فوتو: اشىق دەرەككوز
ەلوردا تورىندە وتكەن چەمپيوناتتا ەلىمىزدىڭ 20 وڭىرىنەن كەلگەن 600-دەن استام سپورتشى باق سىنادى. چەمپيوناتتىڭ ءبىرىنشى كۇنى 55, 63, 72, 82 كەلىگە دەيىنگى جانە وليمپيادالىق سالماققا جاتاتىن – 97 كەلىگە دەيىنگى سالماق دارەجەلەرىندە مەدالدار ساراپقا سالىندى.
55 كەلىگە دەيىنگى سالماق دارەجەسىندە ونەر كورسەتكەن الماتى قالاسىنداعى 5571 اسكەري ءبولىمىنىڭ اسكەري قىزمەتشىسى قاتارداعى ايبەك ايتبەكوۆ پەن 97 كەلىگە دەيىنگى سالماقتا باق سىناعان قوستاناي قالاسىنداعى 6697 اسكەري ءبولىمىنىڭ اسكەري قىزمەتشىسى قاتارداعى يسۋف ماتسيەۆ كۇمىس مەدال جەڭىپ الدى. 72 كەلىگە دەيىنگى سالماق دارەجەسىندە كۇرەسكەن 5571 اسكەري ءبولىمىنىڭ قاتارداعى جاۋىنگەرى ەلدوس كەمەلوۆكە قولا مەدال بۇيىردى.
ال جارىستىڭ ەكىنشى كۇنى ۇلتتىق ۇلان قۇراما كومانداسىنىڭ قورجىنى گرەك-ريم كۇرەسىنەن تۇسكەن ەكى كۇمىس مەدالمەن تولىقتى. بۇل جولى 77 كەلى سالماقتا ۇلتتىق ۇلان سپورت قۇرامالارىن دايارلاۋ ورتالىعىنىڭ دەنە شىنىقتىرۋ جانە سپورت نۇسقاۋشىسى ەفرەيتور تامەرلان شادۋكاەۆ پەن 63 كەلىگە دەيىنگى سالماق دارەجەسىندە ونەر كورسەتكەن وسكەمەن قالاسىنىڭ 5518 اسكەري ءبولىمىنىڭ اسكەري قىزمەتشىسى قاتارداعى جاۋىنگەر دياس اسكەرباي كۇمىس جۇلدە يەگەرلەرى اتاندى.
«ۇلتتىق ۇلاننىڭ 27 اسكەري قىزمەتشىسى گرەك-ريم جانە ەركىن كۇرەستەن سىنعا ءتۇسىپ جاتىر. ەكى كۇن ىشىندە ءبىزدىڭ جىگىتتەر 5 مەدال جەڭىپ الدى. ولاردىڭ ارقايسىسى بوزكىلەمدە شەبەرلىكتەرىن, جوعارى دايىندىق دەڭگەيىن جانە جەڭىسكە دەگەن ۇمتىلىسىن بايقاتتى», دەدى ۇلتتىق ۇلان باس قولباسشىلىعىنىڭ دەنە شىنىقتىرۋ جانە سپورت ءبولىمىنىڭ باستىعى پولكوۆنيك ساتجان ابىشەۆ.
بيىلعى قازاقستان چەمپيوناتىندا ياعني گرەك-ريم جانە ەركىن كۇرەستە جەڭىسكە جەتكەن بالۋاندار پاريج-2024 وليمپيادا ويىندارىنا جول اشاتىن ليتسەنزيالىق تۋرنيرلەرگە قاتىسۋعا مۇمكىندىك الادى.
