شەگىرتكەمەن كۇرەسكە قوسىمشا قارجى ءبولىندى

اتاپ ايتقاندا, ۇكىمەت رەزەرۆى­نەن ءۇيىرلى شەگىرتكەلەردىڭ جاپ­پاي تارا­لۋىنىڭ الدىن الۋعا, جايى­لىم­دارعا زيانىن تيگىز­بەۋگە, اۋىل شا­رۋاشىلىعى داقىل­­دارىن جو­يۋى­­نا, سونداي-اق كورشى مەم­­­لە­كەت­­تەردىڭ ىرگەلەس اۋماق­تا­رى­نا كوشۋىنە جول بەرمەۋ ءۇشىن ولار­دىڭ تارالۋى مۇم­كىن بار­لىق بول­­جامدى الاڭدا تو­لىق كو­لەم­دى حيميالىق وڭدەۋ جۇ­مىس­­تا­رىن جۇرگىزۋ بو­يىنشا شۇعىل شى­عىندارعا 3,9 ملرد تەڭگە ءبولىندى.

ەلىمىزدە كەيىنگى جىلدارى شەگىرتكەلەردىڭ تارالۋ الاڭىنىڭ ۇلعايعانى بايقالادى: 2020 جىلى – 514 مىڭ گا, 2021 جىلى – 626 مىڭ گا, 2022 جىلى – 975 مىڭ گا. 2023 جىلى تارالۋ الاڭى 1 585 مىڭ گا بولادى دەپ بولجانعانىمەن, ءىس جۇزىندە 1 616 مىڭ گا وڭدەلدى. 2023-2024 جىلدارعا شەگىرتكەنىڭ جاپپاي تارالۋىنىڭ 11 جىلدىق تسيكلىنىڭ ۇدەمەلى كەزى سايكەس كەلەدى.

بيىل رەسپۋبليكالىق بيۋدجەتتەن 1 270,6 مىڭ گا الاڭدى وڭدەۋگە 4,2 ملرد تەڭگە بولىنگەن ەدى. الايدا 2024 جىلى ناقتىلانعان جالپى بولجام بويىنشا شەگىرتكەنىڭ تارالۋ الاڭى ۇلعا­يىپ, 2,5 ملن گا قۇرادى, بۇل وتكەن جىلمەن سالىستىرعاندا, شامامەن 1 ملن گەكتارعا ارتىق.

بولىنگەن قوسىمشا قاراجات 1,3 ملن گا الاڭدا زيانكەس شە­گىرت­كە­گە قارسى حيميالىق وڭ­دەۋ جۇ­مىس­تارىن جۇرگىزۋگە باعىت­تالادى.

ەسكە سالا كەتەيىك, قازاقستان اۋماعىن­دا شەگىرتكەنىڭ ءۇيىر­لى (ازيا­لىق, يتاليالىق جانە ماروك­كولىق) جانە ءۇيىرلى ەمەس تۇرلەرى تا­رالعان. پەستيتسيدتەردى سا­تىپ الۋ جانە ولاردى ساق­تاۋ, تاسى­مالداۋ جانە قولدانۋ قىز­مەت­تەرى سىندى شەگىرت­كەلەر­دەن قورعاۋ ءىس-شارالارىن ۇيىم­داس­تىرۋ رەس­پۋبليكا­لىق بيۋدجەت قارا­جاتى ەسەبىنەن جۇزەگە اسىرىلادى.