فوتو: ق.قونىسپاەۆ
الماتىعا قازاقستان پرەمەر-ءمينيسترى ءاليحان سمايىلوۆ, ارمەنيا پرەمەر-ءمينيسترى نيكول پاشينيان, بەلارۋس پرەمەر-ءمينيسترى رومان گولوۆچەنكو, قىرعىزستان مينيسترلەر كابينەتىنىڭ توراعاسى اقىلبەك جاپاروۆ, رەسەي فەدەراتسياسى ۇكىمەتىنىڭ توراعاسى ميحايل ميشۋستين جانە ەەك القاسىنىڭ توراعاسى باقىتجان ساعىنتاەۆ كەلدى.
كۇن تارتىبىندە ەاەو ينتەگراتسيالانعان اقپاراتتىق جۇيەسىن دامىتۋ, ەاەو-دا ەلەكتروندى كوممەرتسيانى دامىتۋ ءۇشىن قولايلى جاعدايلار جاساۋ, ەاەو ەلدەرى تەمىر جولدارىنىڭ ينتەگراتسيالىق ءوزارا ءىس-قيمىلى بار.
ەۋرازيالىق ۇكىمەتارالىق كەڭەس ەاەو ەلدەرىندەگى ماكروەكونوميكالىق جاعدايدى جانە تۇراقتى ەكونوميكالىق دامۋدى قامتاماسىز ەتۋ بويىنشا ۇسىنىستاردى دا قارايدى.
«ەۋرازيالىق اگروەكسپرەسس» ەاەو-عا مۇشە مەملەكەتتەردىڭ اۋىل شارۋاشىلىعى ونىمدەرى مەن ازىق-ت ۇلىكتى تەمىرجول جانە مۋلتيمودالدى تاسىمالداۋ بويىنشا بىرلەسكەن جوبالارىن تالقىلاۋ جوسپارلانىپ وتىر.
ەسكە سالايىق, 2024 جىلدىڭ 1 قاڭتارىندا ارمەنيا ەاەو توراعاسى بولدى.
ەاەو ەلدەرىنىڭ پرەمەر-مينيسترلەرى 2023 جىلى الماتىدا وتكەن ۇكىمەتارالىق كەڭەستە:
- ەاەو-دا تۇراقتى ەكونوميكالىق دامۋدى قامتاماسىز ەتۋ جونىندەگى ۇسىنىستاردى ماقۇلدادى;
- ەلەكتر ەنەرگياسىن بەرۋدىڭ مەملەكەتارالىق قىزمەتتەرىنە قول جەتكىزۋ ەرەجەلەرىن بەكىتتى;
- ونەركاسىپ سالاسىنداعى مەملەكەتارالىق باعدارلامالار مەن جوبالاردى ازىرلەۋ, قارجىلاندىرۋ جانە ىسكە اسىرۋ ماسەلەلەرى بويىنشا نورماتيۆتىك قۇقىقتىق اكتىلەرگە وزگەرىستەر ەنگىزدى;
- ينتەگراتسيالانعان اقپاراتتىق جۇيەنى جانە ەاەو تسيفرلىق كۇن ءتارتىبىن دامىتۋ قاراستىردى;
- ينديكاتيۆتى بالانس جاسالاتىن تاۋارلاردىڭ تىزىمىنە وزگەرىستەر ەنگىزدى.
وسى تۇستا «ەۋرازيالىق اگروەكسپرەسس» بىرلەسكەن جوباسى «سولتۇستىك – وڭتۇستىك» حالىقارالىق كولىك ءدالىزى بويىنشا تاسىمالداۋدى قامتيتىنىن اتاپ وتكەن ءجون.
ەەك پەن تمد اتقارۋ كوميتەتى ىنتىماقتاستىقتى تەرەڭدەتۋ بويىنشا 2023-2025 جىلدارعا ارنالعان بىرلەسكەن ءىس-شارالار جوسپارىنا قول قويدى.
Digital Almaty 2024 فورۋمىندا نە بولادى؟
1-3 اقپان ارالىعىندا وتەتىن ءىس-شاراعا 50 مىڭنان استام قاتىسۋشى مەن 200-دەن استام سپيكەر قاتىسادى دەپ جوسپارلانىپ وتىر. ولار تسيفرلىق ۇكىمەت, يندۋستريا, بيزنەس, وزىق تەحنولوگيالار سالالارىنداعى وزەكتى ماسەلەلەردى تالقىلايدى.
