ەاەو-دا «سۇر» سەرتيفيكاتتارمەن بىرلەسكەن كۇرەس

ەاەو كەڭىستىگىندە «سۇر» سەرتي­في­كاتتار ماسەلەسى وتكىر تۇر. ساي­كەس­تىكتى راستاۋ قۇجاتتارى كوبى­نەسە راسىمدەردى بۇزۋمەن نەمەسە سىناق­­سىز بەرىلەدى. سالدارىنان كون­ترافاكتىلىك ونىمدەر كوبەيىپ, ادام دەنساۋلىعىنا تەرىس اسەرىن تيگىزەدى. 2022 جىلى قازاقستاندا باسقا ەلدەردە بەرىلگەن 200, ال 2023 جىلى 300 «سۇر» سەرتيفيكات جويىلدى.

قالىپتاسقان جاعدايدىڭ اۋقىمى مەن قاۋپىن ەسكەرە وتى­رىپ, ەاەو-عا مۇشە ەلدەر بىر­لەسكەن جۇيەلى شارالار قابىلداۋ قاجەتتىگى جونىندە كەلىستى. تال­قىلاۋ قورىتىندىسى بويىنشا ەەك كەڭەسى كوميسسيا قاراۋىنا 2023 جىلى كۇشى توقتاتىلعان ەۋرازيالىق ەكونوميكالىق وداق اۋماعىندا بەرىلگەن سەرتيفيكاتتار تۋرالى اقپارات جىبەرۋدى تاپسىردى. اقپاراتتى تالداپ, ۇسىنىستار ازىرلەۋ ءۇشىن جوعارى دەڭگەيدەگى جۇمىس توبى قۇرىلادى. ۇسىنىستار ەەك كەڭەسىنىڭ بيىل مامىردا وتەتىن وتىرىسىندا ۇسىنىلۋعا ءتيىس.

2024 جىلدىڭ سوڭىنا دەيىن قازاقستان ءۇشىن 300 مىڭ توننا كولەمىندە شيكى قامىس قانتىنا تاريفتىك جەڭىلدىكتىڭ قولدانىلۋ مەرزىمىن ۇزارتۋ ماسەلەسىن قىرعىز تاراپى قولدامادى. بۇل رەتتە ەاەو قانتتىڭ نەگىزگى وندىرۋشىلەرى (رف جانە بەلارۋس) قازاقستاندىق سۇرا­نىستى قولدادى. بۇل ماسەلە اقپان ايى­نىڭ باسىندا ەاەو ەلدەرىنىڭ ۇكىمەت باسشىلارى دەڭگەيىندە قارالادى.

ەەك كەڭەسىنىڭ قاڭتارداعى وتىرىسىندا قابىلدانعان شەشىم­دەردىڭ قاتارىندا ناۆيگا­تسيالىق پلومباداعى اقپاراتتى قورعاۋدىڭ بىرىڭعاي شارالارىن ەۋرازيالىق ەكونوميكالىق وداق شەڭبەرىندە قولدانۋ بويىنشا ءىس-شارالار جوس­پارىن بەكىتۋ بولدى. قۇجاتقا ىقتيمال اقپارات قاۋىپسىزدىگىن بۇزۋشىدان كەلەتىن قاتەرلەرى مەن ونىڭ ءىس-ارەكەتتەرىنىڭ جالپى مودەلىن ازىرلەۋدى, اقپاراتتى كريپ­توگرافيالىق قورعاۋ سالاسىنداعى الگوريتمدەردى انىقتاۋدى, اقپا­راتتى قورعاۋ ءۇشىن تەحنيكالىق شەشىمدەردى ازىرلەۋ سىندى ماسە­لەلەر قامتىلعان 2027 جىلعا دەيىنگى قادامدار كەشەنى كىرەدى.

ەاەو-دا تاسىمالداردى باقى­لاۋ ءۇشىن ناۆي­گاتسيالىق بى­تە­مەلەردى (پلومبا) قولدانۋ تۋرا­لى كەلىسىم بىلتىر كۇشىنە ەندى. بىتەمە اۆتوموبيل جانە تەمىر­جول كولىگىمەن تاۋارلاردى تا­سى­مالداۋدىڭ تۇتاستىعىن باقى­لاۋ­دى قامتاماسىز ەتەدى. بۇل مەحانيزم – ەۋرازيالىق ەكونو­ميكا­­لىق وداقتاعى كەدەندىك ءترانزيتتىڭ بىرىڭعاي جۇيەسىنىڭ ەلەمەنتتەرىنىڭ ءبىرى.

بۇعان قوسا, ەەك كەڭەسى تەحني­كالىق جانە كەدەندىك رەتتەۋ, اق­پاراتتىق ءوزارا ءىس-قيمىل سالا­لارىنداعى ينتەگراتسيالىق ۇدەرىس­تەردى دامىتۋعا باعىتتالعان بىرقاتار باسقا دا شەشىم قابىلدادى.