وبلىستىق سانيتارلىق-ەپيدەميولوگيالىق باقىلاۋ دەپارتامەنتى باسشىسىنىڭ ورىنباسارى نۇرلىبەك مۇستاەۆتىڭ ايتۋىنشا, بىلتىر وڭىردە 477 ادام قىزىلشا دياگنوزىمەن تىركەلگەن ەكەن. ال قاڭتاردا 48 جاعداي انىقتالىپ وتىر. جاڭا جىلدىڭ العاشقى ون كۇنىندە قاۋىپتى دەرتپەن تىركەلگەن 48 ادامنىڭ 35-ءى – كامەلەت جاسىنا تولماعاندار. «وبلىستا قىزىلشا بوكەيوردا جانە جانىبەكتەن باسقا بارلىق اۋداندا تىركەلدى», دەيدى نۇرلىبەك ەرمەك ۇلى.
ۇلتتىق پروفيلاكتيكالىق ەكپە كۇنتىزبەسىنە سايكەس قازاقستاندا 6 جاسقا دەيىنگى بالالار يممۋنيتەتتى قامتاماسىز ەتەتىن جانە مۇگەدەكتىكتىڭ الدىن الاتىن جۇقپالى اۋرۋلارعا قارسى نەگىزگى 10 ەكپە الۋى كەرەك. الايدا كەيىنگى بىرنەشە جىل بويى ۆاكتسينادان باس تارتۋشىلار سانى كوبەيىپ بارادى. ماماندار ينفەكتسيانىڭ كوبەيۋىن وسى ماسەلەمەن تىكەلەي بايلانىستى دەپ ەسەپتەيدى.
«مىسالى, قىزىلشانىڭ ارنايى ەمى جوق. بۇدان تەك ەكپە الۋ ارقىلى عانا قورعانۋعا بولادى», دەيدى ن.مۇستاەۆ.
قىزىلشاعا قارسى ۆاكتسينا ۇلتتىق يممۋنداۋ كۇنتىزبەسىنە ەنگىزىلگەن. بالالارعا قىزىلشاعا قارسى ەگۋ 1 جاستا, ال رەۆاكتسينالاۋ 6 جاستا جۇرگىزىلەدى. ەكپەدەن كەيىن بالانىڭ بويىندا ينفەكتسيادان قورعايتىن يممۋنيتەت پايدا بولادى.
«اۋرۋدىڭ العاشقى بەلگىلەرى بايقالسا, دەرەۋ مەديتسينالىق كومەككە جۇگىنۋ قاجەت. ءوز بەتىمەن ەم قابىلداۋعا بولمايدى. بالاڭىز قانداي دا ءبىر سەبەپپەن ەكپە الماعان بولسا, جەرگىلىكتى ەمحاناعا بارىپ, ەكپە الۋدى سۇرايمىز», دەيدى ماماندار.
كەيىنگى كۇندەرى باتىس قازاقستان وبلىسىندا ءجىتى رەسپيراتورلىق ۆيرۋستىق ينفەكتسياعا شالدىققاندار سانى دا كوبەيىپ كەتكەن. وتكەن جىلعى ماۋسىممەن سالىستىرعاندا 50,3% جوعارىلاپتى. وڭىردە 1 قازاننان بەرى وسىنداي دياگنوزبەن 98 633 جاعداي تىركەلسە, سولاردىڭ 64,1%-ى – 14 جاسقا دەيىنگى بالالار ەكەن.
قازىر وقۋشىلار قىسقى كانيكۋلىن ءتامامداپ, ءۇشىنشى توقساندى باستاپ كەتتى. سانيتارلىق-ەپيدەميولوگيالىق سالا ماماندارى وقۋشىلار اراسىنداعى ينفەكتسيا كۇرت ءوسىپ كەتپەۋى ءۇشىن ءبىلىم بەرۋ ۇيىمدارىندا سانيتايزەر, دەزينفەكتسيا, جۋ قۇرالدارى سىندى جابدىقتاردىڭ جەتكىلىكتى بولۋىن, وقۋشىلاردىڭ جەكە گيگيەنا ەرەجەلەرىن ساقتاۋىن تالاپ ەتىپ جاتىر. جوتەلىپ, مۇرىننان سۋ اعىپ, قىزۋى 37 گرادۋستان جوعارى بولىپ تۇرعان بالالاردى مەكتەپ پەن بالاباقشاعا كىرگىزبەۋ جونىندە نۇسقاۋ بەرىلگەن.
باتىس قازاقستان وبلىسى
