فوتو: ازاتتىق رۋحى
ەسكە سالايىق, بۇرىنعى ەڭبەك جانە حالىقتى الەۋمەتتىك قورعاۋ ۆيتسە-ءمينيسترى نۇرجان التاەۆ بىرنەشە رەت ءىرى كولەمدە پارا العانى ءۇشىن سوتتالدى. ءبىرىنشى ساتىداعى سوت ونى ءومىر بويىنا مەملەكەتتىك قىزمەتتە جۇمىس ىستەۋ قۇقىعىنان ايىرۋمەن 10 جىلعا باس بوستاندىعىنان ايىردى.
بۇگىن استانا سوتىنىڭ اپەللياتسيالىق ينستانتسياسى سوت ۇكىمىن وزگەرىسسىز قالدىرىپ, جازانىڭ زاڭدى تۇردە كۇشىنە ەنگەنىن حابارلادى.
ەسكە سالا كەتەيىك, انتيكور قىزمەتى التاەۆتى 2023 جىلدىڭ جىلدىڭ 7 ماۋسىمىندا اسا ءىرى كولەمدە پارا العانى ءۇشىن ۇستادى. كەيىن دەپارتامەنت تەرگەۋدىڭ ەگجەي-تەگجەيىن جاريالادى. تەرگەۋشىلەردىڭ ايتۋىنشا, ول ەڭبەك جانە حالىقتى الەۋمەتتىك قورعاۋ ۆيتسە-ءمينيسترى رەتىندە «اتامەكەن» اەس باسشىسىنان 135 مىڭ دوللار كولەمىندە پارا العان.
