فوتو: olympic.kz
سپورتتىق باسەكەدە اتىراۋ, اقتوبە, اقتاۋ ورال جانە جاڭاوزەن قالالارىنان كەلگەن 6 كوماندا – بارلىعى 60-قا تارتا سپورتشى باق سىنادى.
سپورتتىق جارىستىڭ اشىلۋ سالتاناتىندا 5548 اسكەري ءبولىمىنىڭ كومانديرى, پودپولكوۆنيك سانات تابەتوۆ ءسوز سويلەپ, اسكەري قىزمەتشىلەردىڭ اراسىندا سپورتشىلاردىڭ شەبەرلىگىن شىڭداۋ وتە ماڭىزدى ەكەنىن ايتتى. سونىمەن قاتار قاتىسۋشىلارعا ساتتىلىك تىلەپ, سپورتپەن تۇراقتى اينالىسىپ, سالاماتتى ءومىر سالتىن ورنىقتىرۋدىڭ ماڭىزىن اتاپ كورسەتتى.
ويىن الاڭىنا اۋەلى ورال قالاسىنىڭ 5517 اسكەري ءبولىمىنىڭ كومانداسى مەن جاڭاوزەن قالاسىنىڭ 5548 اسكەري ءبولىمىنىڭ ۆولەيبولشىلارى شىقتى. العاشقى مينۋتتان-اق ورالدىقتار شابۋىلدى ۇدەتىپ, ەسەپتى ەسەلەپ الدى. جاڭاوزەندىكتەر دە قاراپ قالمادى, كەشىكپەي ويىن تىزگىنىن قولىنا الىپ, ەسەپتى تەڭەستىرە ءبىلدى. ويىننىڭ اياقتالۋىنا ساناۋلى مينۋت قالعاندا ورال كومانداسىنىڭ ايى وڭىنان تۋىپ, جەڭىسكە جەتتى.
جارىسقا قاتىسۋشىلاردىڭ ءبارى دە بارىنشا شەبەرلىك كورسەتىپ, ءوز كومانداسى ءۇشىن ايانىپ قالمادى. ەكى كۇنگە سوزىلعان تارتىستى سايىستىڭ قورىتىندىسى بويىنشا ورال قالاسىنىڭ 5517 اسكەري ءبولىمىنىڭ كومانداسى ءبىرىنشى ورىنعا قول جەتكىزدى. ەكىنشى ورىندى اقتاۋ قالاسىنان كەلگەن 6656 اسكەري ءبولىمىنىڭ ويىنشىلارى يەلەندى. ال ءۇشىنشى ورىن الاڭ يەلەرى – 5548 اسكەري ءبولىمىنىڭ كومانداسىنا بۇيىردى. جەڭىمپاز-جۇلدەگەرلەر كۋبوك, گراموتا, باعالى سىيلىقتارمەن ماراپاتتالدى.
باتىس قازاقستان وبلىسى
