فوتو: aikyn.kz
قازاقستان رەسپۋبليكاسى توتەنشە جاعدايلار مينيسترلىگى سەيسمولوگيالىق بايقاۋلار مەن زەرتتەۋلەردىڭ ۇلتتىق عىلىمي ورتالىعى جشس سەيسميكالىق ستانسالار جەلىسى 2024 جىلعى 26 قاڭتاردا 14 ساعات 17 مينۋت 56 سەكۋندتا جەر سىلكىنىسىن تىركەدى.
جەر سىلكىنىسىنىڭ وشاعى الماتىدان وڭتۇستىك-شىعىسقا قاراي 269 شاقىرىم جەردە قىتاي اۋماعىندا ورنالاسقان.
«جەر سىلكىنىسىنىڭ ەنەرگەتيكالىق كلاسى - 11,1. ماگنيتۋداسى MPV 4,9. ەپيتسەنتر كوورديناتى 41,09° سولتۇستىك, 78,49° شىعىس. تەرەڭدىگى 5 كم. بايقاۋ مۇمكىندىگى تۋرالى اقپارات (MSK-64 شكالاسى بويىنشا): الماتى 2 بالل», دەلىنگەن حابارلامادا.
بۇعان دەيىن توتەنشە جاعدايلار دەپارتامەنتى الماتىدا دۇمپۋلەردىڭ نەلىكتەن جالعاسىپ جاتقانىن ءتۇسىندىردى.
ەسكە سالايىق, 23 قاڭتارعا قاراعان ءتۇنى الماتى تۇرعىندارى قاتتى جەر سىلكىنىسىن سەزىندى. ول كەزدە جەر سىلكىنىسىنىڭ كۇشى 5 باللدى قۇرادى.
