بۇل تۋرالى ول قازاقستان مەن ەاەو ەلدەرى ۇكىمەت باسشىلارىنىڭ قاتىسۋىمەن وتكەن پلەنارلىق وتىرىستا ايتتى.
ءا.سمايىلوۆتىڭ ايتۋىنشا, بۇل ۇسىنىس تەحنولوگيالىق شەشىمدەرمەن, پاتەنتتەرمەن جانە يننوۆاتسيالىق يدەيالارمەن الماسۋ ءۇشىن ايتىلىپ وتىر.
«بۇل ءبىزدىڭ ءوزارا ءىس-قيمىلىمىزدى جاقسارتادى جانە وڭىرىمىزدەگى كاسىپكەرلەر مەن زەرتتەۋشىلەرگە جاڭا تەحنولوگيالارعا قول جەتكىزۋگە مۇمكىندىك بەرەدى», دەدى ول.
قازاقستان پرەمەر-ءمينيسترى بىرلەسكەن كۇش-جىگەر ءوزارا ءتيىمدى سەرىكتەستىكتى تەرەڭدەتۋگە, تەحنولوگيالىق دامۋعا جانە X يندۋسترياسىنا كوشۋگە ىقپال ەتەتىنىنە سەنىم ءبىلدىردى.
ء«بىز AI سالاسىنداعى زەرتتەۋلەردى بىرلەسىپ جۇرگىزۋگە جانە دەرەكتەردى وڭدەۋ مەن تالداۋعا قاجەتتى ورتاق ينفراقۇرىلىمدى قۇرۋعا كۇش-جىگەرىمىزدى بىرىكتىرۋگە دايىنبىز. سونىمەن قاتار ءبىز جوبالارىمىز بويىنشا ازىرلەمەلەرىمىز بەن تاجىريبەمىزبەن بولىسۋگە دايىنبىز», دەپ قوستى ءاليحان سمايىلوۆ.
پلەنارلىق وتىرىسقا قازاقستان پرەمەر-ءمينيسترى ءاليحان سمايىلوۆ, بەلارۋس پرەمەر-ءمينيسترى رومان گولوۆچەنكو, رەسەي ۇكىمەتىنىڭ توراعاسى ميحايل ميشۋستين, وزبەكستان پرەمەر-ءمينيسترى ابدۋللا اريپوۆ, قىرعىزستان مينيسترلەر كابينەتى توراعاسىنىڭ ورىنباسارى ادىلبەك قاسىماليەۆ, ەەك القاسى باقىتجان ساعىنتاەۆ قاتىستى.
