تاڭعى ساعات 09.00-دەن باستاپ, تۇسكى 13.00-گە دەيىن ەسىگىن ايقارا اشقان ونكولوگيالىق ورتالىققا 101 تۇرعىن كەلىپ, ءوز دەنساۋلىعىن تەگىن تەكسەرتىپ, مامانداردان اقىسىز اقىل-كەڭەس الىپ ۇلگەردى. ونىڭ 17 ادامىنا قاتەرلى ىسىك الدى دەگەن دياگنوز قويىلىپ, 5 تۇرعىن وسى اۋرۋعا شالدىعۋى مۇمكىن دەپ تانىلدى. بۇدان باسقا 10 ادامنان باسقا دا ءتۇرلى اۋرۋلار تابىلىپ, ولارعا قاجەتتى ءدارىگەرلىك كەڭەستەر بەرىلدى.
سونداي-اق تسيتالوگيالىق تەكسەرۋدەن – 74 ادام, ۋزي اپپاراتىنان – 60, مامموگرافيادان – 31 جانە تومەن دوزالى كت قۇرىلعىسىنان – 27 ادام ءوتىپ, جالپى سانى 192 تەكسەرۋ تاعايىندالدى.
رەسپۋبليكالىق ونكولوگيا جانە راديولوگيا عىلىمي-زەرتتەۋ ينسيتۋتىنىڭ مالىمەتى بويىنشا, وتكەن جىلى ەلىمىز بويىنشا, 2035 ايەلگە جاتىر مويىنى وبىرى دياگنوزى قويىلعان. جىل سايىن بۇل اۋرۋدان 40-44 جاس ارالىعىنداعى 600-گە جۋىق نازىك جاندى قايتىس بولادى ەكەن. ماماندار قاتەرلى ىسىك دەرتىنە سالعىرت قاراماي, دەر كەزىندە مەديتسينالىق تەكسەرۋدەن ءوتىپ تۇرۋعا كەڭەس بەرەدى.
ايتا كەتەيىك, مۇنداي تەگىن تەكسەرۋلەر وبلىستىق ونكولوگيالىق ديسپانسەردە تۇراقتى تۇردە ۇيىمداستىرىلىپ وتىرادى.
