سۋرەتتەردى تۇسىرگەن – ەرلان ومار, «EQ»
سۇحبات ماڭىزدى ماسەلەلەردى نازاردان تىس قالدىرماي, قوعام ءومىرىنىڭ بارلىق سالاسىن قامتىپ, بارىنشا جاتىق, تۇسىنىكتى تىلمەن تولىققاندى بەرىلگەن. پرەزيدەنت ۇلت مۇددەسى ەشقاشان ەستەن شىعارىلمايتىنىن جۇرتشىلىق نازارىنا جەتكىزدى. حالىق اراسىندا ءتۇرلى كوزقاراس, ءتۇرلى پىكىر تۋعىزعان قاڭتار وقيعاسى تۋرالى, قازاقستانعا رەسەيدىڭ اسكەري قىزمەتشىلەرىن شاقىرۋ تۋرالى قويىلعان سالماقتى ساۋالعا پرەزيدەنت
ەگجەي-تەگجەي توقتالىپ, سول ءبىر دۇربەلەڭ قاسىرەتتىڭ باستالۋى, ەتەك الىپ ءوربۋى, قانداي قيىن سىندارلى ساتتەردى باستان كەشۋگە تۋرا كەلگەنى تۋرالى كەڭىنەن اڭگىمەلەدى. قاڭتار وقيعاسى كەزىندە ەگەمەندىگىمىز عانا ەمەس, ەلدىگىمىزدەن دە ايىرىلىپ قالا جازدادىق. وسىنداي سىندارلى ۋاقىتتا مەملەكەت باسشىسى تاباندىلىعى مەن قايسار مىنەزىنىڭ, باتىل شەشىمدەرىنىڭ ناتيجەسىندە, قايسارلىلىق تانىتىپ, ەلدىگىمىزدى, ەگەمەندىگىمىزدى ساقتاپ قالدى.
سۇحبات بارىسىندا ەلىمىزدەگى ساياسي رەفورمالاردىڭ 2019 جىلى باستالعانى, ساياسي جاڭعىرۋ ۇدەرىسى 2022 جىلى تىڭ قارقىنمەن جالعاسقانى ايتىلدى. اتا زاڭنىڭ ۇستەمدىگىن قامتاماسىز ەتەتىن, كونستيتۋتسيالىق باقىلاۋدى جۇزەگە اسىراتىن جوعارى ورگان – كونستيتۋتسيالىق سوت قايتا قالپىنا كەلتىرىلگەنى ءسوز بولدى. ەكونوميكا باعىتىندا دا كەلەلى وي ايتىلدى. ادىلەتتى قازاقستاننىڭ جاڭا ەكونوميكالىق باعدارى جاريالانعانى, ماڭىزدى مىندەت – ينۆەستيتسيا تارتۋ, قوماقتى ينۆەستيتسيا بولسا, ەكونوميكا قارقىنى ۇدەيە ءتۇسىپ, جاڭا مۇمكىندىكتەر پايدا بولاتىنى ءسوز بولدى. سوعان وراي, ينۆەستيتسيا شتابىن قۇرۋ تۋرالى جارلىققا قول قويىلعانىن جەتكىزدى. پرەزيدەنتتىڭ تاپسىرماسىمەن ۇكىمەت مەملەكەت پەن بيزنەستىڭ قارىم-قاتىناسىن قايتا قاراۋعا مۇمكىندىك بەرەتىن جاڭا سالىق كودەكسىن ازىرلەپ جاتقانى ايتىلدى. مەملەكەت باسشىسى سالىق جۇيەسىن جەتىلدىرۋ, جاڭا بيۋدجەت كودەكسى تۇرعىسىندا ءوز ويىن جەتكىزدى.
ء«بىز وزىق ويلى ۇلت رەتىندە تەك قانا العا قاراۋىمىز كەرەك!» تاقىرىبىن ارقاۋ ەتكەن سۇحبات ەل ومىرىندەگى كوپتەگەن تۇيتكىلدى ماسەلەنى قامتىعان. سۇحباتتىڭ پاراساتتى ءارى پايىمدى ءتۇيىنى ءبارىمىزدىڭ ويىمىزدان شىعىپ, كوكەيدەگىنى جەتكىزگەنى اقيقات. ءبىز دە سۇحباتتاعى پىكىرلەرگە تولىعىمەن قوسىلامىز, قۇپتايمىز, قولدايمىز. ادىلەتتى قازاقستاننىڭ قالىپتاسۋىنا ۇلەس قوسۋ – ارقايسىسىمىزدىڭ نەگىزگى ازاماتتىق بورىشىمىز.
سىر وڭىرىندە كەيىنگى جىلدارى اتقارىلىپ جاتقان جۇمىستار ەلدەگى بىرلىك پەن بەرەكەنى تانىتادى. ايماعىمىزداعى انا مەن بالاعا دەگەن قامقورلىق, دەنساۋلىق, ءبىلىم سالاسىنداعى جەتىستىكتەردى اتاپ ايتۋعا بولادى. سالىنعان جانە جاقىندا ىسكە قوسىلاتىن ونەر ورتالىعى, وتباسى ورتالىعى, مەكتەپتەر, دارىندى بالالارعا ارنالعان ارنايى مەكتەپ, قان ورتالىعى, جوندەلىپ جاتقان جولدار, تاپ-تازا قالا كەلبەتى ءبارى-ءبارى – وبلىس باسشىسىنىڭ پرەزيدەنت تاپسىرمالارىن ورىنداۋداعى, ادىلەتتى قازاقستان جولىنداعى ناتيجەلى ەڭبەگى. ءبىر سوزبەن ايتقاندا, قىزىلوردا وبلىسىنىڭ دامۋى مەملەكەت باسشىسىنىڭ ۇستانىمىن, جارقىن يدەيالارىن جۇزەگە اسىرۋدا الەۋەتتى دەۋگە بولادى.
قىلىشباي بيسەنوۆ,
اكادەميك,
ۇلتتىق قۇرىلتاي مۇشەسى
