فوتو: pixabay.com
بۇل جاڭالىقتى ميللياردەردىڭ ءوزى ح (تۆيتتەر) پاراقشاسىندا جاريالادى.
ء«بىرىنشى ادامعا Neuralink يمپلانتى سالىندى, وپەراتسيادان كەيىن قالپىنا كەلۋ پروتسەسى جاقسى ءجۇرىپ جاتىر», دەپ جازدى يلون ماسك.
Neuralink كومپانياسىنىڭ العاشقى ءونىمى Telepathy دەپ اتالادى. ءونىم سمارتفون مەن كومپيۋتەردى وي ارقىلى باسقارۋعا مۇمكىندىك بەرەدى.
يلون ماسك مي يمپلانتى ءبىرىنشى كەزەكتە اياق-قولىنان ايىرىلعان ادامدارعا سالىناتىنىن اتاپ ءوتتى.
ميللياردەر Neuralink جوباسىنىڭ نەگىزىن 2016 جىلدىڭ شىلدەسىندە قالادى. جوبانىڭ نەگىزگى مىندەتى − ادام ميىنا يمپلانتاتسيالاناتىن چيپتەر ازىرلەۋ. ونىڭ سوزىنشە مۇنداي نەيروندىق ينتەرفەيستەر ادامزاتتى جاساندى ينتەللەكتىگە قارسى تۇرۋعا جانە تەحنولوگيانى وي كۇشىمەن باسقارۋعا قابىلەتتى ەتەدى.
ايتا كەتەيىك, ماسكتىڭ كومپانياسى وتكەن جىلدىڭ ناۋرىز ايىندا نەيروندىق ءچيپتى ميىنا ەرىكتى تۇردە سالدىراتىن ادامداردى ىزدەۋدى باستاعان ەدى.
