قاڭتار ايىنىڭ 25 جۇلدىزىندا, 17.00-دە «Egemen Qazaqstan» گازەتى رەداكتسياسىندا «ەگەمەن جاستار» اتتى ادەبي كەش وتەدى. ادەبي كەشتە ولەڭدەر مەن پروزالىق شىعارمالار وقىلىپ, بەلگىلى ءداستۇرلى ءانشى ساۋلەجان تاعزيا جانە ايتۋلى كۇيشى قايرات ايتباەۆ ونەر كورسەتەدى. ادەبي كەشكە جازۋشىلار اسقار التاي, قۋانىش جيەنباي, اقىندار سۇراعان راحمەت ۇلى, داۋلەتكەرەي كاپ ۇلى, قالقامان سارين, تاناكوز تولقىنقىزى قاتىسادى.
«كەشەگى سماعۇل سادۋاقاس ۇلى, مۇحتار اۋەزوۆ, جۇسىپبەك ايماۋىت ۇلى, بەيىمبەت مايلين, ساكەن سەيفۋللين, شەرحان مۇرتازا, ءابىش كەكىلباەۆ سىندى قاداۋ-قاداۋ قالامگەرلەر ەڭبەك ەتكەن قارا شاڭىراق – «Egemen Qazaqstan» گازەتى رەداكتسياسىندا بۇگىنگى ەگەمەن جاستاردىڭ ادەبي شىعارماشىلىق كەشى ءوتۋى ۇلكەن شىعارماشىلىق ساباقتاستىق دەپ بىلەمىن. بۇل كەش بۇرىنعى كەشتەن وزگەرەك بولماق. ادەبي كەشتە جاڭادان شىققان «جۇلدىزىمنىڭ جورىعى» اتتى پوەزيا كىتابىمنىڭ جانە جازۋشى اباي ايماعامبەتتىڭ «بۇرىلىسقا جارتى قادام قالعاندا» اتتى دەتەكتيۆ جانرىنداعى جاڭا رومانىنىڭ تۇساۋى كەسىلەدى. سونىمەن بىرگە گازەتىمىزدىڭ جاس ورەندەرى ساندىبەك ءاسانالى, ەلىگىماي توڭكەر, ابزال ماقاش ولەڭ وقىپ, ونەرلەرىن پاش ەتەدى. كەشكە استانا قالاسىندا تۇراتىن قالام يەلەرى مەن ادەبيەتسۇيەر قاۋىم وكىلدەرى قاتىسادى», دەدى اقىن جانىبەك ءاليمان.
ايتا كەتەيىك, كەش ۇيىتقىسى – اقىندار جانىبەك ءاليمان مەن باتىرحان سارسەنحان, جازۋشىلار – باقىتبەك قادىر مەن اباي ايماعامبەت. «Egemen Qazaqstan» گازەتىندە ەڭبەك ەتىپ جۇرگەن تالانتتى جاستار ءارتۇرلى جوعارى ماراپاتتاردى يەلەنىپ ءجۇر.
