فوتو: sports.kz
ەلەنانىڭ ايتۋىنشا, ونىڭ تالىمگەرى ستەفانو ۆۋكوۆ ارتىق ەنەرگيادان ارىلۋ ءۇشىن ەموتسيانى سىرتقا شىعارۋعا كەڭەس بەردى.
«كورتتا بولىپ جاتقان جاعدايلارعا قاراماستان, مەن رەنىشىمدى نەمەسە ىزامدى كورسەتپەۋگە تىرىسامىن. مەنى ەشكىم تانىماي تۇرعان كەزدە بۇل جاقسى قاسيەت بولدى دەپ ويلايمىن, سەبەبى الاڭعا جايباراقات شىعىپ, كەيىن جوعارى ناتيجە كورسەتەسىڭ. قازىردىڭ وزىندە دە بۇل قاسيەت ماعان كومەكتەسەدى, قارسىلاستارىمدى دا شاتاستىرادى», دەدى تەننيسشى.
سونىمەن قاتار رىباكينا تابيعاتىنان سابىرلى, ۇيالشاق ادام ەكەنىن العا تارتتى.
«شىنىمدى ايتسام, ەموتسيامدى نەگە كورسەتپەيتىنىمدى بىلمەيمىن. مۇمكىن بۇل مەنىڭ سترەسسكە بەرگەن رەاكتسيام شىعار. نەگىزى مەن وتە ۇيالشاق اداممىن. باپكەرىمنىڭ دە ايتۋىنشا, الاڭدا سابىرلى بولۋ ماعان ەشقاشان پايدا اكەلمەيدى. قارسىلاستارىما مەنىڭ ءالى دە وسىندا ەكەنىمدى جانە ءالى دە كۇرەسىپ جاتقانىمدى كورسەتۋ ءۇشىن كەيدە ەموتسيا كورسەتۋىم كەرەك. مىنە, وسىنداي باعىتتا ءوز-وزىممەن جۇمىس ىستەۋگە تىرىسىپ جاتىرمىن», دەدى رىباكينا Mind Set Win پودكاستىندا.
