بيۋرو وتىرىسى ءوتتى

الداعى بەيسەنبىدە سەناتورلار «2014 جىلعى 29 ما­مىر­داعى ەۋرازيالىق ەكونو­ميكالىق وداق تۋرالى شارت­قا قىرعىز رەسپۋبليكاسى­نىڭ قوسىلۋىنا بايلانىستى قىرعىز رەسپۋبليكاسىنىڭ 2014 جىلعى 29 مامىرداعى ەۋرازيالىق ەكونوميكالىق وداق تۋرالى شارتتى, ەۋرا­زيالىق ەكونوميكالىق وداق­تىڭ قۇقىعىنا كىرەتىن جەكەلەگەن حالىقارالىق شارتتار­دى جانە ەۋرازيالىق ەكو­نوميكالىق وداق ورگان­دارى­نىڭ اكتىلەرىن قولدانۋى جونىن­دەگى جاعدايلار مەن وتپە­لى ەرەجەلەر تۋرالى 2015 جىل­عى 8 مامىردا قول قويىلعان حاتتاماعا وزگەرىس ەنگىزۋ تۋرالى حاتتامانى راتيفيكاتسيالاۋ تۋرالى» زاڭدى قارايدى.

اتالعان زاڭنىڭ نورما­لارىنا سايكەس قىرعىز رەس­پۋب­لي­كاسىنىڭ ەۋرازيا­لىق ەكو­نوميكالىق وداق­تىڭ كە­دەن­دىك شەكاراسىن­دا­عى وت­كىزۋ پۋنكتتەرىن جايلاستىرۋدى جانە ما­تە­ريالدىق-تەحنيكالىق جا­راقتاندىرۋدى قامتاماسىز ەتۋ جونىندەگى مىندەتتەمەلەرىن ورىنداۋ مەرزىمىن 108 ايعا دەيىن ۇزارتۋ ۇسىنىلادى.

سونىمەن قاتار پالاتا وتىرىسىندا «قازاقستان رەس­پۋب­ليكاسىنىڭ كەيبىر زاڭنا­مالىق اكتىلەرىنە ءبىلىم بەرۋ, تالىمگەرلىك جانە بالا­لار­دىڭ قاۋىپ­سىزدىگى ماسەلە­لەرى بو­يىن­شا وزگەرىستەر مەن تولىق­تىرۋلار ەنگىزۋ تۋرالى» زاڭ قارالادى. بۇل قۇجات وسى سالالارداعى زاڭنا­مانى جەتىلدىرۋدى كوزدەي­دى. ماسەلەن, زاڭدا مەكتەپ, بالاباقشا جانە اۋرۋحانا قۇرىلىستارى ەسەپكە الىن­باعان جاعدايدا كوپقابات­تى تۇرعىن ۇيلەردىڭ قۇرىلىسىن شەكتەۋ نورماسى قاراستىرىلعان.

سونداي-اق بيۋرو وتىرىسىندا ماجىلىستەن كەلىپ تۇس­كەن زاڭدار سەناتتىڭ تۇراق­تى كوميتەتتەرىنە ءبولىنىپ بەرىلدى.