فوتو: azattyq-ruhy.kz
Polisia.kz جازۋىنشا, بيىلعى ماۋسىمنان باستاپ ءىىم تسيفرلىق دامۋ, يننوۆاتسيالار جانە اەروعارىش ونەركاسىبى, ادىلەت, دەنساۋلىق ساقتاۋ, ەڭبەك جانە حالىقتى الەۋمەتتىك قورعاۋ مينيسترلىكتەرىمەن بىرلەسىپ, بالالارعا تۋعاننان كەيىن بىردەن جەكە سايكەستەندىرۋ ءنومىرىن بەرۋ بويىنشا جاڭا پيلوتتىق جوبا ىسكە قوسىلدى.
بۇگىندە 7 مىڭنان استام جاڭا تۋعان بالاعا جسن بەرىلدى.
«ەگەر بۇرىن جسن بالاعا اتا-اناسى احات ورگاندارىنا تۋ تۋرالى كۋالىك الۋ ءۇشىن جۇگىنگەن كەزدە عانا بەرىلسە, ەندى جسن بالاعا پرواكتيۆتى فورماتتا تۋعاننان كەيىن, ياعني تۋ تۋرالى كۋالىك بەرىلگەنگە دەيىن جانە ت.ا.ءا. بەرىلگەنگە دەيىن بەرىلەدى», دەلىنگەن ءىىم ءباسپاسوز قىزمەتى تاراتقان اقپاراتتا.
ەنگىزىلگەن جاڭا تەتىك اياسىندا جاڭا تۋعان سابيگە جسن بەرۋ مەملەكەتتىك ورگانداردىڭ اقپاراتتىق جۇيەلەرىندە ونىڭ تۋ فاكتىسىن ءبىر مەزگىلدە كورسەتە وتىرىپ, تۋ تۋرالى مەديتسينالىق كۋالىكتى قالىپتاستىرۋ كەزىندە پەرزەنتحانادا اۆتوماتتى تۇردە جۇزەگە اسىرىلاتىنىن ەسكەرە وتىرىپ, بۇل پروتسەستىڭ اشىقتىعىن قامتاماسىز ەتەدى جانە بالا ساۋداسىنىڭ ىقتيمال جاعدايلارىن بولدىرماۋعا مۇمكىندىك بەرەدى.
«سونىمەن قاتار بۇل جاڭا تۋعان نارەستەلەردىڭ تولىق ەسەبىن جۇرگىزۋگە عانا ەمەس, سونداي-اق مەملەكەتتىك قىزمەتتەردى كورسەتۋدى جاڭا دەڭگەيگە شىعارۋعا مۇمكىندىك بەرەدى, وسىلايشا ازاماتتاردىڭ مەملەكەت قابىلدايتىن ءىس-ارەكەتتەر, مەملەكەتتىك قولداۋ شارالارى مەن قىزمەتتەر تۋرالى حاباردارلىعىن ارتتىرادى. ماسەلەن, بالاعا جسن بەرىلگەن كەزدە مەملەكەتتىك ورگانداردىڭ اقپاراتتىق جۇيەلەرىنەن مالىمەتتەر «جەكە تۇلعالار» مەملەكەتتىك دەرەكتەر بازاسىنا كەلىپ تۇسەدى, ال اتا-انالارعا قانداي دا ءبىر قۇرىلىمدارعا جۇگىنۋدىڭ قاجەتى جوق, ويتكەنى جۇيە مەملەكەتتىك قىزمەتتەر كەشەنىن كورسەتۋ ءۇشىن قۇجاتتاردى اۆتوماتتى تۇردە سۇيەمەلدەۋدى جانە دايىنداۋدى باستايدى», دەلىنگەن حابارلامادا.
