سونىمەن قاتار رەسەي پرەمەر-ءمينيسترى ەاەو ەلدەرىن يرانمەن ەركىن ساۋدا تۋرالى كەلىسىمنىڭ كۇشىنە ەنۋى ءۇشىن قاجەتتى پروتسەدۋرالاردى جەدەلدەتۋگە شاقىردى. «وتكەن جىلى يرانمەن ەركىن ساۋدا تۋرالى كەلىسىمگە قول قويىلدى. ونى جۇزەگە اسىرۋ ءبىزدىڭ كومپانيالارعا وسى ەلدىڭ نارىعىن قامتاماسىز ەتۋ ءۇشىن كەڭ مۇمكىندىكتەر اشادى. بۇل جەردە قۇجاتتىڭ زاڭدى كۇشىنە ەنۋى ءۇشىن قاجەتتى پروتسەدۋرالاردى جەدەل ورىنداۋ كەرەك», دەدى ميشۋستين.
ونىڭ ايتۋىنشا, موڭعوليامەن ۋاقىتشا ەركىن ساۋدا كەلىسىمى بويىنشا, سونداي-اق ۆەتناممەن قولدانىستاعى كەلىسىمدى جەتىلدىرۋ ماسەلەلەرى پىسىقتالۋدا, مىسىرمەن ديالوگتا ايتارلىقتاي جەتىستىكتەرگە قول جەتكىزىلدى, ءباا جانە يندونەزيامەن كەلىسسوزدەر جۇرگىزىلۋدە.
«بارلىعى ەۋرازيالىق تاۋارلاردى ەڭ پەرسپەكتيۆالى, پرەميۋم نارىقتارعا, دوستىق مەملەكەتتەرگە قايتا باعدارلاۋ جاعدايىندا ەرەكشە ماڭىزدى», دەپ تۇيىندەدى ميشۋستين.
جۇما كۇنى الماتىدا ارمەنيا پرەمەر-ءمينيسترى نيكول پاشينياننىڭ توراعالىعىمەن ەاەو ۇكىمەت باسشىلارى مەن ەەك القاسىنىڭ توراعاسى باقىتجان ساعىنتاەۆتىڭ قاتىسۋىمەن ەۋرازيالىق ۇكىمەتارالىق كەڭەستىڭ وتىرىسى ءوتتى.
