فوتو: سۋ رەسۋرستارى جانە يرريگاتسيا مينيسترلىگى
سۋ رەسۋرستارى جانە يرريگاتسيا مينيسترلىگىنىڭ ءباسپاسوز قىزمەتىنىڭ ءمالىم ەتۋىنشە, «بولاشاق» باعدارلاماسىنا وزگەرىستەر ەنگىزىلىپ, وعان «گيدروگەولوگيا», «سۋ رەسۋرستارى», «سۋ قاۋىپسىزدىگى» سەكىلدى ماماندىقتار قوسىلدى. ناتيجەسىندە, بيىلدان باستاپ قازاقستان ستۋدەنتتەرى اتالعان ماماندىقتار بويىنشا شەتەلدە ءبىلىم الا الادى.
قازىرگى ۋاقىتتا قازاقستاندا 10 وقۋ ورنى سۋ سالاسىنىڭ ماماندارىن دايارلايدى. ال قازىرگى ۋاقىتتا سۋ ماماندىقتارى بويىنشا 2500-گە جۋىق ستۋدەنت وقيدى.
ء«بىز ءۇشىن سۋ سالاسى ماماندىعىن تارتىمدى ەتۋ ماڭىزدى. 2024 جىلدىڭ باسىنان بەرى سۋ شارۋاشىلىعى قىزمەتكەرلەرىنىڭ ەڭبەكاقىسى ورتا ەسەپپەن 22% - عا ءوستى. بۇل سۋ رەسۋرستارى جانە يرريگاتسيا مينيسترلىگى ازىرلەگەن ءىس-شارالاردىڭ ارقاسىندا مۇمكىن بولدى. سونىمەن قاتار وتاندىق سۋ سالاسىنىڭ كادرلىق الەۋەتىن ارتتىرۋ ءۇشىن مينيسترلىك سۋ شارۋاشىلىعى ماماندارىن قايتا دايارلاۋدى جانە ولاردىڭ بىلىكتىلىگىن ارتتىرۋدى جوسپارلاپ وتىر», دەدى نۇرجان نۇرجىگىتوۆ.
