«قۇرمەتتى جەرلەستەر! ەستەرىڭىزدە بولسا, مەملەكەت باسشىسىنىڭ تاپسىرماسى اياسىندا وسىدان ءبىر اي بۇرىن وبلىسىمىزدا ۇكىمەت باسشىسىنىڭ قاتىسۋىمەن «روجكوۆسكوە» گاز كەن ورنى ىسكە قوسىلعان ەدى.
اتالعان ءىس-شارا بارىسىندا باق وكىلدەرىنە سۇحبات بەرگەنىمدە جاڭا كەن ورنى وبلىسىمىزدىڭ سۇيىتىلعان گازعا دەگەن سۇرانىسىن جاباتىنىن ايتقان ەدىم.
ەندى, مىنە, اراعا تۋرا ءبىر اي سالىپ, كەن ورنىنان وندىرىلگەن 1 100 توننا سۇيىتىلعان گاز وبلىس قاجەتتىلىگىنە ءبولىندى. ەندى اي سايىن وسىنداي كولەمدە cۇيىتىلعان گاز وڭىرگە جەتكىزىلىپ تۇرادى.
2024 جىلدىڭ سوڭىنا دەيىن كەن ورنىندا 4 ۇڭعىمانى پايدالانۋعا بەرۋ جوسپاردا بار. وسىلايشا, ءوندىرىس قۋاتىن ارتتىرىپ, بۇرىنعىداي سۇيىتىلعان گازدى باسقا وبلىستاردان اكەلۋدەن ارىلامىز.
بۇل – بىرلەسكەن ەڭبەكتىڭ ناتيجەسى. ءوندىرىس ورنىندا ەڭبەك ەتىپ جۇرگەن گاز سالاسىنىڭ بارشا قىزمەتكەرىنە ريزاشىلىعىمدى بىلدىرەمىن!», دەپ جازدى بقو اكىمى.
باتىس قازاقستان وبلىسى
