فوتوكوللاج: Azattyq Rýhy
ويىن بيزنەسى سالاسىن مەملەكەتتىك رەتتەۋدىڭ وزەكتى ماسەلەلەرى تالقىلاۋدىڭ باستى تاقىرىبى بولدى. كوميتەت توراعاسى نۇرتورە ءجۇسىپ كەزدەسۋدى اشا كەلىپ, قۇمار ويىنداردىڭ كەڭ قانات جايۋى مەن تارالۋى قازىرگى قوعامداعى وزەكتى ماسەلە بولىپ قالا بەرەتىنى, ەلىمىزدىڭ ەكونوميكالىق جانە الەۋمەتتىك ءال-اۋقاتىنا تەرىس اسەر ەتەتىنىن اتاپ ءوتتى.
«ويىن بيزنەسى تۋرالى», «لوتەرەيالار جانە لوتەرەيا قىزمەتى تۋرالى» ارنايى زاڭدار قابىلداندى. الايدا, كۇن سايىن ويىن, بۋكمەكەرلىك جانە لوتەرەيا قىزمەتىن جۇزەگە اسىراتىن قۇرىلعىلاردىڭ كوپتەگەن جاڭا تۇرلەرى كۇندەلىكتى ومىرگە ەنىپ جاتىر, ال ونلاين-كازينو مەن تسيفرلىق ستاۆكانىڭ جارنامالارى ينتەرنەتكە شىعادى. مۇنىڭ ءبارى ادامداردىڭ وڭاي اقشا تابۋعا ۇمتىلىسىن كۇشەيتەدى جانە لۋدومانيا مەن قۇمار ويىنداردىڭ كەڭ تارالۋىنا اكەلەدى. بۇگىن, بەيرەسمي مالىمەتتەر بويىنشا, ەلىمىزدە 350 مىڭعا جۋىق ادام لۋدومانيا دەرتىنە شالدىققان. بۇل الەۋمەتتىك قاتەر», دەدى نۇرتورە ءجۇسىپ.
كەزدەسۋگە قاتىسۋشىلار لۋدومانيامەن كۇرەسكە كەدەرگى كەلتىرەتىن ماسەلەلەردى تالقىلادى. ولاردىڭ قاتارىندا لۋدومانيانىڭ ەمدەۋ ءادىسى مەن دامۋىنىڭ وبەكتيۆتى سەبەبى تۋرالى شىنايى اقپاراتتىڭ بولماۋى, زاڭسىز ويىن بيزنەسى ۇلەسىنىڭ كوپتىگى, سونداي-اق قولدانىستاعى زاڭنامانىڭ السىزدىگى دە بار.
دەپۋتاتتار كەزدەسۋدى قورىتىندىلاي كەلىپ, وسى جۇزدەسۋدىڭ ويىن بيزنەسىن رەتتەۋدى جاقسارتۋعا عانا ەمەس, لۋدومانيامەن كۇرەس جانە قوعام مۇددەسى مەن دەنساۋلىعىن قورعاۋدا ەلەۋلى ىلگەرىلەۋگە ماڭىزدى ۇلەس قوساتىنىنا سەنىم ءبىلدىردى.
