تۇڭعىش رەت وتكىزىلگەن ءبىلىم سايىسىن وقۋ-اعارتۋ مينيسترلىگى مەن «دارىن» رەسپۋبليكالىق عىلىمي-پراكتيكالىق ورتالىعى ۇيىمداستىردى. 9-11 سىنىپ وقۋشىلارىنىڭ ءبىلىمى سىنعا تۇسكەن بايقاۋعا اۋىلداردان 1088 ۇزدىك وقۋشى قاتىستى. ايماقتىق كەزەڭنەن ۇزدىك شىققان وقۋشىلاردى رەسپۋبليكالىق وليمپياداعا «سارىارقا دارىنى» قوسىمشا ءبىلىم بەرۋ عىلىمي-پراكتيكالىق ورتالىعىنىڭ ادىسكەرى اسەل رامازانقىزى باستاپ باردى.
رەسپۋبليكالىق بايگەدە قارقارالى اۋدانى بەسوبا اۋىلى №8 تىرەك مەكتەبىنىڭ (رەسۋرستىق ورتالىق) 11-سىنىپ وقۋشىسى ايدانا تولەگەن گەوگرافيا ءپانى بويىنشا ۇزدىك شىعىپ, ءبىرىنشى ورىندى يەلەندى. قازىلاردى وزىق بىلىمىمەن ءتانتى ەتكەن ول باعالى سىيلىقپەن ماراپاتتالدى. بۇعان قوسا, سەمەيدەگى شاكارىم ۋنيۆەرسيتەتىنىڭ ءبىلىم گرانتىنا يە بولدى.
ايدانا – العىر وقۋشى. «داۋىس» دەبات كلۋبىنىڭ ۇزدىك سپيكەرى, اۋداندىق ءپان وليمپيادالارىنىڭ, وقۋشىلاردىڭ وبلىستىق عىلىمي-پراكتيكالىق كونفەرەنتسياسىنىڭ جۇلدەگەرى. مەكتەبىنىڭ ماقتانىشى. ونىڭ وسىنداي جەتىستىككە جەتۋىنە اكەسى ءارى جەتەكشىسى, بەسوبا مەكتەبىندەگى گەوگرافيا ءپانىنىڭ مۇعالىمى ماقسات رىسباەۆتىڭ سىڭىرگەن ەڭبەگىن دە اتاپ وتكەنىمىز ءجون. ماقسات تولەگەن ۇلى دا – ۇزدىك ۇستازداردىڭ ءبىرى. ۇستازدىق جولدا ۇلكەن جەتىستىكتەرگە جەتكەن.
زەرەك شاكىرت كەلەشەكتە ءىت سالاسىنىڭ مامانى بولعىسى كەلەدى. قازىردىڭ وزىندە گرانت يەگەرى اتانعان العىر وقۋشىنىڭ ارمانى ورىندالادى دەگەن سەنىمىمىز بار.
قاراعاندى وبلىسى,
قارقارالى اۋدانى,
بەسوبا اۋىلى
