعا دەيىن جالعاسادى.

پرەزيدەنت ەرەكشە نازار اۋدار­عان, جولدىڭ ساپاسىنا تىكە­لەي اسەر ەتەتىن جول قۇرىلىس ماتە­ريال­­دارىنىڭ ساپاسىن ارتىرۋ ماق­سا­تىندا, «قازجولعزي» كولىك مينيستر­لىگىنىڭ اۆتومبيل جولدارى كوميتەتىنىڭ قولداۋىمەن «جول قۇرىلىس ماتەريالدارىنىڭ بىرىڭعاي بازاسىن» (rcmbase.kz) ىسكە قوستى. بۇل قۇرىلىستى جەڭىلدەتەدى جانە جولداردى جوبالاۋدى جىلدامداتادى. دەرەكتەردىڭ اشىقتىعى قۇرىلىس ساپاسىن جاقسارتۋ مەن ءۇشىنشى تاراپ مۇددەلەرىنىڭ باسىمدىققا يە بولۋ فاكتورلارىن جويۋعا كومەكتەسەدى.

قازىر مامانداردىڭ تاپ­شىلىعى مەن بىلىكتىلىگىن ارتتىرۋ دا ءجىتى نا­زاردا. ستاتيستيكاعا جۇ­گىن­سەك, جول­عا جىل سايىن 2 مىڭنان استام بىلىكتى مامان قاجەت. ال وقۋ ورىندار جىلىنا 100-دەن اسا مامان عانا دايىنداپ شىعارادى. بىلىكتى مامانداردىڭ تاپشىلىعى جۇمىس ساپاسىنىڭ دەڭگەيىنە تىكەلەي اسەر ەتەدى. كەيبىر جۇمىس بەرۋشىلەر قارجى ۇنەمدەۋ ماقساتىندا قىزمەتكەرلەرىن بىلىكتىلىكتى ارتتىرۋ كۋرستارىنا جىبەر­مەيدى. جۇمىس ساپاسىنا, جاڭا تەح­نولوگيا ەنگىزۋگە مۇنىڭ دا تەرىس اسەرى بار.

«قازجولعزي»-دا بىلىكتىلىكتى ارتتىرۋ كۋرستارى جۇمىس ىستەپ تۇر. كەيىنگى ءبىر جىلدا 300-دەن اسا مامان بىلىك­تى­لىكتى ارتتىرۋ كۋرستارىنان ءوتتى. نەگىزى ينستيتۋت ۇسىنعان جول سالاسى ماماندارىنىڭ «Jolshy.kz» بىرىڭ­عاي بىلىكتىلىك بازاسى بىلىكتى كادر­لار جەتىسپەۋشىلىگى سىندى ماسەلەنى شەشە الادى. كادرلاردىڭ بىرىڭعاي بىلىكتىلىك بازاسى, سالالىق ەڭبەك بيرجاسى نەمەسە كاسىبي مامانداردىڭ ساندىق بانكى دەسە دە بولادى. بىلىكتىلىك بازاسى ارقىلى مەردىگەر ۇيىمدار ونلاين رەجىمدە جولداردى جوبالاۋ, سالۋ جانە قايتا قۇرۋ ءۇشىن قولايلى مامانداردى تابا الادى. سونداي-اق جول قۇرىلىسشىسى كاسىبي قۇزىرەتتەرىن دا­مىتۋعا ىنتالى بولادى. بازادا ما­مان­نىڭ داعدىسى, وقىعان كۋرس سەرتيفيكاتى مەن بىلىكتىلىك دەڭگەيى دە كورسەتىلەدى.

ينستيتۋت عالىمدارى قازاقستان­نىڭ قاتال كليماتىنا ءتوزىمدى وتاندىق عىلىمي جاڭالىقتاردى ۇسىندى. ونىڭ ءبىرى – ىلعال مەن كۇرت كونتينەنتالدى اۋا تەمپەراتۋراسىنا ءتو­زىم­دى جول بەلگىلەرى, ەكىنشىسى – ال­عاشقى وتاندىق -350س-قا دەيىن قا­سيەتىن جوعالتپايتىن كوكتايعاققا قارسى ماتەريال. اتال­عان يننوۆاتسيالار مەن وتاندىق جولشى­لار­دىڭ IT-شەشىمدەرىن پايدالانىپ, جول سالاسىنىڭ نورماتيۆتىك قۇجاتتاماسىن وڭتايلاندىرۋ, جاڭا تەحنولوگيالار مەن زاماناۋي شە­شىمدەر قولدانۋ, جول-قۇرىلىس ماتەريالدارى ساپاسىن باقىلاۋدى عالىمدار جۇرگىزەدى.

ەسەنبەك ايداربەكوۆ,

«قازجولعزي» جەتەكشى عىلىمي قىزمەتكەرى, تەحنيكا عىلىمدارىنىڭ كانديداتى, پروفەسسور