اقتاۋ گارنيزونىنىڭ №25744 اسكەري بولىمىنە تەمىر جول كولىگىمەن كاماز 43114 جانە كاماز 43118 تەحنيكالىق كومەك ماشينالارى, سونداي-اق پاز-32054 شاعىن كلاستى اۆتوبۋستار جەتكىزىلدى.
«جاڭا تەحنيكا قىسقا مەرزىم ىشىندە جەتكىزىلدى. مىسالى, تەحنيكالىق كومەك ماشيناسى (متپ) كوپ ماقساتتى اۆتوكولىك تەحنيكاسىن اعىمداعى جوندەۋگە, تەحنيكالىق قىزمەت كورسەتۋگە جانە ەۆاكۋاتسيالاۋعا ارنالعان. متپ جىلدىڭ كەز كەلگەن ۋاقىتىندا جانە كەز كەلگەن اۋا رايى جاعدايىندا اۆتوكولىك تەحنيكاسىن جوندەۋ, ەۆاكۋاتسيالاۋ جانە قىزمەت كورسەتۋ بويىنشا كەڭ فۋنكتسيونالدىق مۇمكىندىكتەرگە يە. وقشاۋلاۋ رەتىندە قالىڭدىعى 40 مم تومەن جىلۋ وتكىزگىشتىگى بار ماتەريالدار قولدانىلادى, بۇل قورشاعان ورتانىڭ تەمپەراتۋراسى – 40 س° - تان + 40 س-قا دەيىن بولعاندا متپ پايدالانۋعا مۇمكىندىك بەرەدى. تەحنيكا جان – جاقتى, ول كەپتەلىپ قالعان اۆتوموبيلدەردى شىعارۋعا, ولاردى سۇيرەتۋ جانە جارتىلاي تيەۋ ادىسىمەن ەۆاكۋاتسيالاۋعا مۇمكىندىك بەرەدى», دەپ اتاپ ءوتتى بريگادا كومانديرىنىڭ قارۋ-جاراق جونىندەگى ورىنباسارى اسلان نۇرجانوۆ.
اقتاۋ گارنيزونىنىڭ ءباسپاسوز قىزمەتى قازاقستان رەسپۋبليكاسىنىڭ قۇرلىق اسكەرلەرى ارسەنالىندا تانكتەر, جاياۋ اسكەردىڭ جاۋىنگەرلىك ماشينالارى, برونەترانسپورتەرلەر, ءتۇرلى قۋاتتىلىقتاعى جانە ماقساتتاعى ارتيللەريا, تانككە قارسى زىمىران كەشەندەرى, زەنيتتىك زىمىران كەشەندەرى, باسقارۋ قۇرالدارى, اۆتوماتتى اتىس قارۋى بار ەكەنىن اتاپ ءوتتى.
