ارت-وليمپيادانىڭ ۇيىمداستىرۋشىلارى دارىندى ونەرپازدىڭ كرەمل سارايىندا قويىلعان ب.اسافەۆتىڭ «باقشاساراي بۇرقاعى» اتتى بالەتىندەگى ونەرىنە ءتانتى بولىپ, وعان بايقاۋعا قاتىسۋعا ۇسىنىس بىلدىرگەن.
«فەستيۆالعا ا.اداننىڭ «كورسار» بالەتىنەن پا-دە-دە ءنومىرىن الىپ باردىم. بۇعان ساحناداعى سەرىكتەسىم, بالەت ءارتىسى گۇلناز جاناەۆا ەكەۋمىز بار كۇشىمىزدى سالىپ, دايىندالدىق. ارينە, جەڭىسكە جەتكەنىمىزگە قۋانامىن. بۇل ءبىزدى شابىتتاندىرادى. ماراپاتتاۋدان كەيىن ۇيىمداستىرۋشىلار ءبىزدى چەليابينسكىدە وتەتىن بايقاۋدىڭ گالا-كونتسەرتىندە ونەر كورسەتۋگە شاقىردى», دەدى ول.
سونداي-اق ق.كارىباەۆ ءوز شىعارماشىلىعىندا «استانا وپەرا» بالەت ترۋپپاسىنىڭ كوركەمدىك جەتەكشىسى, رەسەيدىڭ حالىق ءارتىسى التىناي اسىلمۇراتوۆانىڭ ورنى ەرەكشە ەكەنىن ايتتى. «التىناي ابدۋاحيمقىزىنىڭ قامقورلىعى مەنىڭ ءومىرىمدى تۇبەگەيلى وزگەرتىپ, جاڭاشا سەرپىن بەردى. سول كىسىنىڭ ارقاسىندا ونەردە ءوزىمدى تانىتا الدىم. ايتسام دەپ ارمانداعان كوپتەگەن جاڭا پارتيانى ورىندادىم. سونىڭ ءبارى مەنى قاناتتاندىردى. قازىر ەكى ەسە شابىتپەن جۇمىس ىستەپ جاتىرمىن», دەدى بايقاۋ لاۋرەاتى.
ايتا كەتەيىك, اتالعان ارت-وليمپيادا ء«بىلىم, مادەنيەت جانە ونەردىڭ كوپۇلتتى قوعامدى دامىتۋ فاكتورى رەتىندەگى ينتەگراتسياسى» اتتى حالىقارالىق اشىق فورۋمى اياسىندا ۇيىمداستىرىلدى. ءىس-شارانىڭ ماقساتى – ءتۇرلى مادەنيەت پەن ۇلت وكىلدەرىن بىرىكتىرۋ.
