فوتو: اقوردا ءباسپاسوز قىزمەتى
قاسىم-جومارت توقاەۆ ۇلتتىق عىلىم اكادەمياسىنىڭ جاڭا مۇشەلەرىن سايلاۋ پروتسەسىن جەدەلدەتۋ, اكادەميا جۇمىسىنا تالانتتى جاس عالىمدار مەن جاڭا مامانداردى كەڭىنەن تارتۋ قاجەت ەكەنىنە نازار اۋداردى.
سونىمەن قاتار پرەزيدەنتكە اقىلبەك كۇرىشباەۆ ءوزى باسقاراتىن قازاق ۇلتتىق اگرارلىق زەرتتەۋ ۋنيۆەرسيتەتىنىڭ عىلىمي زەرتتەۋلەرىن جانە اگروونەركاسىپ سالاسىن جەتىلدىرۋگە باعىتتالعان جۇمىستارىن تانىستىردى.
مەملەكەت باسشىسىنىڭ پىكىرىنشە, وقۋ ورنىنا زەرتتەۋ ۋنيۆەرسيتەتى مارتەبەسىنىڭ بەرىلۋى اگرارلىق سەكتورداعى عىلىمي ازىرلەمەلەردى ناقتى وندىرىسكە ەنگىزۋگە, عىلىمي زەرتتەۋلەردىڭ ناتيجەسىن كوممەرتسيالاندىرۋعا مۇمكىندىك بەرەدى.
كەزدەسۋ سوڭىندا قاسىم-جومارت توقاەۆ جاڭا مىندەتتەردى ەسكەرە وتىرىپ, ۇلتتىق عىلىم اكادەمياسىن دامىتۋ ستراتەگياسى مەن جۇمىس جوسپارىن پىسىقتاۋدى تاپسىردى. سونىمەن قاتار قازاقستان عىلىم اكادەمياسىنىڭ نەگىزىن قالاعان قانىش ساتباەۆتىڭ 125 جىلدىعىنا ارنالعان ءىس-شارالاردى جوعارى دەڭگەيدە ۇيىمداستىرۋ ماڭىزدى ەكەنىن ايتتى.
