فوتو: سپورت جانە دەنە شىنىقتىرۋ ىستەرى كوميتەتى
سپورت جانە دەنە شىنىقتىرۋ ىستەرى كوميتەتىنىڭ مالىمەتىنشە, جارىستا ارالاس جۇپ رازريادى بويىنشا تالعات ەرەكەەۆ پەن التىناي ەرجانقىزى كۇمىس مەدالعا قول جەتكىزدى. ال جۇپتىق رازريادتاعى سايىستا الي ماحۋلبەكوۆ پەن تالعات ەرەكەەۆ قولا جۇلدە يەلەندى.
دەنە مۇمكىندىكتەرى شەكتەۋلى تۇلعالارعا ارنالعان سپورتتىق دايارلاۋ ورتالىعىنىڭ پارا ۇستەل تەننيسىنەن كوماندا باسشىسى ەرلان دوسمايلوۆتىڭ ايتۋىنشا اتالعان جارىس – پاريج-2024 پاراليمپياداسىنا قاتىسۋ ءۇشىن وتكەن رەيتينگتىك جارىستاردىڭ ءبىرى.
«پارا ۇستەل تەننيسىندە رەيتينگتەرگە ۇپايلار Fa20 جانە Fa40 جارىستارىندا بەرىلەدى. Fا40-تىڭ ەرەكشەلىگى رەيتينگكە جوعارى ۇپايلار بەرىلەدى جانە جارىسقا تەك Fa20-دا سايىسقان سپورتشىلار عانا قاتىسا الادى. جالپى جىل كولەمىندە Fa40 جارىستارى 5 رەت وتسە, Fa20 شامامەن 20-25 رەت وتەدى. جۋىردا ناۋرىز ايىندا استانادا تۇڭعىش رەت رەيتينگتىك Fا20 اشىق چەمپيوناتى وتەتىن بولادى. وعان 14 ەلدەن 135 سپورتشىنىڭ قاتىساتىنى جوسپارلانعان», دەدى ە. دوسمايلوۆ.
ايتا كەتسەك, اتالعان Fa40 چەمپيوناتىنا 27 ەلدەن 190 سپورتشى قاتىستى.
