دەپۋتاتتاردىڭ تالقىلاۋىنا ترانسفەرتتىك باعا بەلگىلەۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى زاڭ جوباسىن ەكىنشى وقىلىمدا قاراۋ ۇسىنىلادى.
زاڭ جوباسى ەلىمىزدىڭ ترانسفەرتتىك باعا بەلگىلەۋ سالاسىنداعى زاڭنامانى جەتىلدىرۋ ءارى كاپيتالدىڭ ەلدەن شىعارىلۋىن باقىلاۋ شارالارىن كۇشەيتۋ ماقساتىمەن ازىرلەندى. سونىمەن قاتار الداعى جالپى وتىرىستا قازاقستان مەن وزبەكستان ۇكىمەتتەرى اراسىنداعى ازاماتتاردىڭ ءوزارا ساپارلارىنىڭ شارتتارى تۋرالى كەلىسىمگە وزگەرىستەر ەنگىزۋ تۋرالى حاتتاما جانە 2014 جىلعى 29 مامىرداعى ەاەو تۋرالى شارتقا وزگەرىستەر ەنگىزۋ جونىندەگى حاتتاما راتيفيكاتسيالانادى دەپ جوسپارلانىپ وتىر.
ءماجىلىس كوميتەتتەرى بىرقاتار زاڭ جوباسىن جۇمىسقا الادى. ولار: كۇزەت قىزمەتى, ساتىپ الۋ جانە زاڭنامالىق اكتىلەردى نورمالاردىڭ ارتىق (شامادان تىس) زاڭنامالىق رەگلامەنتتەلۋى تۇرعىسىنان رەۆيزيالاۋ ماسەلەلەرى بويىنشا اكىمشىلىك قۇقىق بۇزۋشىلىق تۋرالى كودەكسكە قاتىستى زاڭ جوبالارى.
