1883 جىلى پاريجدەگى ۆارەتە تەاترى ساحناسىندا تۇساۋى كەسىلگەن قويىلىم ەلوردالىق تەاتردا كومەدياعا قۇرىلعان.
«مادەمۋازەل نيتۋش» – ماڭگىلىك ماحاببات تاريحى. سپەكتاكل ءوز كورەرمەندەرىنىڭ ىقىلاسىن تەز باۋرادى. قۇددى ماحاببات ەرتەگىسىندەگى بەينەلەردى كوز الدىمىزعا كەلتىرگەندەي. قويىلىمنىڭ مۋزىكالىق ارلەۋى مەن ارتىستەردىڭ ويىن-ساۋىق ونەرى دە ەرەكشە. سونداي-اق فرانتسۋز كيىم-ۇلگىسىنە قازاقى ويۋ-ورنەكتى ساباقتاستىرا وتىرىپ, ەكى مادەنيەتتى بايلانىستىرا العان. وسى ورايدا كوستيۋمدەر بويىنشا سۋرەتشىنىڭ بيىك تالعامىن بايقاۋعا بولادى. ودان بولەك سپەكتاكلدەگى نازىكتىكتى ايرىقشا اتاپ وتەمىز. فلورين ەرۆەنىڭ مۋزىكاعا دەگەن شىنايى ماحابباتىن رەجيسسەر الۋا سابو كوركەم ساحنالاي العانى دا كورىنىپ تۇر.
قويىلىمداعى اسا نازىكتىك پەن سۇلۋلىق بويىنا ءتان ارۋ دەنيزەنىڭ ءرولىن اكتريسا ينابات ريزابەكقىزى ويناسا, ونىڭ عاشىعى لەيتەنانت شامپلاترونى يگىلىك ورازا ۇلى سومدادى. ال مۋزىكانى ءومىرىنىڭ ءمانى ەتىپ, ءتىپتى جۇرەكتەن شىعاتىن ونەرى ءۇشىن, باسىن تاۋەكەلگە تىككەن باستى كەيىپكەر فلاريدوردىڭ ءرولىن اكتەر ەرنار ماحامبەت الىپ شىقتى. اسا ەپتىلىك پەن ەنەرگيانى بويلارىنا جيا بىلگەن جاس ارتىستەرىمىزدىڭ تالانتى شارىقتاپ كەلەدى. فرانتسۋز كلاسسيكاسىنىڭ كوركەمدىگى تەاتر ساحناسىنىڭ اجارىن اشا الدى. ال ونى لايىقتى تۇردە باعالاي بىلگەن قاۋىمنىڭ قوشەمەتى مەن ىقىلاسى تەاترعا ۇلكەن سەرپىن اكەلگەندەي.
ديدار اسىلحان,
قوجا احمەت ياساۋي اتىنداعى حالىقارالىق قازاق-تۇرىك ۋنيۆەرسيتەتىنىڭ 2-كۋرس ستۋدەنتى
