قازاقستان رەسپۋبليكاسىنىڭ بىرقاتار زاڭنامالىق اكتىسىنە وزگەرىستەر ەنگىزىلدى

1-باپ. قازاقستان رەسپۋبليكاسىنىڭ مىنا زاڭنامالىق اكتىلەرىنە وزگەرىستەر مەن تولىقتىرۋلار ەنگىزىلسىن:

1. 1999 جىلعى 1 شىلدەدەگى قازاقستان رەسپۋبليكاسىنىڭ ازاماتتىق كودەكسىنە (ەرەكشە ءبولىم):

1) 814-باپتىڭ ەكىنشى بولىگىندەگى «قازاقستان رەسپۋبليكاسىنىڭ ءوزارا ساقتاندىرۋ تۋرالى زاڭنامالىق اكتiسiنە سايكەس ءوزارا ساقتاندىرۋ قوعامى عانا» دەگەن سوزدەر ء«وزارا ساقتاندىرۋ تۋرالى» قازاقستان رەسپۋبليكاسىنىڭ زاڭىنا سايكەس ءوزارا ساقتاندىرۋ قوعامى نەمەسە «ساۋدا قىزمەتىن رەتتەۋ تۋرالى» قازاقستان رەسپۋبليكاسىنىڭ زاڭىنا سايكەس قازاقستاننىڭ ەكسپورتتىق-كرەديتتىك اگەنتتىگى عانا» دەگەن سوزدەرمەن اۋىستىرىلسىن;

2) 830-باپتىڭ 2-تارماعى «اگەنتى» دەگەن سوزدەن كەيىن «, قازاقستاننىڭ ەكسپورتتىق-كرەديتتىك اگەنتتىگى» دەگەن سوزدەرمەن تولىقتىرىلسىن;

3) 840-باپتا:

تاقىرىپ «ساقتانۋشىنىڭ» دەگەن سوزدەن كەيىن «(پايدا الۋشىنىڭ)» دەگەن سوزدەرمەن تولىقتىرىلسىن;

مىناداي مازمۇنداعى 5-تارماقپەن تولىقتىرىلسىن:

«5. پايدا الۋشىنىڭ ساقتاندىرۋ ناتيجەسىندە وتەلگەن زالالدار ءۇشىن جاۋاپتى تۇلعاعا تالاپ قويۋ قۇقىعى قازاقستاننىڭ ەكسپورتتىق-كرەديتتىك اگەنتتىگىنە اۋىسۋى مۇمكىن.».

2. 2008 جىلعى 4 جەلتوقسانداعى قازاقستان رەسپۋبلي­كاسىنىڭ بيۋدجەت كودەكسىنە:

1) 3-باپتىڭ 1-تارماعىنىڭ 73-2) تارماقشاسى مىناداي رەداكتسيادا جازىلسىن:

«73-2) ەكسپورتتى قولداۋ بويىنشا مەملەكەت كەپىلدىك بەرگەن مىندەتتەمە – قازاقستاننىڭ ەكسپورتتىق-كرەديتتىك اگەنتتىگى ساقتاندىرۋ جانە كەپىلدىك تولەمدەرىن جۇزەگە اسىرماعان, ەكسپورتتى قولداۋ بويىنشا قازاقستان رەسپۋب­ليكاسىنىڭ مەملەكەتتىك كەپىلدىگىمەن قامتاماسىز ەتىلگەن ساقتاندىرۋ شارتتارى جانە كەپىلدىكتەر بويىنشا وتەلمەگەن مىندەتتەمەلەردىڭ بەلگىلى ءبىر كۇنگە الىنعان سوماسى;»;

2) 225-1-باپتىڭ 1-تارماعىندا:

«ەكسپورتتى قولداۋ جونىندەگى فۋنكتسيالاردى جۇزەگە اسى­را­تىن ۇلتتىق كومپانيا» دەگەن سوزدەر «قازاقستاننىڭ ەكس­پورتتىق-كرەديتتىك اگەنتتىگى» دەگەن سوزدەرمەن اۋىستىرىلسىن;

«كەپىلدىك شارتىنىڭ» دەگەن سوزدەر «ەكسپورتتى قولداۋ بو­يىنشا كەپىلدىك شارتىنىڭ» دەگەن سوزدەرمەن اۋىستىرىلسىن;

«ساقتاندىرۋ» دەگەن سوزدەن كەيىن «جانە كەپىلدىك» دەگەن سوزدەرمەن تولىقتىرىلسىن;

3) 225-2-باپتىڭ 3, 4, 6 جانە 7-تارماقتارى مىناداي رەداكتسيادا جازىلسىن:

«3. ەكسپورتتى قولداۋ بويىنشا مەملەكەتتىك كەپىلدىك بەرۋ قازاقستاننىڭ ەكسپورتتىق-كرەديتتىك اگەنتتىگىنىڭ قازاقستان رەسپۋبليكاسىنىڭ ۇكىمەتى جۇمسايتىن بيۋدجەت قاراجاتىن وسى كودەكستىڭ 225-6-بابىنىڭ نەگىزىندە قايتارۋى شارتتارىمەن جۇزەگە اسىرىلادى.

4. ەكسپورتتى قولداۋ بويىنشا مەملەكەتتىك كەپىلدىكتى بەرۋ ءۇشىن قازاقستاننىڭ ەكسپورتتىق-كرەديتتىك اگەنتتىگىنەن ەكسپورتتى قولداۋ بويىنشا مەملەكەتتىك كەپىلدىك سوماسىنىڭ 0,2 پايىزى مولشەرىندە الدىن الا بىرجولعى تولەماقى (الىم) الىنادى.»;

«6. ەكسپورتتى قولداۋ بويىنشا مەملەكەتتىك كەپىلدىك بەرۋ تۋرالى كەلىسىم بيۋدجەتتى اتقارۋ جونىندەگى ورتالىق ۋاكىلەتتى ورگان, سەنىم بىلدىرىلگەن وكىل (اگەنت) جانە قازاقستاننىڭ ەكس­پورت­تىق-كرەديتتىك اگەنتتىگى اراسىنداعى تاراپتاردىڭ ەكس­پورتتى قولداۋ بويىنشا مەملەكەتتىك كەپىلدىك بەرۋ, ەكسپورت­­تى قولداۋ بويىنشا مەملەكەتتىك كەپىلدىك بەرۋ جونىن­دەگى مىندەتتەمەلەر ورىندالعان جاعدايدا بولىنگەن رەسپۋب­ليكالىق بيۋدجەت قاراجاتىن قايتارۋ جونىندەگى قۇقىقتىق قاتىناستارىن بەلگىلەيتىن كەلىسىم بولىپ تابىلادى.

7. قازاقستاننىڭ ەكسپورتتىق-كرەديتتىك اگەنتتىگى ەكسپورتتى قولداۋ بويىنشا قولدانىستاعى مەملەكەتتىك كەپىلدىك شەڭبەرىندە رەسپۋبليكالىق بيۋدجەتتەن بۇرىن بولىنگەن قاراجات بويىنشا بەرەشەكتى وتەۋ جونىندەگى مىندەتتەمەلەردى ورىنداماعان جاعدايدا ول بويىنشا رەسپۋبليكالىق بيۋدجەتتەن كەلەسى سومالاردى بەرۋگە جول بەرىلمەيدى.»;

4) 225-3-باپتا:

1) تارماقشا مىناداي رەداكتسيادا جازىلسىن:

«1) قازاقستاننىڭ ەكسپورتتىق-كرەديتتىك اگەنتتىگى بولۋ;»;

مىناداي مازمۇنداعى 6) تارماقشامەن تولىقتىرىلسىن:

«6) ناقتى جۇزەگە اسىرىلعان ساقتاندىرۋ جانە كەپىلدىك تولەمدەرىنىڭ كولەمى ەكسپورتتى قولداۋ بويىنشا مەملەكەتتىك كەپىلدىكتەردىڭ قولدانىلۋ كەزەڭىندە مەنشىكتى كاپيتالى كولەمىنىڭ 40 (قىرىق) پايىزىنان اسپاۋعا ءتيىس. بۇل رەتتە ساقتان­دىرۋ جانە كەپىلدىك تولەمدەرىنىڭ كولەمى سۋبروگاتسيا, قايتا ساقتاندىرۋ جانە كەپىلدىك بەرۋ شەڭبەرىندە وتەلگەن ساقتاندىرۋ جانە كەپىلدىك تولەمدەرىنىڭ سوماسى شەگەرىلە وتىرىپ كورسەتىلەدى.»;

5) 225-4-باپتا:

1-تارماق مىناداي رەداكتسيادا جازىلسىن:

«1. ەكسپورتتى قولداۋ بويىنشا مەملەكەتتىك كەپىلدىك بيۋد­جەتتى اتقارۋ جونىندەگى ورتالىق ۋاكىلەتتى ورگان مەن قازاق­ستاننىڭ ەكسپورتتىق-كرەديتتىك اگەنتتىگى اراسىندا ەكسپورتتى قولداۋ بويىنشا كەپىلدىك شارتىن جازباشا نىساندا جاساسۋ ارقىلى بەرىلەدى.

وسى باپتىڭ تالاپتارىنا ساي كەلەتىن قۇجات قانا ەكسپورتتى قولداۋ بويىنشا مەملەكەتتىك كەپىلدىك رەتىندە تانىلۋى مۇمكىن. مەملەكەتتىك ورگانداردىڭ جانە ولاردىڭ لاۋازىمدى ادامدارىنىڭ وزگە دە اكتىلەرى مەن قۇجاتتارىنىڭ ەكسپورتتى قولداۋ بويىنشا مەملەكەتتىك كەپىلدىك بەرۋ جونىندەگى زاڭدى كۇشى بولمايدى.»;

3-تارماقتىڭ 2) جانە 3) تارماقشالارى مىناداي رەداكتسيادا جازىلسىن:

«2) قازاقستاننىڭ ەكسپورتتىق-كرەديتتىك اگەنتتىگىنىڭ اتاۋى جانە ورنالاسقان جەرى;

3) قازاقستاننىڭ ەكسپورتتىق-كرەديتتىك اگەنتتىگىنىڭ نەگىزگى مىندەتتەمەلەرىنىڭ مازمۇنى;»;

6) 225-5-باپتىڭ ءۇشىنشى بولىگى مىناداي رەداكتسيادا جازىلسىن:

«ەكسپورتتى قولداۋ بويىنشا مەملەكەتتىك كەپىلدىگى بار قازاقستاننىڭ ەكسپورتتىق-كرەديتتىك اگەنتتىگىنىڭ قارجىلىق جاعدايىن مونيتورينگىلەۋ بيۋدجەتتى اتقارۋ جونىندەگى ورتالىق ۋاكىلەتتى ورگان مەملەكەتتىك جوسپارلاۋ جونىندەگى ورتالىق ۋاكىلەتتى ورگانمەن كەلىسۋ بويىنشا ايقىندايتىن تارتىپپەن جۇزەگە اسىرىلادى.»;

7) 225-6-باپتىڭ 1, 2, 4 جانە 5-تارماقتارى مىناداي رەداكتسيادا جازىلسىن:

«1. ەكسپورتتى قولداۋ بويىنشا مەملەكەتتىك كەپىلدىك قازاقستاننىڭ ەكسپورتتىق-كرەديتتىك اگەنتتىگىنىڭ مەنشىكتى كاپيتالىنان اساتىن ساقتاندىرۋ جانە كەپىلدىك جاعدايلارىن بىرجولعى ىسكە اسىرۋ اسىپ تۇسكەن كەزدە, سەنىم بىلدىرىلگەن وكىلدىڭ (اگەنتتىڭ), قازاقستاننىڭ ەكسپورتتىق-كرەديتتىك اگەنتتىگىنىڭ قورىتىندىلارى, ەكىنشى دەڭگەيدەگى بانكتەر بەرگەن ونىڭ شوتتارىنان ءۇزىندى كوشىرمەلەر, سونداي-اق ەكسپورتتى قولداۋ بويىنشا مەملەكەتتىك كەپىلدىكتىڭ ورىندا­لۋىنا ءوتىنىش جاساۋدىڭ الدىنداعى قارجى جىلى ءۇشىن اۋديت­تەلگەن قارجىلىق ەسەپتىلىك جانە ەكسپورتتى قولداۋ بويىنشا مەملەكەتتىك كەپىلدىكتىڭ ورىندالۋىنا ءوتىنىش جاسالعان كەزگە الىنعان قارجىلىق ەسەپتىلىك بولعان كەزدە ورىندالۋعا جاتادى.

2. ەكسپورتتى قولداۋ بويىنشا مەملەكەتتىك كەپىلدىك قازاقستاننىڭ ەكسپورتتىق-كرەديتتىك اگەنتتىگىنىڭ مەنشىكتى كاپيتالىن شەگەرگەندە ساقتاندىرۋ جانە كەپىلدىك تولەمدەرىنىڭ جابىلماعان سوماسىنىڭ بولىگىنە عانا ورىندالادى.»;

«4. ەكسپورتتى قولداۋ بويىنشا مەملەكەتتىڭ كەپىلدىگى جونىندەگى مىندەتتەمەلەردى ورىنداۋعا بولىنگەن قاراجاتتى قازاقستاننىڭ ەكسپورتتىق-كرەديتتىك اگەنتتىگى ساقتاندىرۋ جانە كەپىلدىك تولەمدەرىن وتەۋ قاراجاتى مەن وزگە دە كوزدەر ەسەبىنەن رەسپۋبليكالىق بيۋدجەتكە قايتارۋعا ءتيىس.

5. ەكسپورتتى قولداۋ بويىنشا مەملەكەتتىك كەپىلدىكتى ورىنداۋعا رەسپۋبليكالىق بيۋدجەتتەن بولىنگەن قاراجاتتى قايتارۋدىڭ شارتتارى, مەرزىمدەرى, سىياقى مولشەرلەمەلەرى جانە ءتارتىبى بيۋدجەتتى اتقارۋ جونىندەگى ورتالىق ۋاكىلەتتى ورگان, سەنىم بىلدىرىلگەن وكىل (اگەنت) جانە قازاقستاننىڭ ەكس­پورت­تىق-كرەديتتىك اگەنتتىگى اراسىندا جاسالاتىن ەكسپورتتى قولداۋ بويىنشا مەملەكەتتىك كەپىلدىك بەرۋ تۋرالى كەلىسىمدە ايقىندالادى.».
6. «قازاقستان رەسپۋبليكاسىنداعى بانكتەر جانە بانك قىزمەتى تۋرالى» 1995 جىلعى 31 تامىزداعى قازاقستان رەس­پۋب­­ليكاسىنىڭ زاڭىنا:

36-1-باپتىڭ 4-تارماعىنىڭ توعىزىنشى بولىگى مىناداي رەداكتسيادا جازىلسىن:

«وسى تارماقتىڭ تالاپتارى:

1) سوڭعى ساتىداعى قارىز بويىنشا مىندەتتەمەلەردى ورىنداۋ ماقساتىندا بانكتىڭ قۇقىقتى (تالاپتى) قازاقستان رەسپۋبليكاسىنىڭ ۇلتتىق بانكىنە بەرۋى;

2) قازاقستان رەسپۋبليكاسىنىڭ زاڭناماسىنا سايكەس ەرىكتى  ساقتاندىرۋ شارتتارى بويىنشا ساقتاندىرۋ تولەمىن جۇزەگە اسىرۋعا بايلانىستى قۇقىقتاردىڭ (تالاپتاردىڭ) سۋبروگاتسيا تارتىبىمەن قازاقستاننىڭ ەكسپورتتىق-كرەديتتىك اگەنتتىگىنە ءوتۋى جاعدايلارىنا قولدانىلمايدى.».

4. «ساقتاندىرۋ قىزمەتى تۋرالى» 2000 جىلعى 18 جەلتوق­سانداعى قازاقستان رەسپۋبليكاسىنىڭ زاڭىنا:

1) 1-باپتىڭ 2-1-تارماعى مىناداي رەداكتسيادا جازىلسىن:

«2-1. وسى زاڭنىڭ 9-بابىنىڭ 8-تارماعىن قوسپاعاندا, وسى زاڭ قازاقستاننىڭ ەكسپورتتىق-كرەديتتىك اگەنتتىگىنىڭ قىزمەتىنە بايلانىستى قاتىناستاردى, سونداي-اق مىندەتتى الەۋمەتتىك مەديتسينالىق ساقتاندىرۋعا, مىندەتتى الەۋمەتتىك ساقتاندىرۋعا بايلانىستى قاتىناستاردى رەتتەمەيدى.»;

2) 9-باپتا:

8-تارماقتىڭ ءبىرىنشى بولىگى مىناداي رەداكتسيادا جازىلسىن:

«8. ساقتاندىرۋ (قايتا ساقتاندىرۋ) ۇيىمى, قازاقستاننىڭ  ەكسپورتتىق-كرەديتتىك اگەنتتىگى ساقتاندىرۋ تاۋەكەلدەرىن  قازاقستان رەسپۋبليكاسىنىڭ بەيرەزيدەنتتەرى-تىيىم سالىنعان ساقتاندىرۋ (قايتا ساقتاندىرۋ) ۇيىمدارىنىڭ تىزىلى­مىنە ەنگىزىلگەن قازاقستان رەسپۋبليكاسىنىڭ بەيرەزي­دەنتتەرى-ساقتاندىرۋ (قايتا ساقتاندىرۋ) ۇيىمدارىنا قايتا ساقتاندىرۋعا بەرۋگە قۇقىلى ەمەس.»;

مىناداي مازمۇنداعى 8-2-تارماقپەن تولىقتىرىلسىن:

«8-2. ساقتاندىرۋ (قايتا ساقتاندىرۋ) ۇيىمى ساقتاندىرۋ تاۋەكەلدەرىن قازاقستاننىڭ ەكسپورتتىق-كرەديتتىك اگەنتتىگىنە تىكەلەي نەمەسە:

1) ساقتاندىرۋ بروكەرىنىڭ;

2) قازاقستان رەسپۋبليكاسىنىڭ بەيرەزيدەنتى-ساقتاندىرۋ بروكەرىنىڭ قازاقستان رەسپۋبليكاسىنىڭ اۋماعىندا ۋاكىلەتتى ورگاننىڭ ليتسەنزياسى نەگىزىندە ساقتاندىرۋ بروكەرى قىزمەتىن جۇزەگە اسىراتىن ەنشىلەس ۇيىمى بولعان جاعدايدا, قازاقستان رەسپۋبليكاسىنىڭ بەيرەزيدەنتى-ساقتاندىرۋ بروكەرىنىڭ;

3) قازاقستان رەسپۋبليكاسىنىڭ بەيرەزيدەنتى-ساقتاندىرۋ بروكەرى فيليالىنىڭ;

4) «استانا» حالىقارالىق قارجى ورتالىعىنا قاتىسۋشى-ساقتاندىرۋ بروكەرىنىڭ دەلدالدىعى ارقىلى قايتا ساقتان­دىرۋعا بەرۋگە جانە قابىلداۋعا قۇقىلى.»;

3) 17-باپتىڭ 3-تارماعىنىڭ 3), 4), 8) جانە 13) تارماقشا­لارى مىناداي رەداكتسيادا جازىلسىن:

«3) ساقتاندىرۋ (قايتا ساقتاندىرۋ) ۇيىمدارىنىڭ جانە قازاقستاننىڭ ەكسپورتتىق-كرەديتتىك اگەنتتىگىنىڭ كورسەتەتىن قىزمەتتەرىنە جانە قارجىلىق جاي-كۇيىنە سالىستىرما تالداۋ جۇرگىزۋدى;

4) ساقتاندىرۋ (قايتا ساقتاندىرۋ) ۇيىمدارى جانە قازاق­ستاننىڭ ەكسپورتتىق-كرەديتتىك اگەنتتىگى ۇسىناتىن قىزمەتتەرگە سالىستىرما تالداۋ جۇرگىزۋ ماقساتىندا ساقتان­دىرۋ وبەكتىلەرى تۋرالى اقپارات جيناۋدى;»;

«8) ساقتانۋشىمەن (تسەدەنتپەن) ءتيىستى كەلىسىم بولعان كەزدە ساقتاندىرۋ (قايتا ساقتاندىرۋ) شارتتارى بويىنشا ساقتا­نۋشىلاردان (تسەدەنتتەردەن) ساقتاندىرۋ سىيلىقاقىلارىن كەيىننەن ولاردى ساقتاندىرۋ (قايتا ساقتاندىرۋ) ۇيىمدارىنا, قازاقستاننىڭ ەكسپورتتىق-كرەديتتىك اگەنتتىگىنە اۋدارۋ ءۇشىن جيناۋدى;»;

«13) ساقتانۋشىنىڭ (تسەدەنتتىڭ) تاپسىرماسى بويىن­شا ساقتاندىرۋ (قايتا ساقتاندىرۋ) ۇيىمدارىنان جانە قازاقستاننىڭ ەكسپورتتىق-كرەديتتىك اگەنتتىگىنەن ساقتاندىرۋ تولەمدەرىن كەيىننەن ولاردى ساقتانۋشىعا (تسەدەنتكە), پايدا الۋشىعا بەرۋ ءۇشىن جيناۋدى;».

5. «قازاقستاننىڭ دامۋ بانكى تۋرالى» 2001 جىلعى 25 ساۋىر­دەگى قازاقستان رەسپۋبليكاسىنىڭ زاڭىنا:

1) 4-باپ 9) تارماقشاسىنداعى «ۇسىنۋ بولىپ تابىلادى.» دەگەن سوزدەر «ۇسىنۋ;» دەگەن سوزبەن اۋىستىرىلىپ, مىناداي مازمۇنداعى 10) تارماقشامەن تولىقتىرىلسىن:

«10) وسى زاڭدا, قازاقستان رەسپۋبليكاسىنىڭ وزگە دە نورما­تيۆتىك قۇقىقتىق اكتىلەرىندە جانە دامۋ بانكىنىڭ جارعىسىندا كوزدەلگەن وزگە دە فۋنكتسيالار بولىپ تابىلادى.»;

2) 7-باپتا:

ءبىرىنشى ابزاتس مىناداي رەداكتسيادا جازىلسىن:

«دامۋ بانكى ءوز فۋنكتسيالارى مەن مىندەتتەرىن ورىنداۋ ءۇشىن ليتسەنزياسىز ۇلتتىق جانە شەتەلدىك ۆاليۋتامەن مىناداي بانكتىك جانە وزگە دە وپەراتسيالاردى:»;

4), 5), 6) جانە 8) تارماقشالار مىناداي رەداكتسيادا جازىلسىن:

«4) اككرەديتيۆتى اشۋ (قويۋ) مەن راستاۋدى جانە ول بويىن­شا مىندەتتەمەلەردى, ونىڭ ىشىندە دامۋ بانكى ەنشىلەس ۇيىمىنىڭ تاپسىرماسى بويىنشا ورىنداۋدى;

5) بانكتەردىڭ جانە بانك وپەراتسيالارىنىڭ جەكەلەگەن تۇرلەرىن جۇزەگە اسىراتىن ۇيىمداردىڭ اعىمداعى, كوررەس­پوندەنتتىك شوتتارىن اشۋدى جانە جۇرگىزۋدى;

6) دامۋ بانكى نەمەسە دامۋ بانكىنىڭ ەنشىلەس ۇيىمى قىزمەت كورسەتىلەتىن جوبالار نەمەسە مامىلەلەر شەڭبەرىندە جاساعان شارتتاردا كوزدەلگەن تولەمدەردى جانە اقشا اۋدارىمدارىن جۇزەگە اسىرۋ, دامۋ بانكى نەمەسە دامۋ بانكىنىڭ ەنشىلەس ۇيىمى الدىن­داعى مىندەتتەمەلەردى ورىنداۋ ءۇشىن اقشانى رەزەرۆكە الۋ ماقساتىندا دامۋ بانكى قارىز الۋشىلارىنىڭ نەمەسە دامۋ بانكىنىڭ ەنشىلەس ۇيىمى قارىز الۋشىلارىنىڭ, ليزينگ الۋشىلارىنىڭ جانە وزگە دە كونتراگەنتتەرىنىڭ بانك شوتتارىن اشۋدى جانە جۇرگىزۋدى, ونىڭ ىشىندە دامۋ بانكىنىڭ نەمەسە دامۋ بانكى ەنشىلەس ۇيىمىنىڭ قارىزدارىن ەسەپكە جاتقىزۋ,  ليزينگ نىساناسىنا اقى تولەۋ, وزگە دە وپەراتسيالارى ءۇشىن, باسقا دا قارىزدار مەن قاراجاتتاردى, وعان قوسا رەسپۋبليكالىق جانە جەرگىلىكتى بيۋدجەتتەردىڭ قاراجاتىن ەسەپكە جاتقىزۋ ءۇشىن بانك شوتتارىن اشۋدى جانە جۇرگىزۋدى;»;

«8) رەزيدەنت جانە (نەمەسە) بەيرەزيدەنت زاڭدى تۇلعالار­دىڭ دامۋ بانكى نەمەسە دامۋ بانكىنىڭ ەنشىلەس ۇيىمى الدىنداعى مىندەتتەمەلەرىنىڭ ورىندالۋىن قامتاماسىز ەتۋ ماق­ساتىندا دەپوزيتتەر قابىلداۋدى, قاراجاتتى ەسەپكە جات­قىزۋ ءۇشىن بانك شوتتارىن اشۋدى جانە جۇرگىزۋدى;»;

3) 12-باپتىڭ 3-تارماعىنىڭ ەكىنشى بولىگى مىناداي رەداكتسيادا جازىلسىن:

«ۇلتتىق باسقارۋشى حولدينگتىڭ توبىنا كىرەتىن زاڭدى  تۇلعالارعا, سونداي-اق جالعىز اكتسيونەرى (قاتىسۋشىسى) دامۋ بانكى  بولىپ تابىلاتىن زاڭدى تۇلعالارعا كرەديت بەرۋدىڭ جانە  ولاردىڭ مىندەتتەمەلەرىنىڭ ورىندالۋىن قامتاماسىز ەتۋدى  ۇسىنۋدىڭ شارتتارىن ايقىنداۋ جانە (نەمەسە) وزگەرتۋ كەزىندە  قازاقستان رەسپۋبليكاسىنىڭ بانك زاڭناماسىندا جانە قازاقستان رەسپۋبليكاسىنىڭ اكتسيونەرلىك قوعامدار تۋرالى زاڭناماسىندا  بەلگىلەنگەن دامۋ بانكىمەن ەرەكشە قاتىناستار ارقىلى بايلانىستى تۇلعالارعا جەڭىلدىك شارتتارىن بەرۋگە تىيىم سالۋ جانە كورسەتىلگەن تۇلعالارمەن مامىلەلەردى جۇزەگە اسىرۋ ءتارتىبى قولدانىلمايدى.»;

4) 14-باپتىڭ 1-تارماعىنىڭ 3) تارماقشاسى مىناداي رەداكتسيادا جازىلسىن:

«3) اكتسيونەرلەردىڭ جالپى جينالىسىنىڭ شەشىمى بويىنشا ليزينگ بەرۋشى ۇيىمداردىڭ جانە وزگە دە زاڭدى تۇلعالاردىڭ جارعىلىق كاپيتالدارىنا قاتىسقان;»;

5) 16-باپتىڭ 2-تارماعى مىناداي مازمۇنداعى ەكىنشى, ءۇشىنشى جانە ءتورتىنشى بولىكتەرمەن تولىقتىرىلسىن:

«قارجىلىق تۇراقتىلىق پارامەترلەرىنىڭ (كوەففيتسيەنت­تەرىنىڭ) ناشارلاۋ جاعىنا قاراي كۇتىلەتىن وزگەرۋى جانە پارامەترلەردىڭ (كوەففيتسيەنتتەردىڭ) كەم دەگەندە بىرەۋى بويىنشا شەكتى ماندەرگە قول جەتكىزۋ كەزىندە دامۋ بانكىنىڭ جارعىلىق كاپيتالى قازاقستان رەسپۋبليكاسىنىڭ بيۋدجەت زاڭناماسىندا بەلگىلەنگەن راسىمدەرگە سايكەس ۇلعايتىلۋى مۇمكىن.

جارعىلىق كاپيتال قازاقستان رەسپۋبليكاسىنىڭ زاڭناما­سىنا سايكەس وزگە دە جاعدايلاردا ۇلعايتىلۋى دا مۇمكىن.

نەسيە پورتفەلىنىڭ اكتيۆتەرگە ەڭ جوعارى اراقاتىناسى مەموراندۋمدا بەلگىلەنەدى.»;

6) 21-باپتىڭ 1-تارماعى مىناداي رەداكتسيادا جازىلسىن:

«1. دامۋ بانكi قىزمەتiنiڭ اۋديتiن (سىرتقى اۋديتiن) قازاقستان رەسپۋبليكاسىنىڭ زاڭناماسىنا سايكەس اكتسيو­نەرلەردiڭ جالپى جينالىسى ايقىنداعان اۋديتورلىق ۇيىم جىل سايىن جۇزەگە اسىرادى.».

6. «قارجى نارىعى مەن قارجى ۇيىمدارىن مەملەكەتتىك رەتتەۋ, باقىلاۋ جانە قاداعالاۋ تۋرالى» 2003 جىلعى 4 شىل­دەدەگى قازاقستان رەسپۋبليكاسىنىڭ زاڭىنا:

15-1-باپتىڭ 1-تارماعىنىڭ ەكىنشى بولىگى «قازاقستان دامۋ بانكىنىڭ,» دەگەن سوزدەردەن كەيىن «قازاقستاننىڭ ەكس­پورتتىق-كرەديتتىك اگەنتتىگىنىڭ,» دەگەن سوزدەرمەن تولىق­تىرىلسىن.

7. «ساۋدا قىزمەتىن رەتتەۋ تۋرالى» 2004 جىلعى 12 ساۋىر­دەگى قازاقستان رەسپۋبليكاسىنىڭ زاڭىنا:

1) 1-باپتا:

14-2) تارماقشا مىناداي رەداكتسيادا جازىلسىن:

«14-2) قازاقستاننىڭ ەكسپورتتىق-كرەديتتىك اگەنتتىگى (بۇدان ءارى – ەكسپورتتىق-كرەديتتىك اگەنتتىك) قازاقستان رەسپۋب­­ليكاسى ۇكىمەتىنىڭ شەشىمىمەن ايقىندالاتىن, شيكىزات­تىق ەمەس ەكسپورتتى دامىتۋ جانە ىلگەرىلەتۋ سالاسىنداعى ۇلتتىق دامۋ ينستيتۋتىنىڭ مارتەبەسىنە يە جانە وسى زاڭ مەن قازاقستان رەسپۋبليكاسىنىڭ زاڭناماسىنا سايكەس قىزمەتىن جۇزەگە اسىراتىن زاڭدى تۇلعا;»;

مىناداي مازمۇنداعى 14-3) تارماقشامەن تولىقتىرىلسىن:

«14-3) قاۋىپسىزدىك پايىمداۋلارى بويىنشا شارا – قازاقستان رەسپۋبليكاسىنان يمپورتقا قاتىستى ءۇشىنشى تاراپ ەنگىزەتىن جانە ۇلتتىق قاۋىپسىزدىك مۇددەلەرىن قوزعايتىن شارا;»;

2) 6-باپ مىناداي مازمۇنداعى 14-6) تارماقشامەن تولىقتىرىلسىن:

«14-6) ەكسپورتتىق-كرەديتتىك اگەنتتىكتى جانە ونىڭ فۋنكتسيالارىن ايقىندايدى;»;

3) 7-باپ مىناداي مازمۇنداعى 10-2) جانە 10-3) تارماق­شالارمەن تولىقتىرىلسىن:

«10-2) ەكسپورتتىق-كرەديتتىك اگەنتتىك قىزمەتىنىڭ جەكەلەگەن تۇرلەرىن جۇزەگە اسىرۋ شارتتارىن ازىرلەيدى جانە ولاردى مەملەكەتتىك جوسپارلاۋ جونىندەگى ورتالىق ۋاكىلەتتى ورگانمەن, بيۋدجەتتى اتقارۋ جونىندەگى ورتالىق ۋاكىلەتتى ورگانمەن, قارجى نارىعى مەن قارجى ۇيىمدارىن رەتتەۋ, باقىلاۋ جانە قاداعالاۋ جونىندەگى ۋاكىلەتتى ورگانمەن كەلىسۋ بويىنشا بەكىتەدى;

10-3) ەكسپورتتىق-كرەديتتىك اگەنتتىك ءۇشىن تاۋەكەلدەردى باسقارۋ جانە ىشكى باقىلاۋ جۇيەسىن قالىپتاستىرۋ, سونداي-اق رەزەرۆتەر قالىپتاستىرۋ جانە ولار بويىنشا اكتۋارلىق ەسەپ-قيساپتار جۇرگىزۋ قاعيدالارىن ازىرلەيدى جانە ولاردى مەملەكەتتىك جوسپارلاۋ جونىندەگى ورتالىق ۋاكىلەتتى ورگانمەن, بيۋدجەتتى اتقارۋ جونىندەگى ورتالىق ۋاكىلەتتى ورگانمەن, قارجى نارىعى مەن قارجى ۇيىمدارىن رەتتەۋ, باقىلاۋ جانە قاداعالاۋ جونىندەگى ۋاكىلەتتى ورگانمەن كەلىسۋ بويىنشا بەكىتەدى;»;

4) 4-تاراۋ مىناداي مازمۇنداعى 22-6 جانە 22-7-باپتارمەن تولىقتىرىلسىن:

«22-6-باپ. ەكسپورتتىق-كرەديتتىك اگەنتتىكتىڭ قىزمەتى جانە ونىڭ قازاقستان رەسپۋبليكاسىنىڭ مەملەكەتتىك ورگاندارىمەن ءوزارا ءىس-قيمىل جاساۋى

1. ەكسپورتتىق-كرەديتتىك اگەنتتىك ەكسپورتتىق كرەديتتەردى, ينۆەستيتسيالاردى, وتاندىق ەكسپورتتاۋشىلارعا جانە وتاندىق شيكىزاتتىق ەمەس تاۋارلاردى (جۇمىستاردى, كورسەتىلەتىن قىزمەتتەردى) شەتەلدىك ساتىپ الۋشىلارعا كرەديت (قارىزدار) بەرۋگە بايلانىستى مامىلەلەردى, ولاردىڭ پايداسىنا بەرىلگەن كەپىلدىكتەر مەن كەپىلگەرلىكتەردى قارجى ۇيىمدارىنىڭ ءتيىستى زالالدارىنان, وزگە دە قارجىلىق زالالداردان جانە ءتيىستى ازاماتتىق-قۇقىقتىق جاۋاپتىلىقتان ەرىكتى ساقتاندىرۋدى, سونداي-اق ولاردى ءتيىستى ليتسەنزياسىز قايتا ساقتاندىرۋدى جانە قازاقستان رەسپۋبليكاسىنىڭ ۇكىمەتى ايقىندايتىن وزگە دە فۋنكتسيالاردى جۇزەگە اسىرادى.
2. ەكسپورتتىق-كرەديتتىك اگەنتتىكتىڭ قارجىلىق ورنىقتى­لىعى پارامەترلەرىن ساقتاۋ ماقساتىندا ساقتاندىرۋ مىندەت­تەمەسى مەن كەپىلدىك مىندەتتەمەنىڭ پورتفەلى ساقتاندىرۋ مىندەت­تەمەسى مەن كەپىلدىك مىندەتتەمەنىڭ جيىنتىق سىيىم­دىلىعىنان اسپاۋعا ءتيىس.

ەكسپورتتىق-كرەديتتىك اگەنتتىكتىڭ ساقتاندىرۋ جانە كەپىلدىك مىندەتتەمەلەرىنىڭ جيىنتىق سىيىمدىلىعى:

1) مەنشىكتى كاپيتالدىڭ;

2) ەكسپورتتى قولداۋ بويىنشا مەملەكەتتىك كەپىلدىكتەردىڭ جيىنتىق مولشەرىنىڭ سوماسىنا تەڭ.

ساقتاندىرۋ مىندەتتەمەسى مەن كەپىلدىك مىندەتتەمە پورت­فەلىنىڭ مولشەرىن ساقتاندىرۋ مىندەتتەمەسى مەن كەپىلدىك مىندەتتەمەنىڭ جيىنتىق سىيىمدىلىعىنان اسىرۋعا جول بەرمەۋ ءۇشىن قازاقستان رەسپۋبليكاسىنىڭ بيۋدجەت زاڭناماسىنا سايكەس ەكسپورتتىق-كرەديتتىك اگەنتتىكتىڭ قارجىلىق ورنىق­تىلىعىن قامتاماسىز ەتۋ ءۇشىن شارالار قابىلدانادى.

3. ەكسپورتتىق-كرەديتتىك اگەنتتىك «بۋحگالتەرلىك ەسەپ پەن قارجىلىق ەسەپتىلىك تۋرالى» قازاقستان رەسپۋبليكاسىنىڭ زاڭىنا جانە بۋحگالتەرلىك ەسەپ پەن قارجىلىق ەسەپتىلىك سالا­سىن­داعى قىزمەتتى رەتتەۋدى جۇزەگە اسىراتىن ورتالىق ۋاكى­لەتتى ورگاننىڭ نورماتيۆتىك قۇقىقتىق اكتىلەرىنە سايكەس بۋحگالتەرلىك ەسەپكە الۋدى جۇرگىزەدى جانە قارجىلىق ەسەپتى­لىكتى جاسايدى.
4. قارجى نارىعى مەن قارجى ۇيىمدارىن رەتتەۋ, باقىلاۋ جانە قاداعالاۋ جونىندەگى ۋاكىلەتتى ورگان, ساقتاندىرۋ (قايتا ساقتاندىرۋ) ۇيىمدارىن, ساقتاندىرۋ توپتارىن پرۋدەنتسيالدىق رەتتەۋ, باسشى قىزمەتكەرلەردى كەلىسۋ ماسەلەلەرى جونىندەگى نورماتيۆتىك قۇقىقتىق اكتىلەردى, تاۋەكەلدەردى باسقارۋ جانە ىشكى باقىلاۋ جۇيەسىنىڭ, ساقتانۋشى (ساقتاندىرىلۋشى, پايدا الۋشى) مەن ساقتاندىرۋشى اراسىندا ەلەكتروندىق اقپاراتتىق رەسۋرستار الماسۋدىڭ, ەنشىلەس ۇيىمدى قۇرۋعا نەمەسە ساتىپ الۋعا, ءىرى قاتىسۋشى, ساقتاندىرۋ حولدينگى مارتەبەسىن الۋعا, زاڭدى تۇلعالاردىڭ, ونىڭ ىشىندە بەيرەزيدەنتتەردىڭ كاپيتالىنا ەلەۋلى قاتىسۋعا رۇقسات بەرۋدىڭ (كەرى قايتارىپ الۋدىڭ) تارتىبىنە, سونداي-اق ساقتاندىرۋ پورتفەلىن بەرۋ, تاراتۋ تارتى­بىنە قويىلاتىن ساقتاندىرۋ رەزەرۆتەرىن قالىپتاستىرۋ جونىندەگى تالاپتاردى قوسپاعاندا, قازاقستان رەسپۋبليكاسىنىڭ قارجى ۇيىمدارىنىڭ قىزمەتىن رەتتەيتىن زاڭناماسىن ەكسپورت­­تىق-كرەديتتىك اگەنتتىكتىڭ ساقتاۋىنا باقىلاۋدى جانە قاداعالاۋدى قازاقستان رەسپۋبليكاسىنىڭ زاڭناماسىندا بەلگىلەنگەن وكىلەتتىكتەر شەگىندە جۇزەگە اسىرادى.

ەكسپورتتىق-كرەديتتىك اگەنتتىك قارجى نارىعى مەن قارجى ۇيىمدارىن رەتتەۋ, باقىلاۋ جانە قاداعالاۋ جونىندەگى ۋاكىلەتتى ورگاننىڭ سۇراۋ سالۋى بويىنشا اقپاراتتى, ونىڭ ىشىندە قىزمەتتىك, كوممەرتسيالىق قۇپيانى, ساقتاندىرۋ قۇپياسىن جانە قازاقستان رەسپۋبليكاسىنىڭ زاڭدارىمەن قورعالاتىن وزگە دە قۇپيانى قۇرايتىن مالىمەتتەردى بەرەدى.

5. قازاقستان رەسپۋبليكاسىنىڭ سىرتقى ىستەر مينيسترلىگى مەن شەت ەلدەردەگى مەكەمەلەر ەكسپورتتىق-كرەديتتىك اگەنت­تىككە, ونىڭ شەتەلدىك وكىلدەرىنە جانە وكىلدىكتەرىنە وتاندىق شيكى­زاتتىق ەمەس تاۋارلاردى (جۇمىستاردى, كورسە­تىلەتىن قىزمەت­تەردى) سىرتقى نارىققا ىلگەرىلەتۋگە جاردەم كورسەتەدى.
6. وزگە دە ورتالىق مەملەكەتتىك ورگاندار جانە وبلىس­تىڭ, رەسپۋبليكالىق ماڭىزى بار قالانىڭ, استانانىڭ جەرگى­لىكتى اتقارۋشى ورگاندارى قازاقستان رەسپۋبليكاسىنىڭ زاڭنا­ماسىندا بەلگىلەنگەن وكىلەتتىكتەر شەگىندە وتاندىق وڭدەلگەن تاۋارلاردىڭ (جۇمىستاردىڭ, كورسەتىلەتىن قىزمەتتەردىڭ) ەكسپورتىن دامىتۋ جانە ىلگەرىلەتۋ جونىندەگى تەتىكتەردى ىسكە اسىرۋدا جانە جەرگىلىكتى جەرلەردە ەكسپورتقا باعدارلانعان كاسىپورىندارمەن جۇمىس ىستەۋدە ەكسپورتتىق-كرەديتتىك اگەنتتىكپەن ءوزارا ءىس-قيمىلدى جۇزەگە اسىرادى.
7. مەملەكەتتىك ورگاندار, كوممەرتسيالىق, بانكتىك جانە قازاقستان رەسپۋبليكاسىنىڭ زاڭدارىمەن قورعالاتىن وزگە دە قۇپيانى قۇرايتىن مالىمەتتەردى قوسپاعاندا, قازاقستان رەسپۋبليكاسىنىڭ كاسىپكەرلىك سۋبەكتىلەرىنىڭ قۇقىقتارى مەن مىندەتتەرىن قوزعايتىن اقپاراتتى ەكسپورتتىق-كرەديت­تىك اگەنتتىكتىڭ سۇراۋ سالۋى بويىنشا قازاقستان رەسپۋب­ليكاسىنىڭ زاڭناماسىندا كوزدەلگەن تارتىپپەن بەرۋگە مىندەتتى.
8. قازاقستان رەسپۋبليكاسىنىڭ زاڭدارىندا كوزدەلگەن جاعدايلاردى قوسپاعاندا, ەكسپورتتىق-كرەديتتىك اگەنتتىكتىڭ قىزمەتىنە مەملەكەتتىك ورگاندار مەن ولاردىڭ لاۋازىمدى ادامدارىنىڭ كەز كەلگەن نىساندا ارالاسۋىنا تىيىم سالىنادى.

22-7-باپ. ۇلەستەس تۇلعالارعا جەڭىلدىكتى جاعدايلار بەرۋگە تىيىم سالۋ

1. ەكسپورتتىق-كرەديتتىك اگەنتتىكتىڭ ۇلەستەس تۇلعالارعا جەڭىلدىكتى جاعدايلار بەرۋىنە تىيىم سالىنادى.
2. ۇلەستەس تۇلعاعا جەڭىلدىكتى جاعدايلار بەرۋ ءمانى, ماقسا­تى, ەرەكشەلىكتەرى مەن تاۋەكەلى بويىنشا ەكسپورتتىق-كرەديت­تىك اگەنتتىك ۇلەستەس تۇلعاعا جاتپايتىن تۇلعامەن جاسامايتىن مامىلەنى ونىمەن نەمەسە ونىڭ مۇددەسىندە جاساسۋدى بىلدىرەدى.
3. ۇلەستەستىك بەلگىلەرى «اكتسيونەرلىك قوعامدار تۋرالى» قازاقستان رەسپۋبليكاسىنىڭ زاڭىنا سايكەس ايقىندالادى.

ەكسپورتتىق-كرەديتتىك اگەنتتىكتىڭ ۇلەستەس تۇلعالارىنا:

ۇلتتىق باسقارۋشى حولدينگ;

داۋىس بەرەتىن اكتسيالارىنىڭ (قاتىسۋ ۇلەستەرىنىڭ) ءجۇز پايىزى ۇلتتىق باسقارۋشى حولدينگكە تيەسىلى زاڭدى تۇلعالار;

ۇلتتىق باسقارۋشى حولدينگتىڭ جانە داۋىس بەرەتىن اكتسيالارىنىڭ (قاتىسۋ ۇلەستەرىنىڭ) ءجۇز پايىزى ۇلتتىق باسقارۋشى حولدينگكە تيەسىلى زاڭدى تۇلعالاردىڭ لاۋازىمدى ادامدارى جاتپايدى.».

8. «قىلمىستىق جولمەن الىنعان كىرىستەردى زاڭداستىرۋعا (جىلىستاتۋعا) جانە تەرروريزمدى قارجىلاندىرۋعا قارسى ءىس-قيمىل تۋرالى» 2009 جىلعى 28 تامىزداعى قازاقستان رەسپۋبليكاسىنىڭ زاڭىنا:

1) 3-باپتىڭ 1-تارماعىنىڭ 3) تارماقشاسى مىناداي رەداكتسيادا جازىلسىن:

«3) ساقتاندىرۋ (قايتا ساقتاندىرۋ) ۇيىمدارى, ساقتان­دىرۋ بروكەرلەرى, ءوزارا ساقتاندىرۋ قوعامدارى, قازاقستاننىڭ ەكسپورتتىق-كرەديتتىك اگەنتتىگى, قازاقستان رەسپۋبليكاسىنىڭ بەيرەزيدەنتتەرى-ساقتاندىرۋ (قايتا ساقتاندىرۋ) ۇيىم­دارىنىڭ فيليالدارى, قازاقستان رەسپۋبليكاسىنىڭ بەيرەزي­دەنتتەرى-ساقتاندىرۋ بروكەرلەرىنىڭ فيليالدارى;»;

2) 5-باپتىڭ 3-تارماعىنىڭ بەسىنشى بولىگى ء«وزارا ساقتاندىرۋ قوعامى,» دەگەن سوزدەردەن كەيىن «قازاقستاننىڭ ەكسپورتتىق-كرەديتتىك اگەنتتىگى,» دەگەن سوزدەرمەن تولىق­تىرىلسىن.

9. «رۇقساتتار جانە حابارلامالار تۋرالى» 2014 جىلعى 16 ما­مىر­داعى قازاقستان رەسپۋبليكاسىنىڭ زاڭىنا:

28-باپتىڭ 2-تارماعى 5) تارماقشاسىنداعى «شەگىندە قىزمەتتى ليتسەنزياسى بولماي جۇزەگە اسىرۋىنا جول بەرىلەدى.» دەگەن سوزدەر «شەگىندە;» دەگەن سوزبەن اۋىستىرىلىپ, مىناداي مازمۇنداعى 6) تارماقشامەن تولىقتىرىلسىن:

«6) قازاقستاننىڭ ەكسپورتتىق-كرەديتتىك اگەنتتىگىنىڭ قازاقستان رەسپۋبليكاسىنىڭ زاڭناماسىندا بەلگىلەنگەن وكىلەتتىكتەر شەگىندە قىزمەتتى ليتسەنزياسى بولماي جۇزەگە اسىرۋىنا جول بەرىلەدى.».

10. «ونەركاسىپتىك ساياسات تۋرالى» 2021 جىلعى 27 جەلتوق­سانداعى قازاقستان رەسپۋبليكاسىنىڭ زاڭىنا:

1) 1-باپتىڭ 15) تارماقشاسىنداعى «شيكىزاتتىق ەمەس ەكسپورتتى ىلگەرىلەتۋ جونىندەگى بىرىڭعاي وپەراتور,» دەگەن سوزدەر الىپ تاستالسىن;

2) 8-باپتىڭ 2) تارماقشاسى مىناداي رەداكتسيادا جازىلسىن:

«2) ونەركاسىپتى مەملەكەتتىك ىنتالاندىرۋ شارالارىن ىسكە اسىرۋعا ۋاكىلەتتىك بەرىلگەن ۇلتتىق دامۋ ينستيتۋتتارىنىڭ جانە داۋىس بەرەتىن اكتسيالارىنىڭ (جارعىلىق كاپيتالعا قاتى­سۋ ۇلەستەرىنىڭ) ەلۋ جانە ودان كوپ پايىزى تىكەلەي نە جاناما تۇردە مەملەكەتكە تيەسىلى وزگە دە زاڭدى تۇلعالاردىڭ تىزبەسىن بەكىتەدى;»;

3) 10-باپتىڭ 6) جانە 8) تارماقشالارىنداعى «شيكىزاتتىق ەمەس ەكسپورتتى ىلگەرىلەتۋ جونىندەگى بىرىڭعاي وپەراتور» دەگەن سوزدەر «قازاقستاننىڭ ەكسپورتتىق-كرەديتتىك اگەنتتىگى» دەگەن سوزدەرمەن اۋىستىرىلسىن;

4) 13-باپتا:

2-تارماقتىڭ 2) تارماقشاسىنىڭ جەتىنشى ابزاتسى مىناداي رەداكتسيادا جازىلسىن:

«سىرتقى نارىقتارعا ىلگەرىلەتۋ بويىنشا شىعىندار ءىشىن­ارا وتەلەتىن وڭدەۋ ونەركاسىبىنىڭ وتاندىق تاۋار­لارى مەن كورسەتىلەتىن قىزمەتتەرىن, سونداي-اق اقپاراتتىق-كوممۋنيكاتسيالىق كورسەتىلەتىن قىزمەتتەردى قابىلدانعان حالىقارالىق مىندەتتەمەلەر شەڭبەرىندە سىرتقى نارىقتارعا ىلگەرىلەتۋ بويىنشا ونەركاسىپتىك-يننوۆاتسيالىق قىزمەت سۋبەكتىلەرى شىعىندارىنىڭ ءبىر بولىگىن وتەۋ ارقىلى ونەركاسىپتى مەملەكەتتىك ىنتالاندىرۋ شارالارىن ۇسىنۋ كەزىندە ونەركاسىپتىك-يننوۆاتسيالىق قىزمەت سۋبەكتىلەرى قابىلدايتىن قارسى مىندەتتەمەلەردى مونيتورينگىلەۋدى قوسپاعاندا, قارسى مىندەتتەمەلەردى مونيتورينگىلەۋ;»;

5-تارماقتا:

ءبىرىنشى ابزاتس مىناداي رەداكتسيادا جازىلسىن:

«5. شيكىزاتتىق ەمەس ەكسپورتتى دامىتۋ جانە ىلگەرىلەتۋ سالاسىنداعى ۇلتتىق دامۋ ينستيتۋتى:»;

10) تارماقشا مىناداي رەداكتسيادا جازىلسىن:

«10) سىرتقى ساۋدا قىزمەتىن رەتتەۋ سالاسىنداعى ۋاكىلەت­تى ورگان مەن شيكىزاتتىق ەمەس ەكسپورتتى دامىتۋ جانە ىلگەرىلەتۋ سالاسىنداعى ۇلتتىق دامۋ ينستيتۋتى اراسىندا جاسا­لاتىن شارت نەگىزىندە, سىرتقى نارىقتارعا ىلگەرىلەتۋ بويىنشا شىعىندار ءىشىنارا وتەلەتىن وڭدەۋ ونەركاسىبىنىڭ وتاندىق تاۋارلارى مەن كورسەتىلەتىن قىزمەتتەرىن, سونداي-اق اقپاراتتىق-كوممۋنيكاتسيالىق كورسەتىلەتىن قىزمەتتەردى قابىلدانعان حالىقارالىق مىندەتتەمەلەر شەڭبەرىندە سىرتقى نارىقتارعا ىلگەرىلەتۋ بويىنشا ونەركاسىپتىك-يننوۆاتسيالىق قىزمەت سۋبەكتىلەرى شىعىندارىنىڭ ءبىر بولىگىن وتەۋگە بولىن­گەن قاراجاتتى باسقارۋدى جۇزەگە اسىرۋ ءۇشىن قازاقستان رەسپۋبليكاسىنىڭ رەزيدەنتىندە-ەكىنشى دەڭگەيدەگى بانكتە اعىمداعى شوت اشادى.

قارجى جىلىنىڭ سوڭىنا ەسەپتەلەتىن اعىمداعى شوتتا­عى قاراجات قالدىقتارى سىرتقى ساۋدا قىزمەتىن رەتتەۋ سالا­سىن­داعى ۋاكىلەتتى ورگانعا جانە تيىسىنشە مەملەكەتتىك بيۋد­جەتكە قايتارىلۋعا جاتپايدى, كەلەسى قارجى جىلىندا وڭدەۋ ونەركاسىبىنىڭ وتاندىق تاۋارلارى مەن كورسەتىلەتىن قىزمەتتەرىن, سونداي-اق اقپاراتتىق-كوممۋنيكاتسيالىق كورسەتىلەتىن قىزمەتتەردى سىرتقى نارىقتارعا ىلگەرىلەتۋ بويىنشا ونەركاسىپتىك-يننوۆاتسيالىق قىزمەت سۋبەكتىلەرى شىعىندارىنىڭ ءبىر بولىگىن وتەۋگە جۇمسالادى;»;

مىناداي مازمۇنداعى 10-1) جانە 10-2) تارماقشالارمەن تولىقتىرىلسىن:

«10-1) وڭدەۋ ونەركاسىبىنىڭ وتاندىق تاۋارلارى مەن كورسە­تىلەتىن قىزمەتتەرىن, سونداي-اق اقپاراتتىق-كوم­مۋنيكاتسيالىق كورسەتىلەتىن قىزمەتتەردى قابىلدانعان حالىق­ارالىق مىندەت­تەمەلەر شەڭبەرىندە سىرتقى نارىقتارعا ىلگەرىلەتۋ بويىنشا ونەركاسىپتىك-يننوۆاتسيالىق قىزمەت سۋبەكتىلەرى شىعىندارىنىڭ ءبىر بولىگىن وتەۋ قاعيدالارىنا سايكەس, سىرتقى نارىقتارعا ىلگەرىلەتۋ بويىنشا شىعىندار ءىشىنارا وتەلەتىن وڭدەۋ ونەركاسىبىنىڭ وتاندىق تاۋارلارى مەن كورسەتىلەتىن قىزمەتتەرىن, سونداي-اق اقپاراتتىق-كوممۋنيكاتسيالىق كورسەتى­لەتىن قىزمەتتەردى قابىلدانعان حالىقارالىق مىندەتتە­مەلەر شەڭبەرىندە سىرتقى نارىقتارعا ىلگەرىلەتۋ بويىنشا ونەركاسىپتىك-يننوۆاتسيالىق قىزمەت سۋبەكتىلەرى شىعىن­دارىنىڭ ءبىر بولىگىن وتەۋ ارقىلى ونەر­كاسىپتى مەملەكەتتىك ىنتالاندىرۋ شارالارىن ۇسىنۋ بويىن­شا سىرتقى ساۋدا قىزمەتىن رەتتەۋ سالاسىنداعى ۋاكى­لەتتى ورگانعا قىزمەتتەر كورسەتەدى;

10-2) وڭدەۋ ونەركاسىبىنىڭ وتاندىق تاۋارلارى مەن كورسە­تىلەتىن قىزمەتتەرىن, سونداي-اق اقپاراتتىق-كوم­مۋنيكاتسيالىق كورسەتىلەتىن قىزمەتتەردى قابىلدانعان حا­لىق­ارالىق مىندەت­تەمەلەر شەڭبەرىندە سىرتقى نارىقتارعا ىلگەرىلەتۋ بويىنشا ونەركاسىپتىك-يننوۆاتسيالىق قىزمەت سۋبەكتىلەرى شىعىندارىنىڭ ءبىر بولىگىن وتەۋ قاعيدالارىنا سايكەس, سىرتقى نارىقتارعا ىلگەرىلەتۋ بويىنشا شىعىندار ءىشىنارا وتەلەتىن وڭدەۋ ونەركاسىبىنىڭ وتاندىق تاۋارلارى مەن كورسەتىلەتىن قىزمەتتەرىن, سونداي-اق اقپاراتتىق-كوممۋنيكاتسيالىق كورسەتى­لەتىن قىزمەتتەردى قابىلدانعان حالىقارالىق مىندەتتە­مەلەر شەڭبەرىندە سىرتقى نارىقتارعا ىلگەرىلەتۋ بويىنشا ونەركاسىپتىك-يننوۆاتسيالىق قىزمەت سۋبەكتىلەرى شىعىندارىنىڭ ءبىر بولىگىن وتەۋ ارقىلى ونەركاسىپتى مەملەكەتتىك ىنتالاندىرۋ شارالارىن ۇسىنۋ كەزىندە ونەركاسىپتىك-يننوۆاتسيالىق قىزمەت سۋبەكتىلەرى قابىلدايتىن قارسى مىندەتتەمەلەردى مونيتورينگىلەۋدى جۇزەگە اسىرادى;»;

5) 38-باپتىڭ 1-تارماعىندا:

ءبىرىنشى ابزاتس مىناداي رەداكتسيادا جازىلسىن:

«1. ونەركاسىپتى مەملەكەتتىك ىنتالاندىرۋ شارالارىن ۇسىنۋدى سىرتقى ساۋدا قىزمەتىن رەتتەۋ سالاسىنداعى ۋاكىلەتتى ورگان شيكىزاتتىق ەمەس ەكسپورتتى دامىتۋ جانە ىلگەرىلەتۋ سالاسىنداعى ۇلتتىق دامۋ ينستيتۋتىن تارتا وتىرىپ, مىنالار ارقىلى جۇزەگە اسىرادى:»;

2) تارماقشاداعى «شيكىزاتتىق ەمەس ەكسپورتتى ىلگەرىلەتۋ جونىندەگى بىرىڭعاي وپەراتور» دەگەن سوزدەر «قازاقستاننىڭ ەكسپورتتىق-كرەديتتىك اگەنتتىگى» دەگەن سوزدەرمەن اۋىستىرىلسىن;

6) 43-باپتىڭ 2-تارماعىنىڭ ءبىرىنشى ابزاتسىنداعى «شيكىزاتتىق ەمەس ەكسپورتتى ىلگەرىلەتۋ جونىندەگى بىرىڭعاي وپەراتوردى» دەگەن سوزدەر «شيكىزاتتىق ەمەس ەكسپورتتى دامىتۋ جانە ىلگەرىلەتۋ سالاسىنداعى ۇلتتىق دامۋ ينستيتۋتىن» دەگەن سوزدەرمەن اۋىستىرىلسىن.

2-باپ.

1. وسى زاڭ العاشقى رەسمي جاريالانعان كۇنىنەن كەيىن كۇنتىزبەلىك الپىس كۇن وتكەن سوڭ قولدانىسقا ەنگىزىلەدى.
2. قازاقستاننىڭ ەكسپورتتىق-كرەديتتىك اگەنتتىگى رەتىندە ايقىندالعان زاڭدى تۇلعا:

1) وسى زاڭ قولدانىسقا ەنگىزىلگەن كۇننەن باستاپ ءبىر جىل ىشىندە ءوزىنىڭ قۇرىلتاي قۇجاتتارىنا ءتيىستى وزگەرىستەر ەنگىزۋگە جانە ءوز قىزمەتىن قازاقستان رەسپۋبليكاسىنىڭ زاڭناماسىنا سايكەس كەلتىرۋگە;

2) قازاقستاننىڭ ەكسپورتتىق-كرەديتتىك اگەنتتىگى رەتىندە ايقىندالعان كۇننەن باستاپ ءبىر اي ىشىندە «جالپى ساقتاندىرۋ» سالاسى بويىنشا ساقتاندىرۋ (قايتا ساقتاندىرۋ) قىزمەتىن جۇزەگە اسىرۋ قۇقىعىنا ارنالعان ليتسەنزيانى ليتسەنزيارعا قايتارۋعا مىندەتتى.

ليتسەنزيا قايتارىلعان كەزدە وسى تارماقتا كورسەتىلگەن زاڭدى تۇلعاعا «ساقتاندىرۋ قىزمەتى تۋرالى» قازاقستان رەسپۋبليكاسى زاڭىنىڭ 37-بابى 15-تارماعىنىڭ تالاپتارى قولدانىلمايدى.

ليتسەنزيانىڭ قولدانىسى توقتاتىلعانعا دەيىن قولدانىس­تاعى ساقتاندىرۋ (قايتا ساقتاندىرۋ) شارتتارىنا ولاردىڭ مەرزىمىن ۇزارتۋ جانە جاڭا ساقتاندىرۋ (قايتا ساقتاندىرۋ) شارتتارىن جاساسۋ بولىگىندە وزگەرىستەر مەن تولىقتىرۋلار ەنگىزۋگە تىيىم سالىنادى;

3) بۇرىن جاسالعان ساقتاندىرۋ (قايتا ساقتاندىرۋ) شارتتارى بويىنشا مىندەتتەمەلەردى ورىنداۋعا نە ساقتاندىرۋ پورتفەلى مەن رەزەرۆتەرىن باسقا ساقتاندىرۋ (قايتا ساقتان­دىرۋ) ۇيىمىنا بەرۋدى جۇزەگە اسىرۋعا مىندەتتى.

قازاقستان رەسپۋبليكاسىنىڭ پرەزيدەنتى

 ق.توقاەۆ

استانا, اقوردا, 2024 جىلعى 23 قاڭتار

№ 54-ءVIىى قرز