بۇل قۇجاتتا وتانداستارىمىزدىڭ ءومىر ءسۇرۋ دەڭگەيى مەن ءال-اۋقاتىن ارتتىرۋ ماقساتىندا تاراپتاردىڭ ءوزارا تىعىز ءىس-قيمىلى قاراستىرىلعان. بىرلەسكەن كۇش-جىگەر ەكونوميكانى اۋقىمدى جانە تەرەڭ ترانسفورماتسيالاۋ, ينۆەستيتسيالاردى ۇلعايتۋ جانە ينفلياتسيا بويىنشا ماقساتتى كورسەتكىشتەردى ورىنداۋ ارقىلى ساپالى ەكونوميكالىق وسۋگە قول جەتكىزۋگە باعىتتالادى.
«ۇكىمەت ءوز مىندەتى رەتىندە ورتامەرزىمدى پەرسپەكتيۆادا ەكونوميكانىڭ ءوسۋ قارقىنىن 6%-عا دەيىن جەتكىزۋدى كوزدەپ وتىر. ۇلتتىق بانك ماقساتى – ينفلياتسيالىق تارگەتتەۋ رەجىمىندە ورتامەرزىمدى پەرسپەكتيۆادا ينفلياتسيانى شامامەن 5% توڭىرەگىندە تۇراقتاندىرۋ», دەلىنگەن كەلىسىم ماتىنىندە.
اتاپ ايتقاندا, ۇكىمەت تۇراقتى ەكونوميكالىق ءوسۋ ءۇشىن تەڭگەرىمدى سالىق-بيۋدجەت ساياساتىن جۇرگىزەتىن بولادى, بيۋدجەت شىعىستارىنىڭ مۇناي باعاسىنا تاۋەلدىلىگىن تومەندەتۋ, سونداي-اق ولاردىڭ تيىمدىلىگىن ارتتىرۋ بويىنشا شارالار قابىلدايدى. سونىمەن قاتار كاسىپكەرلىك قىزمەت پەن ينۆەستيتسيا تارتۋدا بەلسەندىلىكتى ارتتىرۋ ءۇشىن قولايلى جانە ىنتالاندىرۋشى جاعدايلار جاساۋ بويىنشا قادامدار قاراستىرىلادى.
ازىق-ت ۇلىك ونىمدەرىن تۇتىنۋداعى يمپورت ۇلەسىن قىسقارتۋ, ونىڭ ىشىندە جاڭا قۇس جانە ەت كومبيناتتارىن, ءسۇت زاۋىتتارىن ىسكە قوسۋ, الما باقتارىن ءوسىرۋ ارقىلى ەلدىڭ ازىق-ت ۇلىك قاۋىپسىزدىگىن قامتاماسىز ەتۋ بويىنشا جۇمىس جالعاسادى.
سونىمەن قاتار الەۋمەتتىك ماڭىزى بار ازىق-ت ۇلىك تاۋارلارىنىڭ اۋىلشارۋاشىلىق تاۋار وندىرۋشىلەردەن تۇتىنۋشىعا دەيىنگى قوزعالىسىن تسيفرلاندىرۋعا مۇمكىندىك بەرەتىن ءونىمدى قاداعالاۋدىڭ ۇلتتىق جۇيەسى ىسكە قوسىلادى.
ۇكىمەت سىرتقى سىن-قاتەرلەردىڭ قازاقستان ەكونوميكاسىنا تەرىس اسەرىن بارىنشا ازايتۋ ءۇشىن سىرتقى تاۋار اينالىمىن, ساۋدا شارتتارىن جانە تاۋەكەلدەردى باقىلاۋدى جالعاستىرادى.
سونداي-اق قۇجاتتا يننوۆاتسيالىق جانە باسەكەگە قابىلەتتى ورتانى دامىتۋ, كولەڭكەلى سەكتوردى ازايتۋ, مەملەكەتتىڭ ەكونوميكاعا قاتىسۋىن ازايتۋ, تۇتىنۋشىلاردىڭ قۇقىقتارىن قورعاۋ جانە ت.ب. ماسەلەلەر بويىنشا جۇمىستاردى ءارى قاراي جالعاستىرۋ قاراستىرىلعان.
كەلىسىمدە تاراپتار قازاقستاندا ينستيتۋتسيونالدىق رەفورمالاردى جۇرگىزۋدىڭ, ينستيتۋتتاردىڭ تاۋەلسىزدىگىن نىعايتۋدىڭ, قۇقىقتىق بازانى كۇشەيتۋدىڭ جانە رەسپۋبليكانىڭ ينستيتۋتسيونالدىق ستاندارتتارىن وزىق ۇلگىگە جەتكىزۋدىڭ ماڭىزدىلىعىن ايقىن اتاپ وتكەن.
