كوللاجدى جاساعان – الماس ماناپ, «EQ»
كونكۋرس تالاپتارىندا ايتىلعانداي, بۇل قارجى «اقجارىق – اپپاز» تاسجولىن اعىمداعى جوندەۋگە ارنالعان. الايدا شىن مانىندە بۇل ۋچاسكەدە جەرگىلىكتى جانە وبلىستىق دەڭگەيدەگى ۋاكىلەتتى ورگانداردىڭ بالانسىندا ەشقانداي جول جوق ەكەنى انىقتالىپ وتىر.
«اۆتوموبيل جولدارى تۋرالى» زاڭنىڭ 1-بابىنا سايكەس اعىمداعى جوندەۋ – جولداعى توتەنشە جاعدايلاردىڭ, اقاۋلاردىڭ الدىن الۋ ماقساتىندا جۇرگىزىلەتىن جۇمىستار كەشەنى, ياعني ول قولدانىستاعى جولدارعا جۇرگىزىلۋگە ءتيىس. ال اتالعان ەكونوميكا ءبولىمى وسى نورمانى بۇزا وتىرىپ, قۇرىلىس جوباسى جوق جاڭا تاسجول سالۋعا ارەكەتتەنگەن.
سونىمەن قاتار قۇرىلىس-مونتاج جۇمىستارى بويىنشا مەملەكەتتىك ساتىپ الۋلار قارجى ءمينيسترىنىڭ 2022 جىلعى 18 قاڭتارداعى №46 بۇيرىعىمەن بەكىتىلگەن «رەيتينگتىك-بالدىق جۇيەنى پايدالانا وتىرىپ, كونكۋرس ارقىلى جۇزەگە اسىرىلاتىن تاۋارلاردىڭ, جۇمىستاردىڭ, قىزمەتتەردىڭ تىزبەسىنە» ەنگىزىلگەن.
اقتوعاي اۋدانى پروكۋراتۋراسىنىڭ قاداعالاۋ اكتىسى بويىنشا بۇل كونكۋرس جويىلدى.
